Vinsamlegast athugið að þetta efni er eldra en 6 ára.
Karl G. Kristinsson, prófessor í sýklafræði við læknadeild Háskóla Íslands og yfirlæknir Sýklafræðideildar Landspítalans.
Karl G. Kristinsson, prófessor í sýklafræði við læknadeild Háskóla Íslands og yfirlæknir Sýklafræðideildar Landspítalans.
Mynd / VH
Fréttir 20. júlí 2017

Prófessor í sýklafræði ósammála skýrsluhöfundum Félags atvinnurekenda

Höfundur: Guðrún Hulda Pálsdóttir
„Mér finnst vera valin þau gögn og niðurstöður sem henta þeirra málflutningi á sama tíma og ekki er horft nægjanlega á heildarmyndina,“ segir Karl G. Kristinsson, prófessor í sýklafræði við læknadeild Háskóla Íslands og yfirlæknir Sýklafræðideildar Landspítalans, inntur eftir viðbrögðum við nýútkominni skýrslu um heilbrigðisáhættu af auknum innflutningi ferskra landbúnaðarafurða sem Félag atvinnurekenda lét gera. Skýrslan er unnin af Food Control Consultants en höfundar hennar eru Ólafur Oddgeirsson og Ólafur Valsson. 
 
Skýrslan er svar höfunda við sjö spurningum sem Félag atvinnurekenda lagði fyrir þá og varða möguleg áhrif aukins innflutnings ferskum landbúnaðarvörum á dýraheilbrigði og heilsu fólks á Íslandi. Höfundar leiða þar að því líkum að aukinn innflutningur hefði lítil sem engin áhrif á lýðheilsu fólks og heilsufar dýra.
 
Ótvírætt að sýklalyfjaónæmar bakteríur geta borist með matvælum
 
Karl segist ósammála megin ályktunum höfunda. „Ég er sérstaklega ósammála því sem lítur að sýklalyfjaónæmi og þá áhættu á lýðheilsu sem innflutningur getur valdið. Ég er hissa á því að menn, sem eru ekki sérfræðingar í smitsjúkdómum og sýklafræðum, skulu ekki hafa ráðfært sig við slíka sérfræðinga. Það er til að mynda alveg ótvírætt að sýklalyfjaónæmar bakteríur geta borist með matvælum. Höfundar segja að það séu litlar upplýsingar um hvað þetta er stór þáttur og gera meira úr fjölgun ferðamanna eins og menn þurfi ekki að hafa neinar áhyggjur af því að sýklalyfjaónæmi berist með matvælum. Það getur enginn sagt nákvæmlega hver áhættan muni verða fyrirfram en það eru sterk rök fyrir því að hafa áhyggjur af auknum innflutningi,“ segir Karl. 
 
Getur skapað gríðarlega áhættu fyrir dýr
 
Höfundar skýrslunnar eru þeirrar skoðunar að áhrif innflutnings á ógerilsneyddri mjólk og eggjum muni hafa óveruleg áhrif á lýðheilsu manna og dýraheilbrigði.
 
„Ef það yrði fylgst vel með salmonellu og kampýlóbakter þá væri áhætta fyrir menn líklega ekki mikil, en hins vegar gæti það skapað gríðarlega áhættu fyrir dýr. Ég bendi í því tilliti á mæði-visnuveiruna sem búið er að útrýma úr sauðfé hér á landi en er landlæg í hinum Evrópulöndunum. Á sínum tíma þurfti að fella um 600 þúsund kindur til að útrýma mæði-visnu úr landinu. Slík veira getur hæglega borist hingað með ógerilsneyddum mjólkurvörum,“ segir Karl. 
 
Frystiskylda lækkar tíðni kampýlóbaktersýkinga
 
Þá gagnrýnir Karl hve skýrsluhöfundar gera lítið úr kampýlóbakter í kjúklingum. Í skýrslunni er því haldið fram frystiskyldan, sem kveðið er á um í reglugerð nr. 448/2012, eigi ekki við vísindaleg rök að styðjast og að afnám hennar hefði óveruleg áhrif á dýraheilbrigði og lýðheilsu á Íslandi. Karl segir frystiskylduna þvert á móti hafa mikilvæg áhrif og bendir m.a. á að Ísland sé með lægstu tíðni kampýlóbakter í Evrópu. 
 
„Auðvitað hefur frystingin mikil áhrif þar á. Innflutningur á ferskum kjúklingi mun væntanlega auka neyslu á innfluttum kjúklingum. Ég held að það þurfi engar vísindalegar aðferðir til að sanna það að aukning á neyslu á kampýlóbaktermenguðum kjúklingi muni fjölga kampýlóbaktersýkingum í mönnum,“ segir Karl og bendir einnig á grein sína og Franklíns Georgssonar, matvæla- og örverufræðings hjá Matís, um innflutt fersk matvæli og sýkingaráhættu fyrir menn sem birtist í Læknablaðinu árið 2015. 
 
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...