Vinsamlegast athugið að þetta efni er eldra en 4 ára.
Frá Tjörnesi.
Frá Tjörnesi.
Mynd / HKr.
Fréttir 9. október 2019

Segir sig úr Sambandi íslenskra sveitarfélaga og Eyþingi

Höfundur: Margrét Þóra Þórsdóttir
„Þetta er fyrst og fremst tákn­ræn mótmæli  hjá okkur og við gerum ekkert frekar ráð fyrir að fleiri fylgi okkar fordæmi,“ segir Aðalsteinn Jóhannes Halldórsson, oddviti Tjörneshrepps, sem á dögunum sagði sig úr Sambandi íslenskra sveitarfélaga og Eyþingi, samtökum sveitar­félaga í Eyjafirði og Þingeyjarsýslu. 
 
Með úrsögninni vilji hreppurinn mótmæla þingsályktun sem kveður á um að 1000 íbúar skuli að lágmarki vera í hverju sveitarfélagi en hún var samþykkt á aukalandsþingi Sambands íslenskra sveitarfélaga nýverið.
 
Kristaltært að þetta er stefnan
 
Aðalsteinn Jóhannes Halldórsson.
Aðalsteinn segir að gert sé ráð fyrir að við næstu sveitarstjórnarkosningar árið 2022 verði gengið út frá því að ekki verði færri en 250 íbúar í hverju sveitarfélagi. Í Tjörneshreppi eru nú um 55 íbúar. „Þetta snýst ekki svo mikið um Tjörneshrepp, miðað við þróunina síðustu áratugina erum við deyjandi sveitarfélag, við gerum okkur grein fyrir því að fyrr eða síðar þurfum við að sameinast öðum nema miklar breytingar eigi sér stað í íbúðaþróun sem eru ekki í kortunum. Engu að síður hefðum við kosið að vera ein áfram þangað til við sjálf hefðum ákveðið annað. Við viljum með þessu mótmæla þessari aðferðafræði sem við teljum ranga. Það er síður en svo að hægt sé að sýna fram á að sameining muni setja öll samfélög í betri stöðu en nú er. Það er verið að dæma ákveðin sveitarfélög til þess að verða jaðarsvæði í sínu samfélagi sem er aldrei spennandi kostur. Ég einhvern veginn trúði því að þessi tilskipun næði ekki fram að ganga núna en eftir aukalandsþingið um daginn er það orðið kristaltært að þetta er stefnan og ekki aftur snúið með það. Satt best að segja hélt ég alltaf að sveitarfélögin yrðu ekki þvinguð til sameiningar, ég hélt í þá von að svo yrði ekki,“ segir Aðalsteinn.
 
Skuldlaust sveitarfélaga með góða inneign í banka
 
Hann segir að sitt sjónarmið sé að hreppurinn hafi ekki neitt að gera með að vera innan samtaka sem vilji ekki að það sé til. Samband íslenskra sveitarfélaga eigi að vera samband allra sveitarfélaga en sé það augljóslega ekki lengur. Hvað Eyþing varðar hafi hreppurinn lagt fram sitt framlag til starfseminnar, en þurfi nú að horfa í hverja krónu og betra sé að verja þeim fjármunum sem það hafi úr að spila í annað, nú þegar ljóst er að hreppurinn verði ekki til nema í rúm tvö ár í viðbót.
 
Tjörneshreppur er að hans sögn í góðum málum fjárhagslega, er skuldlaust sveitarfélag með góða inneign á bankareikningi. „Það eru ekki mörg sveitarfélög á landinu í þeirri stöðu,“ segir Aðalsteinn. Hreppurinn á í ágætu samstarfi við Norðurþing og önnur nágrannasveitarfélög m.a. í skóla-, öldrunar- og félagsmálum. 
 
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...