Vinsamlegast athugið að þetta efni er eldra en 8 ára.
Ný og kraftmeiri Toyota RAV4 Hybrid
Mynd / HLJ
Fréttir 23. mars 2016

Ný og kraftmeiri Toyota RAV4 Hybrid

Höfundur: Hjörtur L. Jónsson
Fyrir nokkru var ég staddur á Akureyri og kom við í Toyota og fékk að prófa RAV4 Hybrid GX 2 WD. 
Frá því í desember 2009 hef ég verið að prófa bíla fyrir Bændablaðið og nú í fyrsta skiptið fékk ég bíl til að prófa í vetrarakstri sem var að mínu mati rétt útbúinn til vetraraksturs, á nagladekkjum.
 
Hljóðlátur, skemmtilega kraftmikill með bremsur eins og sportbíll
 
Þrátt fyrir að bíllinn væri ekki fjórhjóladrifinn sáu ný nagladekkin um að koma bílnum hratt og örugglega upp í umferðarhraða úr kyrrstöðu og þegar bremsað var sá rafstýrði ABS hemlajöfnunar-bremsubúnaðurinn um að stöðvunarvegalengdin væri í lágmarki. Það kom mér svolítið á óvart hversu bíllinn stöðvaði á stuttri vegalengd þegar ég prófaði bremsurnar á klaka.
 
Snerpan í vélinni er góð og ef gefið er vel í þarf maður að vera á varðbergi því að á augnabliki er bíllinn kominn á sviptingarhraða svo að það er vissara að fylgjast vel með hraðamælinum.
Eitt af því sem ég var hrifnastur af við bílinn er hversu hliðarspeglarnir eru stórir og sýna vel aftur fyrir bílinn.
 
Ókostur að þurfa að kveikja ljósin sjálfur
 
Allt rými inni í bílnum er gott og sæti þægileg að sitja í. Farangursrými er gott, en varadekkið er það sem ég kalla „aumingja“.
 
Ökuljósin eru LED ljós bæði að framan og aftan (persónulega finnst mér LED ljós að aftan fallegri, en þau geta verið ókostur þar sem þau hitna lítið og bræða ekki af sér snjó þegar kæfir á afturgafl bílsins. Þá sjást ljósin ekki í hríðarveðrum. Ég er ekki hrifinn af þessum nýja ljósabúnaði sem flestir nýir bílar eru með í dag og til að vera löglegur í umferð verður maður að kveikja ljósin handvirkt þar sem íslensk lög segja að maður eigi að vera með ljós allan hringinn allt árið um kring ellegar eiga von á sekt.
 
Góð dráttargeta miðað við stærð  
 
Undanfarið hefur Toyota verið að auglýsa 143 hestafla framhjóladrifinn RAV4GX dísil með aukapakka sem er dráttarkrókur og kerra á meðan birgðir endast. Þrátt fyrir að bíllinn sem ég prófaði sé bara eindrifsbíll og sá sem er á tilboði með kerru er dráttargetan 1.650 kg.
 
Hybrid-bíllinn sem ég prófaði er með 2,5 lítra bensínvél sem skilar 197 hestöflum. Uppgefin meðaleyðsla er 5,1 lítri á hundraðið, en ég var klárlega að eyða miklu meira eldsneyti miðað við 100 km akstur þar sem mér leiddist ekki að kitla pinnann á svona kraftmiklum bíl.
 
Verðið á bílnum sem ég prófaði er 5.940.000, en ódýrasti RAV er frá 4.990.000 og sá dýrasti á yfir 7.000.000.
 
Helstu mál og upplýsingar:
 
Þyngd 1.625 kg
Hæð 1.675 mm
Breidd 1.845 mm
Lengd 4.605 mm
 

 

4 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...