Vinsamlegast athugið að þetta efni er eldra en 7 ára.
Ingibjörg Sigurðardóttir er höfundur bókarinnar.
Ingibjörg Sigurðardóttir er höfundur bókarinnar.
Fréttir 7. apríl 2016

Stjórnun og rekstur í ferðaþjónustu

Höfundur: smh
Fyrir skemmstu gaf Ferða­mála­deild Háskólans á Hólum út nýja bók um stjórnun og rekstur í ferðaþjónustu. Höfundur bókarinnar er Ingibjörg Sig­urðar­dóttir, lektor við ferðamáladeild Hólaskóla, en inngangskafla ritar Guðrún Þóra Gunnarsdóttir, lektor og forstöðumaður Rann­sóknarmiðstöðvar ferðamála.
 
Kápa bókarinnar.
 
Bókin er rituð fyrir stjórnendur, starfsmenn og nemendur í greininni. Fjallað er um atriði eins og öryggismál, vöruþróun, stofnun fyrirtækja, leyfisveitingar, fjármögnun, umhverfismál, áætlanagerð, ráðningu starfsmanna, móttöku gesta, gæði þjónustu og fleira sem lýtur að fagmennsku í stjórnun og rekstri. Sérstakir kaflar eru í bókinni um afþreyingu á sjó og vatni. Áhersla er lögð á að benda lesendum á frekara fræðsluefni um hvert viðfangsefni fyrir sig, auk þess sem listar yfir lög og reglugerðir, gagnlegar vefsíður og fleira leiða lesendur áfram. 
 
Ætlað að mæta aukinni þörf fyrir fræðsluefni
 
Ingibjörg segir að verkefnið eigi sér nokkuð langa forsögu. „Ferðamáladeild Háskólans á Hólum hefur alla tíð átt farsælt samstarf við atvinnugreinina og stoðkerfi hennar og hefur deildin lagt áherslu á að miðla þekkingu til atvinnugreinarinnar sem og að koma til móts við þarfir hennar. Deildin hefur notið velvilja greinarinnar, við förum mikið með okkar nemendur í vettvangsferðir og fáum aðila úr atvinnulífinu til okkar til að taka þátt í kennslu. 
 
Árið 2007 gaf ferðamáladeild Háskólans á Hólum út handbók fyrir rekstraraðila í hestaferðaþjónustu en sú bók var afrakstur rannsóknar- og þróunarverkefnis í hestaferðaþjónustu. Í því verkefni kom í ljós mikil þörf fyrir aðgengilegt fræðsluefni fyrir þá sem störfuðu í greininni og/eða höfðu hug á að stofna slíkt fyrirtæki. Var þessari bók vel tekið og vegna hvatningar frá Samtökum ferðaþjónustunnar og Ferðamálasamtökum Íslands var fljótlega hafinn undirbúningur að gerð fræðsluefnis fyrir aðrar afþreyingargreinar. Á tímabili lá þessi vinna niðri en þróun ferðaþjónustunnar hefur á undanförnum árum verið örari en nokkurn óraði fyrir og var því ljóst á síðasta ári að aukin þörf væri fyrir fræðsluefni um stjórnun og rekstur í ferðaþjónustu.  
 
Á sama tíma og fyrirtækjum fjölgar gríðarlega, eykst krafa um fagmennsku, gæði þjónustu og öryggi gesta. Þessari nýju bók er ætlað að mæta að nokkru marki þessari auknu þörf ferðaþjónustunnar fyrir fræðsluefni fyrir þá sem starfa í greininni eða ætla sér að stofna fyrirtæki í ferðaþjónustu. Einnig nýtist bókin nemendum í ferðamálafræði á öllum skólastigum. Í bókinni er lögð megináhersla á stofnun, stjórnun og rekstur fyrirtækja í ferðaþjónustu en jafnframt er horft sérstaklega til afþreyingar á sjó og vatni. Fyrir tilstuðlan styrks frá Náttúruverndarsjóði Pálma Jónssonar reyndist gerlegt að gefa bókina út núna í tengslum við 20 ára afmæli ferðamáladeildar Háskólans á Hólum,“ segir Ingibjörg.
 
Að sögn Ingibjargar var það meðal annars fyrir hvatningu Samtaka ferðaþjónustunnar sem bókin var rituð og gefin út. Útgáfa bókarinnar var styrkt af Starfsmenntaráði og Náttúruverndarsjóði Pálma Jónssonar, stofnanda Hagkaups. Bókin er fáanleg hjá Háskólanum á Hólum (silla@holar.is) og kostar 3.000 krónur. 
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...