Vinsamlegast athugið að þetta efni er eldra en 4 ára.
Virkjun vindorku verður sífellt hagkvæmari og samkeppnishæfari kostur við raforkuframleiðslu.
Virkjun vindorku verður sífellt hagkvæmari og samkeppnishæfari kostur við raforkuframleiðslu.
Fréttir 9. ágúst 2019

Vilja reisa vindorkugarð í Dalabyggð

Höfundur: Margrét Þóra Þórsdóttir
Mat á umhverfisáhrifum fyrir allt að 115 MW vindorkugarð í landi Sólheima í Dalabyggð, Dalasýslu er hafið. Að framkvæmdum stendur fyrirtækið Quadran Iceland Development ehf., fyrirtækið ERM í samstarfi við Mannvit stendur að gerð umhverfismats. Öllum er frjálst að senda inn ábend­ingar og athugasemdir en frestur til þess rennur út 1. ágúst næst­komandi. Verkefnið er á skipulags- og þróunarstigi.
 
Framkvæmdasvæðið sem um ræðir er á 3.200 hektara landi á eystri mörkum sveitarfélagsins Dalabyggðar. Laxárdalsvegur liggur á um 8 kílómetra kafla í gegnum framkvæmdasvæðið. Um 10 kílómetra fjarlægð til austurs er að Borðeyri en 23 kílómetrar í meginbyggðakjarna sveitarfélagsins, Búðardal.
 
Stórt og gott landsvæði
 
Þrjár mögulegar staðsetningar voru skoðaðar fyrir þetta verkefni og varð svæðið á Sólheimum fyrir valinu þar sem þar þóttu bestu eiginleikar vera fyrir hendi fyrir þá gerð vindorkugarðs sem til stendur að reisa. Staðurinn býður að auki upp á stórt landsvæði með stöðugum og sterkum vindstrengjum á afskekktu svæði, fjarri byggð. Svæðið býr að góðu aðgengi við núverandi vegakerfi og er með nálæga tengingu við raforkukerfi, að því er fram kemur í skýrslunni Vindorkugarður í landi Sólheima, Dalabyggð. 
 
27 vindmyllur
 
Stefnt er að verkhönnun vindmylla í tveimur áföngum. Sá fyrri samanstendur af 20 vindmyllum með hámarksafköst upp á 85 MW og sá síðari af 7 vindmyllum til viðbótar með hámarksafköst upp á 30MW, en sá áfangi verður í biðstöðu þar til afkastageta næst í raforkukerfinu.  Að loknum báðum áföngum samanstendur verkefnið af 27 vindmyllum með hámarksafköst upp á 115 MW. Rafmagn verður leitt frá myllunum með millispennustreng um jörð í innri aðveitustöðu sem tengist í aðra slíka og verður rafmagni þar breytt í hærri spennu áður en það verður flutt í raforkukerfið.
 
Vindorkutæknin verður sífellt hagkvæmari
 
Fram kemur í skýrslunni að fram til þessa hafi vindorka ekki fengið mikla athygli á Íslandi vegna hærri kostnaðar í samanburði við jarðhita og vatnsafl. Einnig að með framþróun vindorkutækni sé virkjun vindorku þó sífellt hagkvæmari og samkeppnishæfari kostur. Landsvirkjun hafi kannað nánar möguleika á vindorkuframleiðslu í landinu með fjárfestingum í rannsóknum á vindorku og þróunarverkefnum og hafi þær sýnt að hagstæð skilyrði fyrir nýtingu vindorku megi finna á mörgum stöðum á landinu og að áhrif virkjunar vindorku séu ekki mikil í samanburði við aðrar tegundir virkjana. Þar kemur til dæmis fram að líkt og öll stór mannvirki hafa vindmyllur óhjákvæmilega áhrif á ásýnd umhverfisins. Varanleg áhrif á heildarsýn umhverfisins eru þó ekki talin mikil í samanburði við aðra virkjanakosti. Vindmyllur og undirstöður megi auðveldlega fjarlægja ef leggja á framleiðsluna niður og þá er landið nær óspillt. 
 

Skylt efni: Vindmyllur | Dalabyggð

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...