Vinsamlegast athugið að þetta efni er eldra en 3 ára.
Dominik herravettlingar
Mynd / Aðsend
Hannyrðahornið 25. ágúst 2021

Dominik herravettlingar

Höfundur: Brynja Bjarnadóttir

Byssuvettlingar (veiðivettlingar – símavettlingar).

Hönnun: Brynja Bjarnadóttir.

Efni: 80 gr. Hulduband frá Uppspuna. Prjónastærð: Sokkaprjónar no 3.
Fitja upp 48 lykkjur. Þá verða 12 lykkjur á hverjum prjóni.

Stroff
Stroff er prjónað 2 sléttar lykkjur og 2 brugnar lykkjur, prjónað þar til stroffið mælist 7 cm.

Hægrihandar vettlingur

Hér eftir eru prjónað slétt.

Prjóna 1 umferð og aukið út um eina lykkju á hverjum prjóni. Alls 52 lykkjur. Prjóna 3 umferðir.

Nú er komið að því að auka út fyrir þumlinum. Það er gert á eftirfarandi hátt:

Prjóna 2 lykkjur, setja prjónamerki, auka út um eina lykkju, prjóna 8 lykkjur, auka út um eina lykkju, setja prjónamerki. Prjóna út umferðina.

Prjóna 3 umferðir.

Prjóna 2 lykkjur, færa prjónamerki, auka út um eina lykkju, prjóna 10 lykkjur, auka út um eina lykkju, færa prjónamerki. Prjóna út umferðina.

Prjóna 3 umferðir.

Prjóna 2 lykkjur, færa prjónamerki, auka út um eina lykkju, prjóna 12 lykkjur, auka út um eina lykkju, færa prjónamerki. Prjóna út umferðina.

Prjóna 3 umferðir.

Þumalgat. Prjóna 2 lykkjur, setja 14 lykkjur á nælu, fitja upp 8 lykkjur, prjóna út umferðina. Þá eru alls 52 lykkjur.

Prjóna 17 umferðir.

Gat fyrir vísifingur: Setja 7 lykkjur af fjórða prjóni á nælu og 7 lykkjur af fyrsta prjóni.

Fitja upp 3 lykkjur á milli fjórða prjóns og fyrsta prjóns. Lykkjurnar eru settar á þrjá prjóna, þ.e. lykkjur af fyrsta og fjórða prjóni eru sameinaðar á einn prjón (fyrsti prjónn). Jafnið lykkjufjölda á prjónunum á eftirfarandi hátt: Færið 4 lykkjur af prjóni eitt á prjón þrjú, færið fjórar lykkjur af prjóni eitt á prjón tvö. Alls 41 lykkja.

Prjónið 11 umferðir.

Úrtaka

Nú byrjar úrtaka bakhandarmegin (hjá litla fingri) á prjóni tvö og þrjú.

Prjónað er slétt þar til 2 lykkjur eru eftir á prjóni tvö. Næstu tvær lykkjur eru prjónaðar saman. Á prjóni þrjú er fyrsta lykkjan tekin óprjónuð, næsta lykkja prjónuð og óprjónuðu lykkjunni steypt yfir.

Prjóna 2 umferðir.

Í næstu umferð er tekið úr á öðrum og þriðja prjóni eins og lýst er að ofan. Prjóna 1 umferð.

Hér eftir er tekið úr í hverri umferð þar til 7 lykkjur eru eftir á hverjum prjóni, alls 21 lykkja.

Í næstu umferð er bætt við úrtöku í miðju fyrsta prjóns og miðjulykkjurnar tvær prjónaðar saman. Prjóna áfram og taka eins og áður úr í lok annars prjóns og byrjun þriðja prjóns. Þetta er endurtekið þar til 2 lykkjur eru eftir á hverjum prjóni. Slítið bandið frá og dragið í gegnum lykkjurnar.

Vísifingur

Setja lykkjurnar 14 sem eru á nælu á sitt hvorn prjóninn, taka upp 6 lykkjur milli vísifingurs og löngutangar. Alls 20 lykkjur. Prjóna 10 umferðir slétt, fella af með einu númeri stærri prjón.

Þumalfingur

Setja lykkjurnar 14 sem eru á nælu á sitt hvorn prjóninn. Taka upp 8 lykkjur þar sem fitjað var upp. Prjóna 10 umferðir slétt, fella af með einu númeri stærri prjón.

Vinstrihandar vettlingur

Næst er prjónaður vinstrihandarvettlingur. Þá þarf að passa að spegla vettlingnum m.v. þann hægri. Þá verður útaukning fyrir þumal og þumalgat á fjórða prjóni.

Frágangur

Gengið er frá endum, vettlingarnir þvegnir og þæfðir létt í höndum. Undnir varlega og lagðir til þerris.

Nám í skapandi sjálfbærni á háskólastig
Fréttir 20. maí 2025

Nám í skapandi sjálfbærni á háskólastig

Námi í skapandi sjálfbærni á Hallormsstað verður frá og með næsta hausti haldið ...

Stuðlagil fékk hæsta styrkinn
Fréttir 20. maí 2025

Stuðlagil fékk hæsta styrkinn

Alls hlutu 28 verkefni styrk úr Framkvæmdasjóði ferðamannastaða en heildarupphæð...

Hátt hlutfall óholls matar
Fréttir 20. maí 2025

Hátt hlutfall óholls matar

Næstum helmingur orkunnar í fæðu fullorðinna Íslendinga á aldrinum 18–80 ára kem...

Nýr forstöðumaður byggingarsviðs
Fréttir 19. maí 2025

Nýr forstöðumaður byggingarsviðs

Límtré-Vírnet ehf. hefur ráðið Gísla Símonarson sem forstöðumann byggingarsviðs....

Eftirlitsnefnd vegna Hvammsvirkjunar
Fréttir 19. maí 2025

Eftirlitsnefnd vegna Hvammsvirkjunar

Sveitarstjórnir Skeiða- og Gnúpverjahrepps og Rangárþings ytra hafa ákveðið að s...

Sólarselluvaraafl á Grund í Eyjafirði
Fréttir 19. maí 2025

Sólarselluvaraafl á Grund í Eyjafirði

Nýlega var sett upp sólarorkukerfi á kúabúinu Grund I og II í Eyjafirði, sem mun...

Hávaði á hestasýningum á við loftpressuhljóð
Fréttir 19. maí 2025

Hávaði á hestasýningum á við loftpressuhljóð

Vaxandi hávaða gætir á reiðhallasýningum og hestamótum og hafa dýraverndunarsamt...

Upplýsingaóreiða í matvælaheiminum
Fréttir 16. maí 2025

Upplýsingaóreiða í matvælaheiminum

Algjör ringulreið ríkir í umhverfismerkingum matvæla og upplýsingaóreiða tengd m...