Vinsamlegast athugið að þetta efni er eldra en 7 ára.
Færsla póstkassa – skert þjónusta
Lesendarýni 20. maí 2016

Færsla póstkassa – skert þjónusta

Höfundur: Georg Magnússon
Fyrir nokkru heimilaði Póst og Fjarskiptastofnun Íslandspósti ohf., ÍSP, fækkun útburðardaga í dreifbýli. Í framhaldi af því sendi ÍSP út tilkynningu um  breytingu á útburði og sendi síðan út dreifingardagatal. 
Þar kemur fram á hvaða dögum póstdreifing fer fram til viðkomandi bæja og býla. Þar stendur líka skýrt og greinilega „dreift heim til þín“.
 
Ég set ekki út á fækkun dreifingardaga vegna þess að ég geri ráð fyrir því að Póst og Fjarskiptastofnun hafi tekið beiðni ÍSP til rækilegrar skoðunar og heimilað síðan ÍSP fækkun útburðardaga. Hins vegar set ég út á það að í kjölfar fækkunar útburðardaga hefur ÍSP hætt að bera til mín póst. ÍSP hefur sett upp annan póstkassa fjarri heimilinu og skilur póstinn eftir þar.
 
Fyrir nokkrum árum sendi ÍSP út tilkynningu um að nú ætti að færa alla póstkassa samkvæmt útgefinni reglugerð ráðherra. Þeirri aðgerð var harðlega mótmælt með bréfi til forstjóra ÍSP og einnig með bréfi til Póst og Fjarskiptastofnunar. Póst og Fjarskiptastofnun hefur heimilað ÍSP færslu póstkassa frá bæjum og býlum í nokkrum tilfellum af ýmsum ástæðum m.a. vegna fjarlægðar, vegasambands o.fl. Ég veit ekki til þess að Póst og Fjarskiptastofnun hafi heimilað ÍSP færslu póstkassa hvorki hjá mér né öðrum þar sem aðstæður gefa ekki tilefni til þess og ég hef heldur ekki séð neinar heimildir frá Póst og Fjarskiptastofnun til handa ÍSP að brjóta lög um póstþjónustu.
 
Í lögum um póstþjónustu stendur: 
„Póstsendingu skal dreift til eða afhent þeim aðila sem hún er stíluð á eða hefur umboð til viðtöku hennar, í bréfakassa eða pósthólf viðtakanda eða þangað sem utanáskrift segir að öðru leyti til um. Póstrekendum er heimilt að endursenda póstsendingar ef bréfarifur og bréfakassar viðtakanda eru ekki í samræmi við ákvæði byggingarreglugerðar.
 
Póstsending telst vera í vörslu póstrekanda og á ábyrgð hans frá móttöku og þar til að hún hefur verið afhent á tilgreindum ákvörðunarstað.
 
Sendandi telst eigandi póstsendingar sem hann hefur afhent póstrekanda þar til hún hefur verið afhent viðtakanda. Sendandi hefur jafnframt ráðstöfunarrétt yfir sendingunni og er heimilt að gefa póstrekanda ný fyrirmæli um póstmeðferð þar til hún hefur verið afhent tilgreindum viðtakanda. Póstrekanda er heimilt að innheimta aukagjald vegna kostnaðar sem hlýst af nýjum fyrirmælum.“
 
Að framan sögðu krefst ég þess  nú þegar að Íslandspóstur skili af sér póstsendingum, bréfum og blöðum, í minn heimilispóstkassa líkt og verið hefur undan farin ár. 
 
Georg Magnússon
Norðtungu 3
311 Borgarnes.
Fagfundur og afmælisráðstefna
Skoðun 11. mars 2024

Fagfundur og afmælisráðstefna

Tveir viðburðir tengdir sauðfjárrækt haldnir dagana 21. -22. mars næstkomandi.

Er framtíðin lægra verð fyrir minni gæði?
Skoðun 15. febrúar 2024

Er framtíðin lægra verð fyrir minni gæði?

Við sem neytendur gerum miklar kröfur til innlendrar matvælaframleiðslu og við t...

Heilsársvegur yfir Öxi er skynsamleg fjárfesting
Skoðun 16. nóvember 2023

Heilsársvegur yfir Öxi er skynsamleg fjárfesting

Tilhneiging stjórnmálamanna er að líta á fjármagn sem veitt er í samgöngur sem k...

Óvissutímar
Skoðun 16. nóvember 2023

Óvissutímar

Á óvissutímum með eldgos yfirvofandi, þegar þetta er skrifað, er hægt að fullyrð...

Hinn glæsilegi árangur
Skoðun 14. nóvember 2023

Hinn glæsilegi árangur

Mér líður satt að segja hálf hjárænulega að setjast við skriftir um þrasið og ós...

Dagur sauðkindarinnar
Skoðun 13. nóvember 2023

Dagur sauðkindarinnar

Dagur sauðkindarinnar í Rangárvallasýslu var haldinn í reiðhöllinni Skeiðvangi á...

Áhættumatið og aðför að íslenskum hagsmunum
Skoðun 1. ágúst 2023

Áhættumatið og aðför að íslenskum hagsmunum

Í fréttatilkynningu Hafrannsóknastofnunar og í grein Ragnars Jóhannssonar, ranns...

Landbúnaðurinn og aðstoð við Úkraínu
Skoðun 8. júní 2023

Landbúnaðurinn og aðstoð við Úkraínu

Við lifum á óstöðugustu og hættulegustu tímum síðan síðari heimsstyrjöldinni lau...