Atli að leggja af stað í fyrstu gróðursetningu vorsins 2021. Svæðið sem hann er að vinna með er um 80 hektarar.
Atli að leggja af stað í fyrstu gróðursetningu vorsins 2021. Svæðið sem hann er að vinna með er um 80 hektarar.
Mynd / Aðsendar
Líf og starf 6. janúar 2022

„Mér hefur oft blöskrað ástandið á landinu í nágrenni höfuðborgarinnar“

Höfundur: Magnús Hlynur Hreiðarsson

„Ég starfa nú sem líffræðikennari við Menntaskólann við Hamrahlíð en hef lengst af verið viðloðandi háskólakennslu. Áhugi minn á náttúru Íslands nær langt aftur og hefur samtvinnast við útivistaráhuga.

Mér hefur oft blöskrað ástandið á landinu í nágrenni höfuðborgarinnar sem víða er tötrum klætt eftir ósjálfbæra landnýtingu fyrri alda,“ segir Atli Jósefsson náttúrufræðingur.

„Flestir borgarbúar telja víst að flagmóar og melaskotnar mosaþembur á Mosfellsheiði séu náttúrulegt ástand gróðurs. Líklega hefur þetta svæði verið klætt birkiskógi við landnám og ég tel að við skuldum sjálfum okkur það að reyna að endurheimta hluta af fyrri landgæðum. Þar sem opinberir aðilar hafa ekki aðhafst mikið ákvað ég að fara af stað með mitt eigið verkefni með von um að það verði öðrum hvatning þó ekki sé það stórt í sniðum,“ segir Atli. Verkefni hans hefur vakið athygli enda ekki mikið um að einstaklingar taki að sér svona stórt svæði til uppgræðslu í næsta nágrenni við höfuðborgarsvæðið.

Bakkaplanta komin í jörð. Grjót til varnar frostlyftingu. 

Fjármagnar verkefnið sjálfur 

Verkefni Atla miðar að því að endurheimta birkiskóga á Elliðakotsheiði (suðvesturhluta grágrýtisdyngjunnar, sem almennt er kölluð Mosfellsheiði). Í dag einkennist landið af gamburmosabreiðum, melum og mólendi en heimildir eru um að þar hafi vaxið birkiskógur á öldum áður og leifar hans til staðar allt fram yfir aldamótin 1800. Land þetta er innan fjárgirðingar höfuðborgarsvæðisins og hefur Atli  fengið góðfúslegt leyfi landeigenda til landbóta á svæðinu. Stefnan er að notast eingöngu við íslenskar lykiltegundir, birki, gul- og loðvíði, auk uppgræðslufræja fyrir melana.

„Nú þegar hef ég sáð um tíu skókössum af birkifræi, stungið niður um 1.000 víðigræðlingum og gróðursett rúmlega 500 birkiplöntur. Stefnan er að gróðursetja 1.000 birkitré á næsta ári en minna verður um fræ þar sem árið í ár var ekki gott fræmyndunarár hjá birki.

Ef allt gengur vel munu þessi tré vera farin að mynda fræ sjálf áður en áratugurinn er úti og taka þannig við verkinu af mér. Verkefnið er alfarið fjármagnað af mér með stuðningi góðra vina,“ segir Atli stoltur.

Gulvíðigræðlingur í ágúst, sem stungið var niður í rofdíl í maí. 

Spírandi uppgræðslufræ á mel. Síðar mun Atli dreifa birkifræjum á svæðinu. 

Skylt efni: uppgræðsla | Skógrækt

Stærsta plöntusafn í einkaeigu á Íslandi
Líf og starf 21. janúar 2022

Stærsta plöntusafn í einkaeigu á Íslandi

Áhugasamir einstaklingar og fræðimenn á sviði grasafræðinnar hafa verið drjúgir ...

Lesið fyrir hunda á sex bókasöfnum
Líf og starf 21. janúar 2022

Lesið fyrir hunda á sex bókasöfnum

Hverjum hefði dottið það í hug fyrir einhverjum árum að það væri hægt að fara me...

Íslendingur í Belgíu framleiðir osta úr sauðfjármjólk
Líf og starf 17. janúar 2022

Íslendingur í Belgíu framleiðir osta úr sauðfjármjólk

Kokkurinn Jón Aðalsteinsson flutti til Belgíu korteri fyrir hrun. Í dag framleið...

Útsýnispallurinn Baugs-Bjólfur sigraði
Líf og starf 7. janúar 2022

Útsýnispallurinn Baugs-Bjólfur sigraði

Baugs-Bjólfur er heiti á vinnings­tillögu í samkeppni um útsýnisstað við snjófló...

„Mér hefur oft blöskrað ástandið á landinu í nágrenni höfuðborgarinnar“
Líf og starf 6. janúar 2022

„Mér hefur oft blöskrað ástandið á landinu í nágrenni höfuðborgarinnar“

„Ég starfa nú sem líffræðikennari við Menntaskólann við Hamrahlíð en hef lengst ...

Dýrmætt að hafa traustan heimamarkað
Líf og starf 6. janúar 2022

Dýrmætt að hafa traustan heimamarkað

„Það er hefð hjá mörgum hér í kringum okkur að koma í heimsókn á aðventu og fólk...

Veðja á Nígeríu
Líf og starf 5. janúar 2022

Veðja á Nígeríu

Snorri Sigurðsson er lesendum Bændablaðsins líklega vel kunnur enda skrifar hann...

Guðni Ágústsson kom skagfirskum sveiflukóngi rækilega á óvart
Líf og starf 4. janúar 2022

Guðni Ágústsson kom skagfirskum sveiflukóngi rækilega á óvart

Geirmundur Valtýsson hefur sungið fyrir þjóðina í 65 ár og þar af með hljómsveit...