Vinsamlegast athugið að þetta efni er eldra en 4 ára.
Jólasveinahúfa
Hannyrðahornið 20. nóvember 2019

Jólasveinahúfa

Höfundur: Handverkskúnst
Jólin nálgast og þá hefjast margir handa við að prjóna jólasveinahúfu á börnin. Á garnstudio.com má finna nokkar útgáfur og birtum við hér eina prjónaða úr dásamlega Drops Nepal garninu.
 
Stærðir: 3/5 (6/9) 10/12 ára
 
Höfuðmál: ca 50/52 (52/54) 54/56 cm
 
Garn: Drops Nepal (fæst hjá Handverkskúnst)
• Rauður nr 3620: 150 g í allar stærðir
• Hvítur nr 1101: 50 g í allar stærðir 
 
Prjónar: Sokka- og hringprjónn 40 cm, nr 4,5 og 5 – eða þá stærð sem þarf til að 17 lykkjur og 22 umferðir með sléttu prjóni verði 10 cm á breidd og 10 cm á hæð.
 
Garðaprjón (prjónað í hring): *1 umferð slétt og 1 umferð brugðin*, endurtakið frá *-*.
Kantur (húfa með röndóttum kanti): Prjónið *2 umferðir garðaprjón með hvítum, 2 umferðir garðaprjón með rauðum*, prjónið frá *-* alls 4 sinnum, prjónið 2 umferðir garðaprjón með hvítum = 18 umferðir garðaprjón.
 
Kantur (húfa með hvítum kanti): Prjónið 18 umferðir garðaprjón með hvítum.
 
Úrtaka (jafnt yfir): Til þess að reikna út hvernig fækka eigi jafnt í umferð, teljið fjölda lykkja í umferð (t.d. 76 lykkjur), deilið þessum lykkjufjölda með fjölda úrtöku sem á að gera (t.d. 4) = 19. Í þessu dæmi þá er lykkjum fækkað með því að prjónaðar eru 18. og 19. hver lykkja slétt saman.
 
Húfa með röndóttum kanti: Stykkið er prjónað í hring á hringprjóna, skiptið yfir á sokkaprjóna þegar þörf er á. Fitjið upp 76 (78) 84 lykkjur á hringprjón nr 4,5 með hvítum. Prjónið KANT – sjá útskýringu að ofan. Kanturinn mælist 5 cm. Skiptið yfir á hringprjón nr 5 og prjónið með rauðum og sléttu prjóni. Þegar stykkið mælist 13 (13) 15 cm prjónið 1 umferð þar sem fækkað er um 4 (0) 0 lykkjur jafnt yfir. = 72 (78) 84 lykkjur.
 
Setjið 6 prjónamerki í húfuna án þess að prjóna, með 12 (13) 14 lykkja millibili. Fækkið síðan lykkjum á eftir hverju prjónamerki með því að prjóna 2 lykkjur slétt saman (= fækkað um 6 lykkjur í hverri umferð). Fækkið lykkjum svona með 3½ (3½) 3 cm millibili alls 10 (11) 12 sinnum = 12 lykkjur eftir á prjóni. Prjónið síðan 2 og 2 lykkjur slétt saman. Klippið frá, dragið bandið í gegnum þær lykkjur sem eftir eru og festið vel. Stykkið mælist ca 45 (48) 48 cm.
 
Dúskur: Gerið einn dúsk ca 5 cm að þvermáli með hvítum lit. Saumið dúskinn niður efst á húfuna eða kaupið loðdúsk (sjá á www.garn.is)
 
 
Prjónakveðja,
mæðgurnar í Handverkskúnst
www.garn.is
Baldur
Hannyrðahornið 5. mars 2024

Baldur

Stærðir: S M L XL

Þykk og góð hipsterhúfa
Hannyrðahornið 20. febrúar 2024

Þykk og góð hipsterhúfa

Fljótprjónuð húfa úr DROPS Snow á prjóna númer 7. Snow er ullargarn sem fæst í 5...

Yrja vettlingar
Hannyrðahornið 6. febrúar 2024

Yrja vettlingar

EFNI: 75g Hörpugull og sauðalitaður þingborgarlopi – undið tvöfalt

Kaðlasmekkur fyrir litlu krílin
Hannyrðahornið 23. janúar 2024

Kaðlasmekkur fyrir litlu krílin

Prjónaður smekkur fyrir börn úr DROPS Safran. Stykkið er prjónað fram og til bak...

Jólahúfa
Hannyrðahornið 19. desember 2023

Jólahúfa

Ein stærð

Jólakósí
Hannyrðahornið 11. desember 2023

Jólakósí

Prjónuð flöskuhulstur úr DROPS Nepal

Lopagleði
Hannyrðahornið 27. nóvember 2023

Lopagleði

Lopagleði er sjal eða teppi og passar á alla! Hún nýtist á svölum sumarkvöldum í...

Smásjal heklað úr DROPS Air
Hannyrðahornið 12. nóvember 2023

Smásjal heklað úr DROPS Air

Uppskrift að "Happy Laurel Shawl" sjal. Allar umferðir byrja með 3 loftlykkjum s...