Vinsamlegast athugið að þetta efni er eldra en 5 ára.
Undir viljayfirlýsingu um fjármögnun og undirbúning að menningarhúsi á Sauðárkróki  rituðu Lilja Dögg Alfreðsdóttir mennta- og menningarmálaráðherra og Stefán Vagn Stefánsson, formaður byggðarráðs Sveitarfélagsins Skagafjarðar.
Undir viljayfirlýsingu um fjármögnun og undirbúning að menningarhúsi á Sauðárkróki rituðu Lilja Dögg Alfreðsdóttir mennta- og menningarmálaráðherra og Stefán Vagn Stefánsson, formaður byggðarráðs Sveitarfélagsins Skagafjarðar.
Fréttir 27. júní 2018

Viðbygging og endurbætur á Safnahúsi Skagfirðinga

Höfundur: Margrét Þóra Þórsdóttir
Viljayfirlýsing um fjármögnun og undirbúning að menningarhúsi á Sauðárkróki var undirrituð á atvinnulífssýningu sem haldin var á Sauðárkróki nýlega. Undir yfirlýsinguna rituðu Lilja Dögg Alfreðsdóttir mennta- og menningarmálaráðherra og Stefán Vagn Stefánsson, formaður byggðarráðs Sveitarfélagsins Skagafjarðar.
 
Í viljayfirlýsingunni felst að miðað er við að viðbygging og endurbætur á Safnahúsi Skagfirðinga rúmi bókasafn, skjalasafn og aðstöðu fyrir fræðastarfsemi, auk listasafns, leikhússaðstöðu og langþráð varðveislurými. Kostnaðarskipting verður með þeim hætti að hlutur ríkisins verður 60 hundraðshlutar á móti 40 hundraðshlutum, líkt og við byggingu annarra menningarhúsa á landsbyggðinni. Mennta- og menningarmálaráðuneytið mun gera tillögu um að fjárheimildir vegna verkefnisins verði lagðar fram sem hluti af frumvarpi til fjárlaga ársins 2020 og að gert verði ráð fyrir því í fjármálaáætlun 2020–2024 enda sé hlutverk stjórnvalda m.a. að skapa skilyrði fyrir fjölbreytni, sköpun og frumkvæði á sviði lista og menningararfs.
 
Forsagan nær til ársins 1999
 
Forsaga málsins er sú að árið 1999 tók ríkisstjórn Íslands ákvörðun um að veita stofnstyrki til uppbyggingar menningarhúsa utan höfuðborgarsvæðisins með það að markmiði að bæta þar aðstöðu til menningar- og listastarfsemi.
 
Á grunni þeirrar ákvörðunar undirrituðu Þorgerður Katrín Gunnarsdóttir, þáverandi menntamálaráðherra, Gísli Gunnarsson, þáverandi forseti sveitarstjórnar Sveitarfélagsins Skagafjarðar og Agnar H. Gunnarsson, oddviti Akrahrepps, samkomulag árið 2005 um uppbyggingu menningarhúss í Skagafirði.
 
Slegið á frest vegna erfiðleika í efnahagslífi
 
Samkomulagið var byggt á niðurstöðum samstarfshóps skip­uðum fulltrúum menntamála­ráðuneytis og sveitarfélaganna í Skagafirði. Annars vegar var gerð tillaga um endurbætur á félagsheimilinu Miðgarði, þar sem áhersla yrði lögð á tónlistarflutning, stærri hátíðir og ráðstefnuhald. Var endurbætt hús, Menningarhúsið Miðgarður, formlega vígt við upphaf Sæluviku Skagfirðinga í apríl 2009. Hins vegar var gerð tillaga um að byggt yrði við núverandi Safnahús Skagfirðinga á Sauðárkróki og að þar yrði menningarmiðstöð með áherslu á fræðastörf og sýningar, sem hýsi m.a. sýningarsal, bókasafn, listasafn og skjalasafn. Vegna efnahagserfiðleika var öllum undirbúningi og framkvæmdum þessa síðari áfanga slegið á frest um nokkurra ára skeið að ósk mennta- og menningarmálaráðuneytisins en með undirritun ofangreindrar viljayfirlýsingar er undirbúningur hans hafinn á ný. 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...