Vinsamlegast athugið að þetta efni er eldra en 4 ára.
Sölvi Arnarsson, bóndi í Efstadal.
Sölvi Arnarsson, bóndi í Efstadal.
Fréttir 29. júlí 2019

Telja sig vita hvar uppruni smitsins er

Höfundur: Vilmundur Hansen

Sölvi Arnarsson, bóndi og veit­inga­maður að Efstadal II, segir erfitt að tala um sýkinguna á bænum eins og staðan er í dag. Rannsóknir hafa sýnt að STEC E. coli bakterían, sem greinst hefur í veiku einstaklingunum, hefur ekki fundist í neinum sýnum af ís eða öðrum matvælum frá Efstadal.

Sams konar baktería fannst hins vegar bæði í saursýni úr kálfastíu og í saursýni frá heimalningum á bænum. Aðgerðir og ráðstafanir sem gripið var til beinast að því að rjúfa mögulegar smitleiðir.
Ísbúðinni í Efstadal var lokað á föstudaginn í síðustu viku og er verið að innrétta hana að nýju og sótthreinsa. Veitingastaðurinn er opinn eftir að alþrifum og sótt­hreinsun á honum og aðlægum rýmum lauk 19. júlí síðastliðinn. Einnig hefur verið lokað fyrir aðgengi gesta að dýrum á bænum.

70 til 100 þúsund manns á ári koma í Efstadal

Sölvi segir að veitingastaðurinn og ísbúðin í Efstadal hafi verið opnuð í júní 2013 og að þangað komi á bilinu 70 til 100 þúsund manns á ári hverju. Hingað til hafi ekki komið upp nein vandræði sem tengjast veitingasölunni.

Ráðstafanir til að draga úr hættu á smiti

„Við höfum nú þegar lokað fyrir aðgengi að kálfum og öðrum dýrum á bænum og skerpt hefur verið á öllum verklagsreglum. Auk þess sem fljótlega verður bætt við hreinlætisaðstöðu utandyra og tilkynningaskiltum um mikilvægi handþvottar fjölgað.

Í framtíðinni sjáum við fyrir okkur að aðgengi að dýrum á bænum verði takmarkað en sýnileiki jafnvel aukinn. Við viljum halda áfram að bjóða gestum upp á að fylgjast með húsdýrunum okkar í sínu náttúrulega umhverfi,“ segir Sölvi.

Tilfelli sem eiga sér ekki fordæmi

Sýkingatilfellin eins og þau sem komið hafa upp í tengslum við Efstadal II hafa ekki komið upp hér á landi áður. Sölvi segir að fyrst og fremst megi draga þann lærdóm af þeim að leggja áherslu á mikilvægi handþvottar eftir snertingu við dýr. Sérstaklega ef neysla á matvælum er nálægt dýrum.

„Samskiptin við Heilbrigðis-eftirlit Suðurlands og Matvæla-stofnun hafa verið mjög góð og gott að leita til þeirra sérfræðinga um aðstoð og höfum við fylgt þeirra leiðbeiningum í einu og öllu.“

Gríðarlegt áfall

„Áfallið við að lenda í svona tilfelli er gríðarlegt og hefur reynt mjög á stórfjölskylduna í Efstadal. Við systkinin og makar erum sem betur fer samheldinn hópur og styðjum hvert annað í þessu ferli. Okkar áfall er í raun smávægilegt og bliknar í samanburði við það sem lagt er á þá einstaklinga sem veiktust og aðstandendur þeirra.

Við höfum trú á okkar vöru og þjónustu og erum þakklát þessum stóra hópi viðskiptavina sem hefur heimsótt okkur í gegnum árin og treyst á gæði okkar vöru. Nú tekur við vinna við að endurheimta það traust,“ segir Sölvi Arnarsson.

Nánar er fjallað um Efsta­dals­málið á síðum 18–19 í 14. tölublaði Bændablaðinu.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...