Vinsamlegast athugið að þetta efni er eldra en 2 ára.
Gufuhlíð
Bóndinn 10. júní 2021

Gufuhlíð

Garðyrkjustöðin Gufuhlíð  er ein elsta garðyrkjustöðin í Reykholti (stofnuð í kringum 1939) og hefur verið í ylrækt frá upphafi eftir því sem við best vitum. Foreldrar Helga, þau Jakob og Birna, kaupa síðan garðyrkjustöðina árið 1965 og hófu sinn búskap.

Árið 1997 kemur Helgi inn í reksturinn með foreldrum sínum og er stöðin stækkuð og hafin heilsársræktun undir lýsingu það sama ár og hefur garðyrkjustöðin verið í reglulegum endurbótum og stækkun síðan þá og tekið töluverðum breytingum á þessum árum. Við hjónin tókum svo formlega við rekstrinum í kringum 2002. Garðyrkjustöðin var stækkuð í fyrra og var fyrsta gúrkan tínd af plöntu í nýju húsi 1. desember 2020 eftir 6 mánuði í  byggingu.

Býli:  Gufuhlíð. 

Staðsett í sveit: Reykholti, Biskups­tungum.

Ábúendur: Helgi Jakobsson og Hildur Ósk Sigurðardóttir.

Fjölskyldustærð (og gæludýra): Við erum fimm í heimili, Helgi, Hildur og dæturnar, Iðunn, Saga og Katla ásamt heimilishundinum henni Dúnu.

Auk þess er hluti af fjölskyldunni búsett á Selfossi en það eru þau Ingunn, dóttir Helga, maðurinn hennar, Lárus, og sonur þeirra, Arnar Magni.

Stærð jarðar?  Jörðin er tveir hektarar að stærð og eru um 6.200 fermetrar í ræktun undir gleri.

Gerð bús? Garðyrkjubýli með heilsársræktun á gúrkum með lýsingu og ætti framleiðslan að verða eftir síðustu  stækkun á garðyrkjustöðinni á síðasta ári um 1.000 tonn á ári. 

Hvernig gengur hefðbundinn vinnudagur fyrir sig á bænum? Hefðbundinn vinnudagur hjá okkur hefst kl. 7.00 á morgnana við að tína og pakka gúrkum fyrir sendingu til Reykjavíkur en gúrkurnar eru sóttar alla virka daga til okkar. Eftir þetta hefst svo hefðbundin umhirða við plönturnar, þar sem gúrkuplantan vex um 60-70 cm á viku þarf að hafa hraðar hendur við að vefja plönturnar og slaka þeim aðeins niður svo þær fái rými til vaxtar og svo þarf að taka neðstu laufblöðin til að næg lýsing skili sér alla leið niður eftir plöntunni.

Skemmtilegustu/leiðinlegustu bústörfin? Okkur finnst eiginlega allt skemmtilegast þegar hlutirnir ganga vel fyrir sig en að sama skapi er flest leiðinlegt þegar hlutirnir ganga illa upp. 

Hvernig sjáið þið búskapinn fyrir ykkur á jörðinni eftir fimm ár? Ég hugsa að það verði nokkuð svipað og staðan er í dag þar sem stöðin var stækkuð um tæpan helming í fyrra.

Hvar teljið þið að helstu tækifærin séu í framleiðslu íslenskra búvara? Helstu tækifærin felast í hreinleika vatns og umhverfisvænni orku sem notuð er í framleiðslu á öllum íslenskum landbúnaði.

Hvað er alltaf til í ísskápnum? Ætli það sé ekki rjómi, smjör, ostur og laukur/hvítlaukur. Það er alltaf hægt að galdra eitthvað gott í matinn ef þetta er til. 

Hver er vinsælasti maturinn á heimilinu? Lambakótilettur í raspi og indverskur „butter“ kjúklingur ásamt heimabökuðu naanbrauði.

Eftirminnilegasta atvikið við bústörfin? Eftirminnilegustu stundirnar eru klárlega fram­kvæmdaárin, í meira en 20 ár er búið að vera byggja upp nokkuð reglulega og það er alltaf gaman að taka ný hús/aðstöðu í notkun.

Verðmæti til í öllu
Bóndinn 22. mars 2024

Verðmæti til í öllu

Grænegg eiga sér tæplega 70 ára fjölskyldusögu í hænsnarækt auk þess sem Sveinbj...

Allir vegir færir
Bóndinn 8. mars 2024

Allir vegir færir

Steinþór Logi Arnarsson og Eydís Anna Kristófersdóttir, sauðfjárbændur í Stórhol...

Forréttindastarf
Bóndinn 23. febrúar 2024

Forréttindastarf

Hjörvar Ágústsson hrossaræktarbóndi gefur hér lesendum innlit í líf og starf fjö...

Enginn dagur eins
Bóndinn 9. febrúar 2024

Enginn dagur eins

Óli Finnsson er garðyrkjubóndi ásamt Ingu Sigríði Snorradóttur. Þau fluttu árið ...

Horfir fram á veginn
Bóndinn 26. janúar 2024

Horfir fram á veginn

Ísak Jökulsson bóndi rekur búið Ósabakka ehf. í samvinnu við föður sinn, Jökul H...

Draumur varð að veruleika
Bóndinn 12. janúar 2024

Draumur varð að veruleika

Hjónin Eydís Rós Eyglóardóttir og Ingvi Guðni Ingimundarson tóku við búi foreldr...

Vesturkot
Bóndinn 8. nóvember 2023

Vesturkot

Vesturkot er vestasti bærinn á Ólafsvallartorfunni og lengst af hefur verið reki...

Kirkjubær
Bóndinn 17. október 2023

Kirkjubær

Við höfum búið í Kirkjubæ í 8 ár, fluttum beint þangað þegar við útskrifuðumst f...