Vinsamlegast athugið að þetta efni er eldra en 4 ára.
Inngangur Listasafnsins og Ketilkaffis með verki eftir Ólaf Ólafsson og Libiu Castro.
Inngangur Listasafnsins og Ketilkaffis með verki eftir Ólaf Ólafsson og Libiu Castro.
Líf og starf 31. október 2022

Fjölbreytt og lifandi safn

Höfundur: Hlynur Hallsson

Listasafnið á Akureyri var stofnað árið 1993 og fagnar því 30 ára afmæli á næsta ári.

Í safninu er boðið upp á fjölbreyttar sýningar sem ættu að höfða til sem flestra, enda er það eitt af markmiðum safnsins. Um þessar mundir eru sex sýningar í gangi í safninu, sýning á málverkum Rebekku Kühnis af íslensku landslagi og sýning á verkum Kristins G. Jóhannssonar af akureyrsku landslagi, en sú sýning nær yfir fjóra sali á efstu hæð safnsins.

Svalir Listasafnsins eru einnig nýttar fyrir sýningar og nú gefur þar að líta fánaverk eftir Steinunni Gunnlaugsdóttur sem ber titilinn Blóð og heiður. Sýningin Gjöfin til íslenskrar alþýðu frá Listasafni ASÍ er einnig í Listasafninu á Akureyri fram til 20. nóvember. Þar eru margar perlur úr íslenskri listasögu eins og Fjallamjólk eftir Jóhannes Kjarval. Afar vegleg bók um þessa sýningu fæst í safnbúð Listasafnsins og þar fást einnig ýmsir munir og verk tengd sýningum safnsins. Sýningin Form í flæði, þar sem sjá má nokkur verk úr safneign Listasafnsins, er ætlað sérstakt hlutverk í safnkennslu Listasafnsins en árlega er tekið á móti fjölda skólahópa frá leik- og grunnskólum og einnig framhalds- og háskólum. Einnig er tekið á móti vinnustaða- og vinahópum í leiðsagnir. Alla fimmtudaga kl. 12 er svo boðið upp á leiðsagnir um sýningar safnsins á íslensku og kl. 12.30 á ensku. Sjötta sýningin í safninu er á verkum ungstjörnunnar Egils Loga Jónassonar og ber hún titilinn Þitt besta er ekki nóg og samanstendur af vídeóverkum, tónlist, ljósum og málverkum.

Mikil áhersla er lögð á fræðslu fyrir almenning og á þriðjudögum kl. 17 er boðið upp á stutta fyrirlestra og er ókeypis á þá. Það sama gildir um barnastarf, smiðjur og námskeið fyrir börn og ungmenni. Akureyrarbær rekur Listasafnið.

Fram undan er dansvídeóhátíðin Boreal, opnun á sýningu útskriftarnemenda listnámsbrautar Verkmenntaskólans á Akureyri og þrjár nýjar sýningar verða svo opnaðar í byrjun desember. Afmælisárið 2023 verður stútfullt af spennandi viðburðum og fjölbreyttum sýningum auk mikillar afmælisveislu á Akureyrarvöku í lok ágúst. Listasafnið á Akureyri var stækkað mikið árið 2018 og það er afar vel staðsett í gamla mjólkursamlagi KEA og Ketilhúsinu sem nú hafa verið tengd saman í eina byggingu. Safnið er í miðbæ Akureyrar við Kaupvangsstræti, sem áður var gjarnan kallað Kaupfélagsgilið en gengur nú undir nafninu Listagil. Þar eru einnig vinnustofur listamanna, gestavinnustofur og fjölmörg sýningarrými rekin af listamönnum eins og Kaktus, Mjólkurbúðin, Deiglan og Rösk.

Á jarðhæð Listasafnsins er eitt besta kaffihús bæjarins, Ketilkaffi, sem er opnað kl. 8 alla morgna og býður upp á gæðakaffi, morgunmat, léttan hádegisverð og einnig kvöldrétti.

Listasafnið er opið daglega kl. 12–17 og nánari upplýsingar má finna á www.listak.is.

Skylt efni: söfnin í landinu

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...