Áburðarverð lækkar
Í Noregi hefur verið boðuð verðlækkun á áburði sem byrjað er að selja fyrir næsta vor. Þetta kemur fram í frétt frá Bondebladet.
Ef áburðarverðið sem norskum bændum býðst fyrir árið 2023 er borið saman við áburðarverðið árið 2021 þá verður hækkunin bara tvöföld, ekki þreföld eins og hún var í ár. Yara var þegar búið að boða verðlækkun á hreinum
köfnunarefnisáburði í maí og fylgja þau því núna eftir með því að bjóða lægri verð á þrígildum áburði.
Samkvæmt verðlista Felleskjøpet fyrir næsta ár, sem hefur verið birtur norskum bændum, þá hefur verðið á eingildum N27 áburði lækkað um 35% miðað við hæsta verðið í vor og hafa algengustu tegundirnar af þrígildum áburði lækkað um 25-30%.