Vinsamlegast athugið að þetta efni er eldra en 1 árs.
Einstakt markaðsverkfæri endurvakið
Fræðsluhornið 4. maí 2021

Einstakt markaðsverkfæri endurvakið

Höfundur: Hörður Kristjánsson

Nýverið fór í loftið ný og endurbætt uppskrifta- og fræðslusíða um íslenskt lambakjöt. Vefsíðan, sem staðið hefur nær óbreytt frá aldamótum, hefur reynst afar mikilvæg í markaðssetningu á lambakjöti til íslenskra neytenda. Þar mátti finna fjölbreyttar uppskriftir af hefðbundnum íslenskum uppskriftum í bland við framandi rétti frá öllum heimshornum.

Þrátt fyrir að hafa legið í dvala í mörg ár og engar auglýsingar vakið athygli neytenda á síðunni hafa rúmlega 220.000 manns nýtt heimasíðuna árlega. Töluverður fjöldi Íslendinga nýtti sér fræðsluefni síðunnar allt árið um kring, en mest í kringum hátíðar og grilltíðina. Upplýsingar um eldunartíma, skurð og meðferð kjötsins hafa reynst neytendum vel þegar elda á íslenskt lambakjöt.

Uppfærð heimasíða

Í fyrra ákváðu sauðfjárbændur að nýta vefsíðuna betur í markaðssetningu á afurð sinni til íslenskra neytenda. Með því að uppfæra heimasíðuna og efnið sem þar má finna verður hægt að ná til stærri hóps neytenda með öflugri markaðssetningu. Vefsíðan er einnig notendavænni sem eykur líkurnar á því að neytendur nýti hana reglulega. Við uppfærsluna var lögð áhersla á gerð auðveldra og spennandi uppskrifta sem henta nútímafjölskyldum. Þar má nú finna áhugaverðar uppskriftir sem gera hversdaginn betri og hátíðlegar steikur sem henta vel í matarboð eða á tyllidögum. Á næstu vikum munu svo birtast grilluppskriftir sem enginn má láta framhjá sér fara í sumar.

Markmið þess er að fræða Íslendinga betur um íslenskt lambakjöt

Við upp­færsluna var fræðsluhluti síðunar endur­skoðaður af hópi kennara við Hótel- og matvælaskólann sem nú vinna að gerð myndbanda sem gera efnið enn aðgengilegra og notendavænna. Markmið þess er að fræða Íslendinga betur um íslenskt lambakjöt og efla þekkingu þeirra á matreiðslu og meðhöndlun kjötsins. Mikil vinna hefur verið lögð í nýja síðu en hún verður í aðalhlutverki í markaðsherferðum innanlands, miðpunktur alls sem við kemur lambakjöti og fyrsti viðkomustaður neytenda. Guðfinna Harpa Árnadóttir, formaður Landssamtaka sauðfjárbænda, segir: „Með því að fræða neytendur um eiginleika íslensks lambakjöts og bjóða upp á fjölbreyttar uppskriftir gerum við afurðina aðgengilegri. Vefsíðan mun auðvelda fólki að finna nýjar uppskriftir og sýna neytendum hvernig má nota lambakjöt í fjölbreytta rétti, ekki bara á sunnudögum. Þessi uppfærsla er löngu tímabær, enda mikilvægt að geta beint neytendum á lendingarsíðu eins og þessa nú þegar markaðssetning fer að mestu leyti fram á vefnum og samfélagsmiðlum. Við erum að taka stórt skref inn í framtíðina líkt og gert var á sínum tíma þegar lambakjot.is vefurinn var opnaður fyrst. Nú er kominn lifandi vefsíða sem tekur mið af árstíðum og þörfum neytenda“.

íslensktlambakjöt.is

Hægt er að kynna sér nýjar uppskriftir og uppfært fræðsluefni um íslenskt lambakjöt á vefnum íslensktlambakjöt.is. 

Geymsla heyfengs í turnum
Fræðsluhornið 27. september 2022

Geymsla heyfengs í turnum

Heyturnar eru ekki nýjung fyrir Íslendinga en segja má að blómatíð þeirra h...

Ein mest selda dráttarvél landsins
Fræðsluhornið 26. september 2022

Ein mest selda dráttarvél landsins

Claas Arion 470 sem Vélfang selur er millistór traktor á íslenskan mælikvarð...

Um sýni úr heyjum, jarðvegi og búfjáráburði
Fræðsluhornið 26. september 2022

Um sýni úr heyjum, jarðvegi og búfjáráburði

Að gera góða áburðaráætlun getur verið kúnst og reynist stundum talsvert van...

,,Auðveldara að ásaka en útskýra“
Fræðsluhornið 21. september 2022

,,Auðveldara að ásaka en útskýra“

Öðru hvoru eru skrifaðar greinar eða fréttir sagðar af því að íslensk sjáva...

Hekl er hæstmóðins
Fræðsluhornið 16. september 2022

Hekl er hæstmóðins

Nú hefur komið skemmtilega á daginn að heklaður fatnaður hefur víða hlotið na...

Glókollur
Fræðsluhornið 14. september 2022

Glókollur

Glókollur er minnsti fugl Evrópu en fullorðinn fugl er um 9 cm að lengd og veg...

44,3% efnahagslögsögunnar kortlögð
Fræðsluhornið 13. september 2022

44,3% efnahagslögsögunnar kortlögð

Rannsóknaskipið Árni Frið­ riksson kortlagði í ágúst alls um 8.964 ferkílo...

Ungbændur í Evrópuferð - síðari hluti
Fræðsluhornið 12. september 2022

Ungbændur í Evrópuferð - síðari hluti

Í lok júní héldu 24 nýútskrifaðir búfræðingar frá Hvanneyri í útskrift...