Vinsamlegast athugið að þetta efni er eldra en 3 ára.
Arnar Már Sigurðarson og Angelina Carlucci.
Arnar Már Sigurðarson og Angelina Carlucci.
Mynd / Árnes
Bærinn okkar 29. júlí 2019

Árnes

Arnar Már Sigurðarson og Angelina Carlucci stunda búskap á bænum Árnesi í Lýt­ings­staðahreppi. Arnar keypti jörðina í maí 2017 af ótengdum aðilum en hann og Angelina tóku síðan saman stuttu síðar. 
 
Býli: Árnes.
 
Staðsett í sveit: Lýtingsstaðahreppi, Skagafirði. 
 
Ábúendur: Arnar Már Sigurðarson og Angelina Carlucci.
 
Fjölskyldustærð (og gæludýra): Eins og er eru það bara Arnar og Angelina en einnig eru það kettirnir Stelli, Nói, Elías Breki og Minnie. Þessir tveir síðarnefndu hafa aðsetur í fjósinu.
 
Stærð jarðar? Um 140 ha, þar af 42 ræktaðir. 
 
Gerð bús? Aðallega mjólkur­framleiðsla og nautakjötsframleðsla.
 
Fjöldi búfjár og tegundir? Um 35 kýr, 50 gripir í uppeldi og átta kindur (sparifé).
 
Hvernig gengur hefðbundinn vinnudagur fyrir sig á bænum? Allir dagar hefjast á mjöltum ekki seinna en klukkan sjö. Svo eru verkefni mjög fjölbreytt og breytileg eftir árstímum. Yfirleitt lýkur þeim svo um 11 að kvöldi en skiptumst við á að kíkja út í fjós og líta yfir hópinn, athuga beiðsli og gefa smá hey. 
 
Skemmtilegustu/leiðinlegustu bústörfin? Langflest verkin eru mjög skemmtileg. En það sem stendur hæst eru sennilega mjaltirnar og heyskapur í góðu veðri. Hins vegar er alltaf leiðinlegt þegar skepnur veikjast eða tæki bila á álagstímum. Svo kemst viðhald gamalla og lélegra girðinga ekki ofarlega á þennan lista.
 
Hvernig sjáið þið búskapinn fyrir ykkur á jörðinni eftir fimm ár? Vonandi bara svipaðan eða betri. Stefnum alltaf að því að bæta vinnuaðstöðuna og stækka túnin.
 
Hvaða skoðun hafið þið á félags­málum bænda? Félagsmál bænda eru mjög mikilvæg og hefur það sýnt sig vel undanfarið að bændur njóta góðs af öflugum félagasamtökum. Við erum þakklát þeim sem leggja þessi félagsmál á sig.
 
 
Hvernig mun íslenskum land­búnaði vegna í framtíðinni? Vonandi bara mjög vel, fólk þarf alltaf að hafa aðgang að mat og íslenskir bændur leggja mikið á sig við að framleiða úrvals matvæli.
 
Hvar teljið þið að helstu tækifærin séu í útflutningi íslenskra búvara?  Lambakjötið hefur verið flutt út í einhverjum mæli. Hins vegar mundum við halda að betra væri að fullnægja innanlandsmarkaðnum þegar kemur að framleiðslu búvara á Íslandi frekar en að framleiða mikið til útflutnings.
 
Hvað er alltaf til í ísskápnum? Mjólk, smjör, ostur og já kokteilsósa, passar með öllu.
 
Hver er vinsælasti maturinn á heimilinu? Klárlega heimagerðu hamborgararnir hennar Angelinu.
 
Eftirminnilegasta atvikið við bústörfin? Allur þessi tími sem við höfum búið hérna hefur verið mjög eftirminnilegur. En það hefur verið sérstaklega gaman að sjá búið byggjast upp og afurðir aukast síðan við tókum við.
 
 
 
 
Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...