Vinsamlegast athugið að þetta efni er eldra en 11 mánaða.
Berróta plöntur í holu.
Berróta plöntur í holu.
Fræðsluhornið 28. maí 2021

Berróta plöntur

Höfundur: Guðríður Helgadóttir

Plöntur sem ætlaðar eru í limgerði eru oft og tíðum seldar berróta sem þýðir að þær eru hvorki í potti né með stóran rótaklump í kringum rótakerfið, bara ræturnar allsberar og óvarðar. Svona plöntur eru frekar viðkvæmar í flutningum og þegar þær eru keyptar í gróðrarstöðvum er þeim pakkað inn í viðeigandi umbúðir og ýmist mosi eða mold sett með rótunum til að halda á þeim raka þangað til þær komast á áfangastað.

Berróta plöntur í heimferðarpoka.

Best er að gróðursetja þessar plöntur sem fyrst að sumrinu því ef þær eru orðnar fulllaufgaðar þarf að gæta þess sérstaklega að vökva þær vel og lengi á meðan rótakerfið kemur sér fyrir.

Berrótaplöntur sem ætlunin er að gróðursetja í limgerði þarf að geyma í skugga fram að gróðursetningu og bleyta hressilega í rótakerfinu áður en þeim er plantað og eins ef þarf að geyma þær í 1-2 daga fram að gróðursetningunni, þó er ágætt að hafa þennan geymslutíma sem stystan.

Jarðvegur fyrir limgerði þarf að vera góður garðajarðvegur. Áður en plönturnar fara niður er gott að grafa skurð í þeirri lengd sem limgerðið á að vera og dýptin á skurðinum þarf að vera eins og blaðið á skóflunni.

Berróta yfirmokað.

Í skurðinn er settur líf­rænn áburður, t.d. molta eða búfjáráburður, og honum blandað saman við moldina sem fyrir er. Þá er plöntunum raðað niður í skurðinn með því millibili sem mælt er með og moldinni, sem mokað var upp úr skurðinum, mokað ofan í hann aftur. Plönturnar eru réttar við og moldinni þjappað hæfilega vel að þeim þannig að þær standi teinréttar og í þráðbeinni röð, tilbúnar að veita skjól í framtíðinni.

Eins og í allri gróðursetningu lýkur limgerðisútplöntuninni á vökvun. Næstu daga á eftir er gott að byrja morgunverkin á að huga að plöntunum og vökva þær vandlega, sérstaklega ef þurrt er í veðri og sólríkt.

Erfðamengjaúrval í innlendum kornkynbótum
Fræðsluhornið 23. maí 2022

Erfðamengjaúrval í innlendum kornkynbótum

Byggkynbætur voru stundaðar á Íslandi um áratugaskeið, fyrst við Rannsóknastofnu...

Eftirlit með þunga og stærð gripa er vanmetið bústjórnartæki
Fræðsluhornið 23. maí 2022

Eftirlit með þunga og stærð gripa er vanmetið bústjórnartæki

Störf kúabænda eru margþætt, afar fjölbreytt og vissulega mismikilvæg en eitt af...

Tófú er bæði klístrað og hart
Fræðsluhornið 17. maí 2022

Tófú er bæði klístrað og hart

Tófú er unnið úr hleyptum safa í sojabaunum eða sojamjólk eins og sumir vilja ka...

Betri nýting áburðar með hjálp IceCORS leiðréttingarkerfis Landmælinga Íslands
Fræðsluhornið 16. maí 2022

Betri nýting áburðar með hjálp IceCORS leiðréttingarkerfis Landmælinga Íslands

Eins og allir hafa orðið varir við þá hefur áburðarverð hækkað verulega á síðast...

Úrvalsnýting nautanna sem voru fædd 2016
Fræðsluhornið 9. maí 2022

Úrvalsnýting nautanna sem voru fædd 2016

Sú hefð hefur skapast að sýna niðurstöður afkvæmarannsókna á nautum með því að d...

Skráningar á kynbótasýningar þetta vorið
Fræðsluhornið 9. maí 2022

Skráningar á kynbótasýningar þetta vorið

Opnað verður á skráningar á kynbótasýningar nú í byrjun maí og verður það kynnt ...

Nýr sparneytinn Honda HR-V
Fræðsluhornið 9. maí 2022

Nýr sparneytinn Honda HR-V

Fyrir nokkru síðan frumsýndi Askja nýjan Honda HR-V Hybrid-bíl, sjálfskiptan, fr...

Jarðrækt – Sprotinn
Fræðsluhornið 6. maí 2022

Jarðrækt – Sprotinn

Lífið fer hring eftir hring og þannig er aftur komið vor með tilheyrandi viðfang...