Vinsamlegast athugið að þetta efni er eldra en 5 ára.
Sigrún Magnúsdóttir ráðherra með fulltrúum frá ÁTVR.
Sigrún Magnúsdóttir ráðherra með fulltrúum frá ÁTVR.
Mynd / umhverfis- og auðlindaráðuneytið
Fréttir 25. apríl 2016

ÁTVR hlaut Kuðunginn á degi umhverfisins

Höfundur: smh

ÁTVR var í dag, á degi umhverfisins, veitt Kuðungurinn sem er umhverfisviðurkenning umhverfis- og auðlindaráðuneytisins, Við sama tækifæri voru nemendur í Grunnskóla Borgarfjarðar eystri og Dalvíkurskóla útnefndir Varðliðar umhverfisins.

Viðurkenningarnar voru afhentar við hátíðlega athöfn í Listasafni Sigurjóns. Það var umhverfis- og auðlindaráðherra, Sigrún Magnúsdóttir, sem veitti viðurkenningarnar. Í ávarpi hennar kom meðal annars fram að henni þætti það ánægjuefni að skynja að fólki væri farið að hugsa meira um hegðun sína með tilliti til umhverfismála.  „Hegðun okkar dagsdaglega skiptir máli hvort sem hún lýtur að vali á fatnaði, matarsóun, orkunotkun eða samgöngum sem allt hefur áhrif á vistsporið,“ sagði Sigrún meðal annars.

Kuðungurinn

Í umsögn ráðuneytisins um ÁTVR segir að það sé eitt af 103 fyrirtækjum sem taki þátt í samstarfsverkefni Festu og Reykjavíkurborgar um að draga úr losun gróðurhúsalofttegunda og lágmarka neikvæð umhverfisáhrif og hefur fyrirtækið sett sér loftslagsmarkmið til ársins 2030. „Umhverfisstjórnun þess byggir á mælingum þar sem m.a. er notast við grænt skorkort og svokallaðan GRI stuðul (Global Reporting Initiative) við skrásetningu aðgerða í þágu samfélagsins. ÁTVR er með grænt bókhald, er þáttakandi í Grænum skrefum í ríkisrekstri og er þegar komið með öll skrefin fyrir höfuðstöðvarnar á Stuðlahálsi en innleiðing í vínbúðum stendur nú yfir.

Fyrirtækið kolefnisjafnar allan útblástur vegna samgangna í rekstri hjá Kolviði og með því að bjóða upp á samgöngusamninga, hefur losun koltvísýring minnkað hjá starfsfólki til og frá vinnu, úr 140 tonnum í 103. Þá er fyrirmyndaraðstaða fyrir göngu- og hjólafólk við starfstöðvar. Einnig hefur verið gripið til aðgerða til að draga úr losun gróðurhúsalofttegunda vegna flutninga. Fyrirtækið býður upp á úrval vistvænna vara, s.s. lífræn vín, og hvetur viðskiptavini sína til að nota margnota burðarpoka. Þá státar ÁTVR af háu endurvinnsluhlutfalli úrgangs sem frá fyrirtækinu kemur.“

Segir í rökstuðningi dómnefndar að ÁTVR sé til fyrirmyndar í umhverfisstarfi sínu. „Það státar af öflugu og metnaðarfullu umhverfisstarfi sem ber mælanlegan árangur, auk þess sem samfélagsleg ábyrgð er fyrirtækinu leiðarljós í starfi.“

Verðlaunagripurinn, Kuðungurinn, sem ÁTVR hlaut, er að þessu sinni eftir Kristínu Garðarsdóttur leirlistamann. Þá öðlast stofnunin rétt til að nýta merki verðlaunanna í kynningu á starfsemi sinni.

Varðliðar umhverfisins

Í umsögn ráðuneytisins um Varðliðana segir eftirfarandi. Nemendur í Grunnskóla Borgarfjarðar eystri hlutu útnefninguna fyrir ljósmyndaverkefni sem allir nemendur skólans, í 3. – 10. bekk unnu sameiginlega í tveggja daga gönguferð um Loðmundarfjörð. Nemendum var skipt í hópa þvert á árganga og átti hver hópur að finna myndefni í náttúrunni sem tengdist níu hugtökum sem nemendur og kennarar ákváðu í sameiningu. Sem dæmi um hugtök má nefna gleði, frelsi, orka, kyrrð, auðlind og samspil manns og náttúru. Nemendur unnu myndirnar síðan í tölvu og útbjuggu myndasýningu sem kynnt var fyrir öðrum nemendum skólans.

Sigrún Magnúsdóttir ráðherra með fulltrúum Grunnskóla Borgarfjarðar eystri og Dalvíkurskóla.

Valnefnd þótti verkefnið frumlegt og taka á umhverfismálum með óhefðbundnum hætti, þar sem markmiðið var öðru fremur að nemendur fengju að upplifa og njóta þeirrar vellíðunar sem fylgir því að vera úti í náttúrunni. Verkefnið einkenndist jafnframt af samvinnu þvert á aldurshópa en samvinna ólíkra aðila er einmitt mikilvægur hluti af sjálfbærnimenntun. Nemendurnir lögðu mikið á sig við úrvinnslu verkefnisins þar sem þeir gengu um 17 kílómetra leið frá Húsavíkurheiði inn Loðmundafjörð og tókust þannig á við umhverfið og náttúruna um leið og þeir öðluðust dýpri skilning á þeim hugtökum sem verkefnið spannaði.

Fjórir nemendur í 9. bekk Dalvíkurskóla hlutu aukinheldur einstaklingsviðurkenningu, þeir Helgi Halldórsson, Ragnar Freyr Jónasson, Sveinn Margeir Hauksson og Viktor Hugi Júlíusson. Viðurkenninguna fá þeir fyrir rapplagið Ekki menga! sem þeir sömdu í náttúrufræði og gerðu myndband við. Rapplagið hefur jafnframt verið valið sem umhverfissáttmáli skólans. Skilaboðin í myndbandinu eru skýr, við þurfum að hætta að menga til að eyðileggja ekki vistkerfi og umhverfi.“

Dagurinn 25. apríl er fæðingardagur Sveins Pálssonar, fyrsta íslenska náttúrufræðingsins, en hann var meðal þeirra fyrstu sem hvatti til aðgerða gegn skógareyðingu á Íslandi og orðaði fyrst á íslensku þá hugsun sem nú kallast sjálfbær þróun.

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...