Vinsamlegast athugið að þetta efni er eldra en 3 ára.
CORVUS TERRAIN Dx4 CAB er ódýr vinnubíll. 
CORVUS TERRAIN Dx4 CAB er ódýr vinnubíll. 
Mynd / HLJ
Á faglegum nótum 30. mars 2020

CORVUS TERRAIN Dx4 CAB

Höfundur: Hjörtur L. Jónsson - liklegur@internet.is

Enginn landbúnaðartækja- og dráttar­­vélainnflytjandi er eins duglegur að bjóða mér í „opin­bera“ heimsókn eins og þeir í Vallar­braut. Mér hefur aldrei leiðst að koma þar í heimsókn, þeir snúast í kringum mig og sjá til þess að kaffiglasið sé alltaf næst­um fullt, benda mér á nýjar vörur og dót sem þeir eru að flytja inn.

Það nýjasta hjá þeim er bíll sem ég leyfi mér að kalla „bóndabíl“ á verði sem ekki hefur sést áður á sambærilegum bílum.

Verð gott, en samt of hátt

Corvus vinnubíllinn kostar 3.284.000 fyrir utan skatt (sam­bærilegir bílar frá samkeppnisaðilum eru á bilinu 3,7– 4,5 milljónir).

Corvus er skráður hjá Sam­göngustofu sem dráttarvél, en tollaður sem breyttur pallbíll hjá Tollstjóra. Í öllum Evrópulöndum, nema á Íslandi, fer þessi dráttarvél í tollaflokk með „öðrum dráttarvélum“ enda er hún með „European Homologation T1B,“ En T1 stendur fyrir dráttarvélar á hjólum. Þetta ósamræmi er til skammar og er fordæmalaus vitleysa. Að borga 30% toll af svona vinnutæki gerir að verðið á þessum og sambærilegum vinnubílum er að jafnaði 20–25% of hátt.

Búnaður og vél

YANMAR dísilmótor vatnskældur, rúmmál: 993cc. 6 ventlar 3ja cylindra fjórgengisvél. Hestöfl: 24/ 18kw / 3600 rpm. Fjórhjóladrif, læsing á afturöxli, léttstýri EPS (rafmagns). Þurrvigt: 764kg, dráttargeta: 907kg. burðargeta á palli: 450kg, heildarþyngd: 1400Kg , hjólbarðar framan: 26x9- R14 hjólbarðar aftan: 26x11- R14, diskabremsur: 256mm framan, 220mm aftan, sjálfstæð fjöðrun (wishbone with anti drive), stillanleg fjöðrun, gasdemparar. Dráttarkúla að aftan, prófílbeisli að framan, 65L geymsluhólf að framan, 69L geymsluhólf undir sætum, 110L geymslu­hólf á hliðum.

Aukabúnaður í þess­um bíl sem var prófaður: Hurðir með opnanlegum gluggum, miðstöð, árekstrarvörn að framan, hlífðarplata undir bíl, inniljós.

Greinilega byggt sem vinnutæki en ekki leiktæki

Þegar maður keyrir bílinn finnur maður strax að þetta er vinnubíll út í eitt, snerpa lítil en togkrafturinn mikill (mér tókst ekki einu sinni að láta hann spóla þótt úti hafi verið snjór og hálka, svo mjúklega tók bíllinn við sér þegar honum var gefið). Uppgefinn hámarkshraði er 60 km, á klukkustund, en þá er hávaðinn inni í bílnum frekar mikill (samkvæmt minni mælingu á bilinu 80 til 82 db, og mæli ég með að nota eyrnahlífar eða tappa sé bíllinn notaður í margar vinnustundir daglega). Þar sem að bíllinn er skráður sem dráttarvél og er með dísilmótor má nota á hann litaða dísilolíu. Allar nánari upplýsingar er hægt að fá á vefsíðu þeirra í Vallarbraut á slóðinni www.vallarbraut.is.

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...