Vinsamlegast athugið að þetta efni er eldra en 4 ára.
Teppið Tólf ský
Hannyrðahornið 17. desember 2019

Teppið Tólf ský

Létt og fljótprjónað teppi, prjónaðir ferningar með gatamynstri. Stykkið er prjónað úr 2 þráðum Drops Alpaca en einnig er hægt að nota 1 þráð af Drops Air eða Drops Nepal. 
 
 
 
 
Stærð: ca 96x128 cm.
Garn: 
Drops Alpaca
- Rjómahvítur nr 0100: 400 g 
- Ljósperlugrár nr 9020: 400 g
 
Prjónar: Hringprjónn 60 cm, nr 5 – eða þá stærð sem þarf til að 17 lykkjur með gatamynstri með 2 þráðum verði 10 cm á breidd, 1 ferningur mælist ca 32x32 cm.
 
Mynstur: Sjá mynsturteikningar A.1 til A.3. Mynsturteikning sýnir allar umferðir í mynstri séð frá réttu. A.4 sýnir hvernig ferningarnir eru settir saman.
 
TEPPI: Teppið samanstendur af 12 ferningum sem saumaðir eru saman í lokin.
 
Ferningur A: Fitjið upp 55 lykkjur með 1 þræði af hvorum lit. Prjónið 6 umferðir garðaprjón (slétt allar umferðir). Næsta umferð er prjónuð frá réttu þannig: 3 kantlykkjur með garðaprjóni, prjónið A.1A (= 12 lykkjur), prjónið A.1B yfir næstu 24 lykkjurnar (= 2 mynstureiningar 12 lykkjur), prjónið A.1C (= 13 lykkjur) og endið með 3 kantlykkjur með garðaprjóni. Haldið svona áfram með mynstur. Þegar stykkið mælist ca 30 cm – endið eftir heila eða hálfa mynstureiningu á hæðina, prjónið 6 umferðir garðaprjón yfir allar lykkjur. Fellið af með sléttum lykkjum frá réttu. Prjónið alls 4 ferninga.
 
Ferningur B: Fitjið upp 55 lykkjur með 2 þráðum af rjómahvítum. Prjónið 6 umferðir garðaprjón. Næsta umferð er prjónuð frá réttu þannig: 3 kantlykkjur með garðaprjóni, prjónið A.2A (= 3 lykkjur), prjónið A.2B yfir næstu 42 lykkjur (= 7 mynstureiningar 6 lykkjur), prjónið A.2C (= 4 lykkjur) og endið með 3 kantlykkjur með garðaprjóni. Haldið svona áfram með mynstur.
 
Þegar stykkið mælist ca 30 cm – endið eftir heila eða hálfa mynstureiningu á hæðina og stillið málið eftir ferningi A, prjónið 6 umferðir garðaprjón fram og til baka yfir allar lykkjur. Fellið af með sléttum lykkjum frá réttu. Prjónið alls 4 ferninga.
 
Ferningur C: Fitjið upp 55 lykkjur með 2 þráðum af ljósperlugráum. Prjónið 6 umferðir garðaprjón. Næsta umferð er prjónuð frá réttu þannig: 3 kantlykkjur með garðaprjóni, prjónið A.3 yfir næstu 49 lykkjur (= 7 mynstureiningar 7 lykkjur) og endið með 3 kantlykkjur með garðaprjóni. Haldið svona áfram með mynstur. Þegar mynstrið mælist ca 30 cm - endið eftir heila eða hálfa mynstureiningu á hæðina og stillið málið eftir ferning A og B, prjónið 6 umferðir garðaprjón fram og til baka yfir allar lykkjur. Fellið af með sléttum lykkjum frá réttu. Prjónið alls 4 ferninga.
 
Frágangur: Leggið ferningana saman eins og sýnt er í A.4. Saumið ferningana saman með 1 þræði af ljósperlugráum – saumið kant í kant yst í lykkjubogana svo að saumurinn verði flatur. Passið uppá að saumarnir verði ekki stífir. Klippið alla þræði og festið enda.
 
Létt pils fyrir sumarið
Hannyrðahornið 19. mars 2024

Létt pils fyrir sumarið

Létt og skemmtilegt pils prjónað úr Drops Safran. Nýttu þér 30% bómullarafslátti...

Baldur
Hannyrðahornið 5. mars 2024

Baldur

Stærðir: S M L XL

Þykk og góð hipsterhúfa
Hannyrðahornið 20. febrúar 2024

Þykk og góð hipsterhúfa

Fljótprjónuð húfa úr DROPS Snow á prjóna númer 7. Snow er ullargarn sem fæst í 5...

Yrja vettlingar
Hannyrðahornið 6. febrúar 2024

Yrja vettlingar

EFNI: 75g Hörpugull og sauðalitaður þingborgarlopi – undið tvöfalt

Kaðlasmekkur fyrir litlu krílin
Hannyrðahornið 23. janúar 2024

Kaðlasmekkur fyrir litlu krílin

Prjónaður smekkur fyrir börn úr DROPS Safran. Stykkið er prjónað fram og til bak...

Jólahúfa
Hannyrðahornið 19. desember 2023

Jólahúfa

Ein stærð

Jólakósí
Hannyrðahornið 11. desember 2023

Jólakósí

Prjónuð flöskuhulstur úr DROPS Nepal

Lopagleði
Hannyrðahornið 27. nóvember 2023

Lopagleði

Lopagleði er sjal eða teppi og passar á alla! Hún nýtist á svölum sumarkvöldum í...