Vinsamlegast athugið að þetta efni er eldra en 8 ára.
Gunnar Þorgeirsson, formaður Sambands garðyrkjubænda, og Sindri Sigurgeirsson, formaður Bænda­samtaka Íslands við undirritun samningsins.
Gunnar Þorgeirsson, formaður Sambands garðyrkjubænda, og Sindri Sigurgeirsson, formaður Bænda­samtaka Íslands við undirritun samningsins.
Mynd / Katrín María Andrésdóttir
Fréttir 16. nóvember 2015

Samningur um starfskilyrði í garðyrkju framlengdur um ár

Höfundur: smh
Þann 21. október síðastliðinn undirrituðu Gunnar Þorgeirsson, formaður Sambands garðyrkjubænda, og Sindri Sigurgeirsson, formaður Bændasamtaka Íslands (BÍ), samkomulag þess efnis að samningur um starfskilyrði framleiðenda í garðyrkju verði framlengdur um eitt ár – eða til 31. desember 2016.
 
Eins og fram hefur komið í aðdraganda samningagerðarinnar vegna nýrra búvörusamninga, er það vilji bæði stjórnvalda og BÍ að einn sameiginlegur samningur verði gerður fyrir landbúnaðinn í heild, í stað búnaðarlagasamnings og sérsamninga um starfsskilyrði garðyrkju, mjólkurframleiðslu og sauðfjárræktar. Stefnt er á að slíkur samningur muni taka gildi 1. janúar 2017. Þar sem samningur garðyrkjubænda var að renna út í lok þessa árs var hann framlengdur á meðan gengið er frá heildarsamningnum. 
 
Að sögn Sigurðar Eyþórssonar, framkvæmdastjóra BÍ, liggur enn ekkert fyrir um það til hvaða greina hinn nýi samningur á að ná – utan þeirra þriggja sem hafa samninga í dag. „Það hefur verið fundað með öllum búgreinafélögum sem eiga aðild að BÍ en hafa ekki samninga.  Tilgangurinn var að heyra þeirra áherslur og það sem helst brennur á þeim. Fulltrúar bænda hafa að öðru leyti unnið á grundvelli stefnumörkunar sem var mótuð á Búnaðarþingi í vor og á fundum kúa-, sauðfjár- og garðyrkjubænda.  Ríkisvaldið hefur jafnframt kynnt sínar áherslur,“ segir Sigurður.
 
Horfið frá greiðslumarkskerfum
 
„Meðal umfjöllunarefna hafa verið hugmyndir þess efnis að horfið verði frá greiðslumarkskerfinu í mjólkur- og sauðfjárframleiðslunni á samningstímanum. Kúabændur ályktuðu á sínum aðalfundi að horfið yrði frá núverandi skipulagi en sauðfjárbændur tóku hins vegar ekki þá stefnu á sínum aðalfundi, heldur vildu draga úr vægi greiðslumarksins um tíu prósent á samningstímanum. Ríkisvaldið hefur lýst áhuga á því að skoða hvort draga megi úr stuðningi sem eigngerist og nota fremur almennari aðferðir til stuðnings. Þá hefur ríkisvaldið einnig lagt áherslu á nýliðun og skilvirkni stuðningsins.  Fundað er stíft þessa dagana en niðurstaðna er ekki að vænta strax,“ segir Sigurður enn fremur um gang samningaviðræðna.
 
Fyrir hönd ríkisins undirrituðu Sigurður Ingi Jóhannsson landbúnaðarráðherra og Bjarni Benediktsson fjármálaráðherra samning garðyrkjubænda um árs framlengingu á starfsskilyrðum þeirra. 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...