Vinsamlegast athugið að þetta efni er eldra en 5 ára.
Draumurinn um Hansen frá Kína
Fræðsluhornið 12. desember 2016

Draumurinn um Hansen frá Kína

Höfundur: Vilmundur Hansen

Að þessu sinni verður ekki beint fjallað um gamla dráttarvél heldur farið vítt og breitt yfir dráttarvélaframleiðslu í Kína.

Erfitt er að henda reiður á sögu dráttarvélaframleiðslu í Kína. Landbúnaðar­framleiðsla í landinu hefur aukist hratt og er enn í vexti og á sama tíma eru sveitir landsins að vélvæðast. Í dag eru vel yfir 60 dráttarvélaverksmiðjur í landinu.

Verksmiðjurnar framleiða traktora á ýmsum þróunarstigum, hvort sem það eru dráttarvélar sem byggja á tækni frá því um 1960 eða hátæknitraktora í samvinnu við John Deere eða AGCO.

Laun í Kína eru lág í samanburði við Vesturlönd og því hafa stórir vestrænir dráttarvéla­framleiðendur flutt starfsemi sína þangað. Fyrir vikið er hægt að halda framleiðslukostnaðinum og verði á heimamarkaði líka niðri. Auk þess er talið að markaður fyrir dráttarvélar og önnur landbúnaðartæki í Kína eigi eftir að margfaldast á næstu áratugum með vaxandi landbúnaðarframleiðslu.

Traktorsvæðing Kína

Dráttarvélavæðing Kína hófst fyrir alvöru árið fyrir fráfall Maó formanns, 1976. Fyrir þann tíma voru dráttarvélar sameign samyrkjubúa en á árunum 1975 til 1985 komust um 80% allra traktora í landinu í einkaeigu. Í fyrstu voru flestar vélarnar notaðar í byggingargeiranum og annarri verktakastarfsemi en minna var um þá við plægingar úti á ökrunum. 

Sama kram annað nafn

Margar af vélaverksmiðjunum í Kína framleiða sömu dráttarvélarnar undir sömu nöfnum. Annars staðar getur traktorinn heitið eitthvað allt annað þrátt fyrir að kramið sé það sama. Einnig eru til verksmiðjur sem framleiða traktora eftir eigin hönnun og hafa gert það árum saman án sjáanlegra framfara.

Í Kína er að finna fjölda dráttarvélaframleiðenda í fjölmörgum héruðum landsins sem bera orðin Weifang eða Shandong í heitinu. Sum þessara fyrirtækja eru í eigu ríkisins en önnur hafa verið seld einkaaðilum án þess að skipt hafi verið um nafn.

Innreið vestrænna stórfyrirtækja

Eftir að Kínverjar hófu að einkavæða eða einkavæða að hluta fyrirtæki í eigu ríkisins hafa mörg vestræn stórfyrirtæki tekið til stafa í Kína. Í mörgum tilfellum hafa framleiðendur landbúnaðartækja hafið samstarf við kínverska dráttarvélaframleiðendur eða yfirtekið rekstur þeirra með leyfi kínversku stjórnarinnar.

Árið 2001 hófu risa landbúnaðartækjaframleiðandinn CNH og kínverski véla­framleiðandinn SAIC samstarf undir heitinu Shanghai New Holland Agricultural Machinery Corp. Í dag framleiðir það fyrirtæki dráttarvélar undir vörumerkjunum Shanghai Tractors, Shanghai-New Holland og New Holland tractors.
Árið 2007 keypti John Deera kínverska traktora­fram­leiðandann Ningbo Benye Tractor Co., sem framleiddi dráttarvélar sem kölluðust Bebye.

Hansen er málið

Þekktustu dráttarvélarnar sem Kínverjar framleiða í eigin verksmiðjum eru Foton Lovol, Jinma og Tai Shan. Hjá fyrirtækinu sem framleiðir Jinma er hægt að sérpanta dráttarvél með hvaða heiti sem er. Eins og til dæmis Hansen-traktorinn.

Skylt efni: Gamli traktorinn | Kína

Slammað með tekíla
Fræðsluhornið 12. ágúst 2022

Slammað með tekíla

Tekíla er áfengur drykkur sem upprunninn er í Mexíkó og unninn úr gerjuðum...

Fagþing nautgriparæktarinnar í Danmörku – síðasti hluti
Fræðsluhornið 9. ágúst 2022

Fagþing nautgriparæktarinnar í Danmörku – síðasti hluti

Í maí sl. var haldið hið árlega Fagþing Nautgriparæktarinnar í Danmörku eða...

Fýll
Fræðsluhornið 27. júlí 2022

Fýll

Fýll eða múkki, besti vinur sjómannsins, er stór og gráleitur sjófugl. Han...

Gulvíðir
Fræðsluhornið 27. júlí 2022

Gulvíðir

Ástæða er til að telja gulvíði (Salix phylicifolia) til innlendra trjátegunda...

Fagþing nautgriparæktarinnar í Danmörku – annar hluti
Fræðsluhornið 19. júlí 2022

Fagþing nautgriparæktarinnar í Danmörku – annar hluti

Nýverið var haldið hið árlega Fagþing nautgriparæktarinnar í Danmörku, eða „...

Falsfréttir af Galla frá Hesti og fénu í Botnum
Fræðsluhornið 15. júlí 2022

Falsfréttir af Galla frá Hesti og fénu í Botnum

Það er allavega eitt sem sæðingastöðvahrúturinn Galli frá Hesti á sameiginle...

Rafmagnaður sendibíll - Prufuakstur á Toyota Proace Electric
Fræðsluhornið 14. júlí 2022

Rafmagnaður sendibíll - Prufuakstur á Toyota Proace Electric

Að þessu sinni var rafmagnaði sendibíllinn Toyota Proace Electric,sem Toyota um...

Blæösp
Fræðsluhornið 13. júlí 2022

Blæösp

Blæösp (Populus tremula) hefur vaxið á Íslandi frá alda öðli og telst því ...