Vinsamlegast athugið að þetta efni er eldra en 2 mánaða.
Skeifudagurinn haldinn eftir tveggja ára hlé
Mynd / Vibeke Thoresen
Líf og starf 2. maí 2022

Skeifudagurinn haldinn eftir tveggja ára hlé

Höfundur: Landbúnaðarháskóli Íslands

Það var gleðilegt að geta haldið Skeifudaginn með pompi og pragt eftir tveggja ára hlé. Það var einnig sértaklega ánægjulegt að geta haldið uppá þann áfanga að nú hefur skólinn tryggt sér glæsilega aðstöðu að Mið-Fossum sem nýtt hefur verið undir reiðmennsku og hestatengda kennslu.

Dagurinn hófst á fánareið og setningarávarpi Ragnheiðar I. Þórarinsdóttir rektors. Sigríður Bjarnadóttir brautarstjóri hestafræðibrautar hélt síðan ávarp og kynnti brautina og möguleika hennar til framtíðar. Í kjölfarið voru tvö sýningaratriði frá nemendum hestafræðinnar. Nemendur búfræðibrautar sýndu tamningartryppi sín þar sem Randi Holaker og Guðbjartur Þór Stefánsson reiðkennarar vetrarins kynntu þau og fóru yfir starf vetrarins.

Allir nemendur í reiðmennskuáföngum kepptu síðan í fjórgangi og voru síðan riðin úrslit annars vegar hjá nemendum hestafræðibrautar og hinsvegar búfræðinemenda sem kepptu um Gunnarsbikarinn.

Að lokinn dagskrá í var boðið til kaffis í hestamiðstöðinni og þar ávarpaði Helgi Eyleifur Þorvaldsson brautarstjóri búfræði samkomuna og veitti viðurkenningar ásamt því að tilkynna verðlaunahafa dagsins. Deginum lauk svo með útdrætti í stóðhestahappdrætti Grana.

Úrslit dagsins 

Morgunblaðsskeifuna 2022 hlaut Helgi Valdimar Sigurðsson en þetta er þriðja skeifan sem fer heim að Skollagróf þar sem bæði bróðir Helga og systir hlutu skeifuna 2019 og 2016. Helgi Bjarnason afhenti Skeifuna fyrir hönd Morgunblaðsins og er þetta í 65. skipti sem hún er veitt. Skeifuna hlýtur sá nemandi sem náð hefur bestum árangri á frumtamngingaprófi og í reiðmennsku III.

Í öðru sæti var Gissur Gunnarsson og því þriðja Vilborg Jónsdóttir. Í fjórða sæti Erla Björg Björnsdóttir og því fimmta Salbjörg Ragna Sævarsdóttir.

Eiðfaxabikar hlaut Linda Bjarnadóttir en hann er veittur fyrir bestu einkunn í áfanganum reiðmennska II. Eiðfaxabikarinn hefur verið veittur síðan 1978.

Reiðmennsku- og ásetuverðlaun Félags tamningamanna hafa verið veitt síðan 1971 og hlaut Sigríður Magnea Kjartansdóttir þau og veitti Silvía Sigurbjörnsdóttir formaður FT þau verðlaun.

Framfaraverðlaun Reynis hlaut Gissur Gunnarsson en þau eru veitt til minningar um Reyni Aðalsteinsson tamningameistara þeim nemanda sem sýnt hefur hvað mestan áhuga og ástundun og tekið sem mestum framförum í reiðmennsku.

Gunnarsbikarinn er síðan veittur þeim sem stendur hæðst í fjórgangskeppni búfræðinema og er veittur til minningar um Gunnar Bjarnason og hlaut hann Sigríður Magnea Kjartansdóttir. Í öðru sæti Linda Bjarnadóttir og því þriðja Helgi Valdimar Sigurðsson. Þá í því fjórða Erla Björg Björnsdóttir og fimmta Gissur Gunnarsson.

Nemendur af hestafræðibraut tóku einnig þátt í fjórgangskeppni og sigraði Ágústa Rut Haraldsdóttir hana. Í öðru sæti var María Magnúsdóttir, í því þriðja Hanna Valdís Kristinsdóttir og Harpa Sigríður Magnúsdóttir því fjórða og Rabea Skrippek því fimmta.

Áskoranir skapa tækifæri
Líf og starf 2. júlí 2022

Áskoranir skapa tækifæri

„Það eru blikur á lofti, því er ekki að neita. Allir stórir liðir í rekstrar...

Vintage Valentino, Gucci, Ganni ...
Líf og starf 1. júlí 2022

Vintage Valentino, Gucci, Ganni ...

Heyrst hefur bak við tjöld tískuunnenda að lúxusveldið Valentino hafi haft þa...

Mest flutt út til Þýskalands og Japan
Líf og starf 1. júlí 2022

Mest flutt út til Þýskalands og Japan

Mest af þeim dúni sem safnað er og unninn hér á landi er flutt út. Árið 202...

Sífellt fleiri vilja skoða Hengifoss
Líf og starf 1. júlí 2022

Sífellt fleiri vilja skoða Hengifoss

Mikil aukning ferðamanna er um svæðið í kringum Hengifoss í Fljótsdal.

Ítalskir ostar á morgunverðarborðið
Líf og starf 30. júní 2022

Ítalskir ostar á morgunverðarborðið

Ostagerðarmaðurinn Savino Izzi frá Puglia á Ítalíu leit við í heimsókn á ...

Dúntekja svipuð og í meðalári
Líf og starf 30. júní 2022

Dúntekja svipuð og í meðalári

„Varp og tínsla hefur gengið vel þaðsemaferogégerekkifrá því að fuglarnir se...

Fuglinn skilaði sér seint
Líf og starf 29. júní 2022

Fuglinn skilaði sér seint

Valgeir Benediktsson, ábúandi í Árnesi í Árneshreppi, segir að æðarfugl ha...

Útlitið í greininni gott
Líf og starf 28. júní 2022

Útlitið í greininni gott

Samkvæmt skráningu Æðarræktarfélags Íslands eru æðarbændur á landinu rúmleg...