Vinsamlegast athugið að þetta efni er eldra en 6 ára.
Þau eru glæsileg trjáhýsin í Trydal og sérstök upplifun að gista svo hátt uppi, í um sjö metra hæð frá jörðu.
Þau eru glæsileg trjáhýsin í Trydal og sérstök upplifun að gista svo hátt uppi, í um sjö metra hæð frá jörðu.
Fréttir 5. febrúar 2018

Trjáhýsi verða að glæsilegum bústöðum

Höfundur: Erla Hjördís Gunnarsdóttir
Fyrir fimm árum voru hjónin Åse Kristine Mæsel Trydal og Jens Trydal á ferðalagi í Brumunddalnum í Noregi þar sem þau gistu eina nótt með fjölskylduna í sérstöku trjáhýsi sem var í raun bústaður. Allir fjölskyldumeðlimir urðu dolfallnir yfir þessarri upplifun að „gista hátt uppi í tré“ svo þegar ungu hjónin komu heim til Gjerstad í Austur-Agðir fylki byggðu þau sitt eigið trjáhýsi sem er nú orðið að vinsælli ferðaþjónustu hjá þeim. 
 
„Á þessum tíma höfðum við nýlega tekið við sveitabæ af foreldrum mínum í Trydal í Gjerstad og við gengum með þá hugmynd í maganum að gera eitthvað nýtt og skemmtilegt sem gæti jafnvel skapað störf. Í dag höfum við byggt þrjú slík tréhús og gestirnir streyma til okkar, þetta er gríðarlega vinsæll gistimöguleiki. Åse er búin að segja upp vinnunni sinni sem kennari til að sjá um rekstur á trjáhýsunum í fullri vinnu allt árið,“ útskýrir Jens. 
 
Trén fara í „læknisskoðun“ fyrir byggingu
 
Nú eru gestir allt árið í tréhúsunum þremur og gengur reksturinn framar vonum að sögn þeirra hjóna. Húsin eru með sérstakri vetrareinangrun og eru hituð upp á veturna með viðarkyndingu. 
 
„Krákuhöllin, sem er eitt af húsunum, er með vatni og rafmagni á meðan Gaukshreiðrið og Flåklypa eru með sólarsellu og gasi. Annars er það ákveðin áskorun og önnur byggingaraðferð að byggja svona í og við tré. Það eru í raun ekki margir sem kunna það hér í Noregi og við höfum þurft að sækja okkur mikla sérþekkingu fyrir þessi verkefni. Við höfum fengið góða hjálp hjá þeim aðilum sem reka sambærilega ferðaþjónustu uppi í Brumunddal og við höfum fengið ráðgjafa hér af svæðinu til að skoða burðarþolsreikninga og smíði á húsunum,“ útskýrir Jens og segir jafnframt:
 
„Skipulags- og umsóknarferlið var mjög krefjandi og tók eiginlega meiri tíma en við höfðum þolinmæði til! Við höfum þó verið svo heppin að allt gekk þetta á endanum og við erum með mjög duglegan og góðan arkitekt og gott smíðafyrirtæki. Trén sem um ræðir við bygginguna þurfa að undirgangast ákveðna „læknisskoðun“ áður en hægt er að hefjast handa til að tryggja að þau þoli sjálf húsin. Síðan er auðvitað ákveðin áskorun að byggja 7 metrum fyrir ofan jörðu.“
 
Mikil og erfið vinna undanfarin ár
 
Hjónin eru tilnefnd í ár af Nýsköpunar­sjóði Noregs (Innovasjon Norge) sem handhafar að verðlaunum fyrir framúrskarandi þróun fyrirtækja sem tengjast landbúnaði og ferðaþjónustu til sveita. 
 
„Við vorum svo heppin að við fengum þessi verðlaun hér í Austur-Agðir árið 2017 en síðan erum við með í pottinum fyrir landið allt svo það á eftir að koma í ljós hvernig það fer. Það kom okkur virkilega á óvart og var mjög ánægjulegt fyrir okkur að fá þessi verðlaun. Slík verðlaun hafa mikla þýðingu og sýna að okkur hefur tekist til með þessa miklu og erfiðu vinnu sem við höfum verið í undanfarin ár. Þetta hvetur okkur líka áfram með verkefnið okkar, það er ekki spurning,“ segir Jens og bætir við:
 
„Okkar áætlun var og er að hvíla okkur örlítið á að byggja á þessu ári því síðustu þrjú ár höfum við stöðugt verið með tréhús í byggingu og finnum að við þurfum aðeins að fá pásu frá því í einhvern tíma. Við viljum því nýta tímann núna til að skoða fleiri möguleika með þetta verkefni og fleira sem við erum með á prjónunum en trjáhýsin hafa veitt okkur mikla hvatningu og ekki hvað síst allt það fólk sem hefur komið hér og notið þess að búa í þeim til lengri eða skemmri tíma.“ 

8 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...