Vinsamlegast athugið að þetta efni er eldra en 4 ára.
Bessastaðir og Bessastaðakirkja sem byrjað var að byggja árið 1773, en byggingu kirkjunnar lauk 1823.
Bessastaðir og Bessastaðakirkja sem byrjað var að byggja árið 1773, en byggingu kirkjunnar lauk 1823.
Mynd / HKr.
Fréttir 28. október 2019

Telur Ólaf Ragnar Grímsson eiga Nóbelsverðlaun skilið fyrir að koma á samræðum svarinna fjandmanna

Höfundur: Hörður Kristjánsson
Bessastaðakirkja var þétt setin á kirkjudeginum 20. október síðast­liðinn. Ræðumaður dagsins var Guðni Ágústsson, fyrrverandi landbúnaðarráðherra. Vöktu sérstaka athygli orð hans um það afrek Ólafs Ragnars Grímssonar, fyrrverandi forseta, að draga stór­þjóðir heimsins og fornar óvinaþjóðir að Hringborði norð­urs­ins (Arctic Circle) ár eftir ár til að ræða framtíð norðurslóða.  
 
Hans Guðberg Alfreðsson, prestur Bessastaðakirkju, sem tilheyrir Garðaprestakalli, þjónaði fyrir altari ásamt Margréti Gunnarsdóttur djákna. Guðni ræddi sögu Bessastaða og sagðist standa í sporum Jónasar Hallgrímssonar og Gríms Thomsen í prédikunarstólnum en þeir hefðu sett svip sinn á staðinn.
 
Guðni ræddi áhrif og afrek Jesú Krists sem frelsara mann­kyns­ins og ekki síður sem mesta boðbera pólitískra áhrifa. Þá gerði Guðni hlýnun jarðar og loftslagsmálin að umræðuefni og taldi mikinn tvískinnung í gangi þar sem Ísland, rafmagnið og jarð­hitinn og landbúnaðurinn væru skólabókar­dæmi um uppskrift fyrir þjóðir heims. Hann sagði að íslenskur afreksmaður væri t.d. búinn að leggja 399 hitaveitur í Kína og þannig gæti íslensk þekking bjargað miklu. 
 
Telur Ólaf Ragnar verðugan handhafa Nóbelsverðlauna
 
Guðni taldi að Ólafur Ragnar Grímsson, fyrrverandi forseti Íslands, væri að vinna mikið og sögulegt afrek með Hringborði norðurslóða. Þar sætu fornir og svarnir fjandmenn við eitt borð og ræddu breytta heimsmynd. Taldi hann að Ólafur Ragnar hlyti að standa Nóbelsverðlaunum nærri fyrir þetta framtak. 
Hann minntist Grétu Thunsberg og sagði að kannski yrði hún frelsari, allavega varaði hún heiminn við hættunni. 
 
Innflutt vatn í plastflöskum og kjötlaus landsfundur
 
Guðni sagði kirkjugestum frá heimboði þar sem honum hafi ekki verið skemmt þegar boðið var upp á að drekka innflutt vatn úr plastflösku, þegar hreint og ómengað vatn rynni úr krana heimilisins. Sagðist hann því hafa hellt úr flöskunni í vaskinn. Þá fannst  honum nýafstaðinn kjötlaus landsfundur Vinstri grænna senda álíka slæm skilaboð út í samfélagið. 
 
„Hugsið ykkur vitleysuna, við eigum besta og magnaðasta landbúnað heimsins, fjölskyldubú í hreinu mengunarlausu landi, þá heldur flokkur forsætisráðherra landsfund flokks síns og neitar að borða kjöt þá helgina sem framleitt er undir sól og regni. Enginn segir svo neitt þegar vatn er flutt inn frá London í plastflöskum og búið að fara tíu sinnum um skolpræsið, en besta vatn heimsins er í krananum í eldhúsinu heima.
 
Gamli Snati og kötturinn Brandur lifðu sældarlífi á afgöng­unum á Brúnastöðum í æsku minni, nú fá hundar og kettir mat sinn erlendis frá. Eða þá að gráðugir heildsalar hafi dregið landbúnaðarráðherra á asna­eyrunum og ætlað honum að vinna óhæfuverk. Já, þeir  fluttu hingað lambahryggi átján þúsund kílómetraleið frá Nýja-Sjálandi og til stóð að fella af þeim tollana. Þetta var aðför að sauðfjárbændum og nánast allir Íslendingar vilja íslenskt lambakjöt á diskinn sinn. Íslenskur landbúnaður er í samanburði við verksmiðjusóðabú heimsins, eins og litli rafmagnsbíllinn við hliðina á mengunartröllum ofurbílanna. Við skulum ræða þessi mál á vitrænum grundvelli, ekki með hræðsluáróðri og röngum áherslum.“ Að lokum sagði Guðni: 
 
„Nú getur og á hver maður að spyrja sjálfan sig; hvað get ég gert fyrir heiminn, en ekki hvað getur heimurinn gert fyrir mig.“ 
 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...