Vinsamlegast athugið að þetta efni er eldra en 6 mánaða.
Snartarstaðir
Bærinn okkar 4. nóvember 2021

Snartarstaðir

Jóhann Páll Þorkelsson og Guðrún María Björnsdóttir, ábúendur á Snartarstöðum, fluttu þangað árið 2013 og tóku við 1. janúar 2016 af föðursystkinum Guðrúnar.

 

Býli: Snartarstaðir. 
 

Staðsett í sveit:  Lundarreykjadal í Borgarfirði.
 

Ábúendur: Jóhann Páll Þorkelsson og Guðrún María Björnsdóttir.


 

Fjölskyldustærð (og gæludýra): Börnin eru þrjú; Heiðdís Guðrún, Arnfríður Birna og Björn Sigþór. Gæludýrin eru vandræðalega margir hundar, og kettirnir Fransína og Rósa Soffía prinsessa.
 

Stærð jarðar?  508 hektarar.


 

Gerð bús? Blandað bú, kýr, kindur, geitur og kartöflur.

Fjöldi búfjár og tegundir? 35-40 kýr og um 40 ungneyti. Tæplega 200 fjár á fóðrum, ásamt um 20 geitum, 8 öndum og of mörgum hrossum. Svo erum við líka með kartöflur, setjum niður í um 1,5 ha.

Hvernig gengur hefðbundinn vinnudagur fyrir sig á bænum? Hefðbundinn vinnudagur, tja. Þeir eru nú merkilega misjafnir. Byrjum þó oftast á að koma dætrunum í skólabílinn, svo fer Jóhann og mjólkar og ef vel liggur á yngsta afkvæminu fara hann og Guðrún líka í morgunfjósið. Svo er það stúss við fé, kartöflur eða vélar eftir árstíma. Svo eru kvöldmjaltir um sexleytið og reynt að klára vinnudaginn upp úr átta. Það tekst reyndar sjaldan.

Skemmtilegustu/leiðinlegustu bústörfin? Leiðinlegustu bústörfin eru klárlega að reka túnrollur, eða þegar vélar bila.

Skemmtilegast að sjálfsögðu sauðburður og að taka á móti gráum kálfum sem eru ekki með pung.

Hvernig sjáið þið búskapinn fyrir ykkur á jörðinni eftir fimm ár? Eftir fimm ár verðum við vonandi búin að vinna upp ansi langan verkefnalistann sem bíður okkar, og búin að koma búinu í betra stand. Annars í svipuðu horfi.

Hvar teljið þið að helstu tækifærin séu í útflutningi íslenskra búvara? Það eru alls staðar tækifæri. Það er bara spurning um að koma góðum hugmyndum í gang. Okkur finnst því miður ansi miklar ranghugmyndir uppi um búskap í dag, og sennilega liggur töluverður markaður fyrir alls konar afurðir niðri, bara af því neytandinn veit ekki hvað liggur í raun að baki vörunni í búðinni.

Hvað er alltaf til í ísskápnum? Hér er alltaf til smjör, skyr, laukur og hakk.
 

Hver er vinsælasti maturinn á heimilinu? Sennilega kartöflugratín, það er gott með næstum öllu og eitt af fáu sem enginn kvartar yfir.

Eftirminnilegasta atvikið við bústörfin? Fer eftir því hver er spurður. Jóhanni finnst eftirminnilegast þegar hann kom að Gunnu liggjandi í slægjunni, algjörlega bandvitlausri, því elskuleg rúllusamstæðan var biluð (eina ferðina enn það sumarið) og 20 hektarar flatir. Gunnu finnst eftirminnilegast þegar aukaútsæðið hans Jóhanns kom með flutningabíl; þetta „smáræði“ reyndist vera tveir stórsekkir af kartöflum!

Arabær
Bærinn okkar 13. maí 2022

Arabær

Sævar Örn Sigurvinsson og Louise Anne Aitken kaupa Arabæ af Guðlaugi Guðmundssyn...

Mjósyndi
Bærinn okkar 28. apríl 2022

Mjósyndi

Bændurnir í Mjósyndi keyptu af Bjarka Reynissyni og Valgerði Gestsdóttur 2020 og...

Syðri -Gróf 2
Bærinn okkar 7. apríl 2022

Syðri -Gróf 2

Axel hefur haft annan fótinn í Syðri-Gróf allt sitt líf. Fyrst hjá ömmu sinni og...

Urriðafoss
Bærinn okkar 29. mars 2022

Urriðafoss

Ábúendurnir á Urriðafossi fluttu úr Reykjavík rétt fyrir jól 2016 og voru síðan ...

Lækur
Bærinn okkar 10. mars 2022

Lækur

„Við hófum búskap á Læk á fardögum vorið 2014. Bjuggum á Selfossi og þurftum að ...

Syðri-Völlur
Bærinn okkar 1. mars 2022

Syðri-Völlur

Margrét Jónsdóttir frá Syðra-Velli og Þorsteinn Ágústsson frá Brúnastöðum hófu b...

Lækjartún 2 / Tyrfingsstaðir
Bærinn okkar 10. febrúar 2022

Lækjartún 2 / Tyrfingsstaðir

Tyrfingur Sveinsson og Hulda Brynjólfsdóttir tóku við búskap í Lækjartúni af for...

Sigtún
Bærinn okkar 27. janúar 2022

Sigtún

Fjölskyldan í Sigtúni flutti þangað í október 2020 og tók við flottu búi.