Vinsamlegast athugið að þetta efni er eldra en 4 ára.
Nemendur Flóaskóla með langspilin sem þau smíðuðu undir handleiðslu Eyjólfs Eyjólfssonar  sem er með þeim á myndinni. Lengst til vinstri er Gunnlaug Hartmannsdóttir, skólastjóri Flóaskóla.
Nemendur Flóaskóla með langspilin sem þau smíðuðu undir handleiðslu Eyjólfs Eyjólfssonar sem er með þeim á myndinni. Lengst til vinstri er Gunnlaug Hartmannsdóttir, skólastjóri Flóaskóla.
Líf og starf 25. október 2019

Langspilsvaka á Íslenska bænum í Austur-Meðalholtum

Höfundur: Hörður Kristjánsson
Helgina 26.–27. október fer fram Lang­spils­vaka á Íslenska bænum í Austur-Meðalholtum, tónlistarhátíð tileinkuð íslenska langspilinu. 
 
Meðal flytjenda eru Björg Þórhallsdóttir sópran, Elísabet Waage hörpuleikari, Hilmar Örn Agnarsson organisti, Steinunn Arnbjörg Stefáns­dóttir barokksellóleikari, Rósa Þorsteins­dóttir kvæðakona, Sönghópurinn Voces Thules, Eyjólfur Eyjólfsson, tenór og langspilsleikari, og nemendur úr Flóaskóla. 
 
Sýning á 18 langspilum
 
Dagskrá laugardagsins er æði fjölbreytt. Hátíðin hefst kl. 14.00 í sýningarskála staðarins með sýningu á 18 langspilum sem nemendur í 5. og 6. bekk í Flóaskóla smíðuðu undir handleiðslu Eyjólfs Eyjólfssonar síðasta vetur. 
 
Kl. 15.00 mun Rósa Þorsteinsdóttir ásamt fleirum kveða vel valdar rímur í gömlu baðstofunni og þar verður einnig leikið á langspil. 
 
Fyrri tónleikar laugardagsins hefjast kl. 16.00 og verða tileinkaðir kirkjutónlist þar sem leikið verður undir söng á harmóníum, langspil og hörpu. 
 
Kl. 20.30 fara fram seinni tónleikarnir en þeir verða á veraldlegum nótum þar sem gömlu hljóðfærin fá á sig annan og fjörlegri blæ. Í kjölfarið breytist sýningarskálinn í danssal þegar Atli Freyr Hjaltason þjóðdansari mun leiða danssporin í gömlu dönsunum og hinum ýmsu þjóðdönsum eins og vikivaka. 
 
Hluti af lokaverkefni Eyjólfs Eyjólfssonar
 
Dagskrá sunnudagsins verður tileinkuð langspilssmíðaverkefninu í Flóaskóla. Húsið verður opnað kl. 14.00 með fyrrnefndri langspilssýningu. Lokaatriði hátíðarinnar hefst svo kl. 15.00 þegar nemendur í Flóaskóla syngja nokkur lög úr Þjóðlagasafni sr. Bjarna Þorsteinssonar og leika undir á eigin langspil.
 
Langspilssmíðaverkefnið er hluti af lokaverkefni Eyjólfs Eyjólfssonar í meistara­námi í þjóðfræði við Háskóla Íslands um íslenska langspilið, upplifun fólks á hljóðfærinu og notagildi þess til náms og kennslu. Rannsóknin styðst við fyrri rannsókn sem gerð var af bandaríska þjóðtónlistarfræðingnum David G. Woods árið 1981. Þar rannsakaði hann 21 langspil víðs vegar um landið og lýsir hvernig hljóðfærið gæti nýst í grunnskólakerfinu. 
 
Eins og Woods leggur upp með var útbúinn smíðispakki (e. kit) í samstarfi við Íslenska bæinn í Austur-Meðalholtum og Flóaskóla sem nemendur nota til að smíða sitt eigið langspil undir handleiðslu Eyjólfs og smíðakennara skólans. Áætlaður tímafjöldi við samsetningu og smíði hljóðfærisins taldi Woods vera innan við 10 klukkustundir. 
 
Með því að gefa nemendum á mið- og efri stigum Flóaskóla tækifæri á að smíða og eignast sitt eigið langspil er markmið verkefnisins að nemendur hafi við lok þess þróað handverkskunnáttu og fengið undirstöðuþekkingu í smíði og eðlisfræði strengjahljóðfæra. Einnig hafi þau öðlast þekkingu um baðstofumenningu íslenska bændasamfélagsins með sérstöku tilliti til dægrastyttingar á borð við rímnakveðskap, söng og hljóðfæraleik á 18. og 19. öld og margt fleira. 

8 myndir:

Skylt efni: Langspil

Mannlíf á Búnaðarþingi
Líf og starf 25. mars 2024

Mannlíf á Búnaðarþingi

Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...

Stjörnuspá 21. mars - 11.  apríl
Líf og starf 21. mars 2024

Stjörnuspá 21. mars - 11. apríl

Vatnsberinn hefur lengi verið að velta því fyrir sér að flytja sig um set og jaf...

Félagsskapur eldri borgara
Líf og starf 19. mars 2024

Félagsskapur eldri borgara

Stofnfundur Félags eldri borgara í Hvalfjarðarsveit var haldinn sunnudaginn 11. ...

Áframhaldandi búseta talin möguleg
Líf og starf 13. mars 2024

Áframhaldandi búseta talin möguleg

Við Langanesströnd sem liggur að botni Bakkaflóa stendur Bakkafjörður ásamt bæði...

Kirkjugarðsklúbburinn
Líf og starf 12. mars 2024

Kirkjugarðsklúbburinn

Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...

Bændamótmæli á Íslandi?
Líf og starf 11. mars 2024

Bændamótmæli á Íslandi?

Mótmæli bænda í Evrópu hafa verið í fréttum undanfarin misseri þar sem þeir vald...

Stjörnuspá 7. mars - 21. mars
Líf og starf 8. mars 2024

Stjörnuspá 7. mars - 21. mars

Vatnsberinn hefur alla burði til þess að koma í framkvæmd þeim hugmyndum sem eru...

Lundi
Líf og starf 6. mars 2024

Lundi

Lundi er algengasti fuglinn okkar og jafnframt einn af okkar einkennisfuglum. Ha...