Vinsamlegast athugið að þetta efni er eldra en 7 ára.
Úrbætur á Vatnsnesvegi bráðnauðsynlega
Fréttir 31. október 2016

Úrbætur á Vatnsnesvegi bráðnauðsynlega

Höfundur: Margrét Þóra Þórsdóttir
Byggðaráð Húnaþings vestra fjallaði um bréf frá Sigurði Þór Ágústssyni, skólastjóra Grunnskóla Húnaþings vestra, sem hann sendi til Vegagerðarinnar á fundi sínum nýverið. Í bréfinu lýsir hann þungum áhyggjum af öryggi og velferð skólabarna á leið um Vatnsnes, veg númer 711.
 
Í bókun byggðarráðs vegna bréfsins segir að brýn nauðsyn sé á því að ráðist verði án tafar í bráðnauðsynlegar úrbætur á Vatnsnesvegi og að gert verði ráð fyrir áframhaldandi varanlegum framkvæmdum, breikkun vegar og lagningu slitlags strax á árinu 2017 í samgönguáætlun áranna 2015–2018, sem nú bíður samþykktar á Alþingi.
 
Aukin umferð ferðamanna veldur álagi á malarvegi
 
Fram kemur í bókun byggðaráðs að komum ferðamanna í Húnaþing vestra hafi fjölgað mikið undanfarin ár, eða um 40% á ári. Það sé að mörgu leyti ánægjuleg þróun sem haft hafi í för með sér að störfum við ferðaþjónustu hafi fjölgað í byggðarlaginu. Það sé hins vegar áhyggjuefni að aukin umferð ferðamanna valdi miklu álagi á malarvegi í sveitarfélaginu á sama tíma og sáralitlum fjármunum sé varið til uppbyggingar og viðhalds veganna.
 
Að ystu þolmörkum
 
„Nú er staðan orðin þannig að víða er vegakerfið komið að ystu þolmörkum, sérstaklega Vatnsnesvegur, sem er mjög vinsæl ferðamannaleið. Vegurinn er langur, erfiður og víða úr sér genginn og svo slæmur að daglegur ferðatími barna með skólabíl um þennan veg hefur lengst um allt að 35 mínútur,“ segir í bókun byggðaráðs.
 
Tekið er fram í bókun ráðsins að ferðatími þeirra skólabarna sem lengst búa frá skóla sé töluvert umfram þær 120 mínútur á dag sem er viðmið samkvæmt reglum um skólaakstur. Ökuhraðinn sé á köflum ekki meiri en tíu til tuttugu kílómetrar á klukkustund enda allt að tuttugu sentímetra djúpar holur á löngum köflum á Vatnsnesvegi. 
 
Skólabörn kvarta yfir bílveiki
 
Börn hafa kvartað undan bílveiki sem beint má rekja til þess að ástand vegarins er óboðlegt. Foreldrar barna á Vatnsnesi hafa rætt um að senda börn sín ekki í skólann nema ráðist verði í úrbætur á veginum. 
 
„Álagið af völdum ferðamanna á Vatnsnesvegi og langvarandi skortur á viðhaldi vegarins hefur því orðið þess valdandi að illmögulegt er á tíðum fyrir sveitarfélagið að uppfylla kröfur um ferðatíma skólabarna, sem auðvelt væri að uppfylla væri vegurinn í góðu ástandi. Hér er sannarlega um að ræða mál þar sem reynir á samfélagsleg þolmörk ferðaþjónustunnar,“ segir í ályktun byggðaráðs Húnaþings vestra.
 
Áréttar ráðið brýna nauðsyn þess að án tafar verði farið í bráðnauðsynlegar úrbætur á Vatnsnesvegi og að gert verði ráð fyrir áframhaldandi varanlegum framkvæmdum, breikkun vegar og lagningu slitlags strax á árinu 2017 í samgönguáætlun áranna 2015–2018, sem nú bíður samþykktar á Alþingi. 

Skylt efni: Vegamál

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...