laugardagur, 10. apríl 2021 kl. 10:00

Æðarrækt og æðardúnn

Vegna mikillar eftirspurnar höldum við annað námskeið fyrir áhugafólk um æðarrækt og þá vilja öðlast réttindi eða viðhalda réttindum sem dúnmatsmenn.

Fullt var á síðasta námskeið og komust færri að en vildu. Tryggðu þér sæti með því að skrá þig á vef okkar endurmenntun.lbhi.is.

Í samstarfi við Æðarræktarfélag Íslands og Atvinnuvega- og nýsköpunarráðuneytið stendur Endurmenntun LBHÍ fyrir námskeiði ætlað þeim sem vilja öðlast réttindi eða viðhalda réttindum sínum sem dúnmatsmenn skv. reglugerð um gæðamat á æðardúni nr. 350/2011. Námskeiðið hentar einnig þeim sem hafa áhuga á æðarrækt og vilja kynna sér lifnaðarhætti og sérstöðu æðarfuglsins.

Námskeiðið er ætlað öllu áhugafólki um æðarrækt, m.a. þeim sem hafa hugleitt að hefja æðarrækt og þeim sem starfað hafa á undanþágu frá ráðuneytinu.

Farið er yfir lifnaðarhætti, eiginleika og sérstöðu æðarfuglsins, hvernig eigi að koma upp varpi og ferilinn frá dúntekju til sölu dúnsins. Fjallað er um þær óskir og kröfur sem neytandinn gerir til æðardúns og hvernig þörfum er fullnægt og litið á þær kröfur sem gerðar eru til gæðamats á æðardúni og lagarammann sem búgreinin býr við.

Á námskeiðinu gefst tími til umræðna og fyrirspurna auk verklegrar þjálfunar við flokkun og gæðamat á æðardúni.

Þátttakendur fá skírteini að námskeiði loknu.