Vinsamlegast athugið að þetta efni er eldra en 5 ára.
Mesta mildi að ekki varð manntjón í Hítardal
Mynd / Gunnlaugur A. Júlíusson
Fréttir 10. júlí 2018

Mesta mildi að ekki varð manntjón í Hítardal

Höfundur: Margrét Þóra Þórsdóttir

„Mesta mildin var auðvitað sú að ekki varð manntjón,“ segir Gunnlaugur A. Júlíusson sveitarstjóri í Borgarbyggð. Ein sú allra stærsta skriða, sem fallið hefur á sögulegum tíma hér á landi, féll úr Fagraskógarfjalli í Hítardal snemma á laugardagsmorgun, 7. júlí. Fyrstu mælingar benda til að efnismagnið sé 10 til 20 milljónir rúmmetra. Stöðugt grjóthrun og smáskriður hafa fallið úr skriðusárinu frá því sú stóra féll.

Velsóttur íbúafundur til upplýsingar

Sveitarfélagið Borgarbyggð boðaði til íbúafundar í félagsheimilinu Lyngbrekku í gærkvöld og segir Gunnlaugur að það hafi einkum verið gert íbúum til upplýsingar um stöðu mála vegna þeirra náttúruhamfara sem urðu á svæðinu.  „Það skiptir íbúana máli að vita að tekið er á málum af öryggi og festu og stjórnsýslan sýni fagmennsku þegar atburðir sem þessi eigi sér stað. Þetta er gríðarlega stór skriða, tjónið mikið og það þarf að bregðast við á margan hátt. Fjölmörg verkefni eru framundan og með því að bjóða íbúum á fund gerum við þeim grein fyrir hver staðan er og hver næstu skref verða,“ segir Gunnlaugur.

Skriðan er um einn og hálfur kílómetri á lengd og álíka breið, einn og hálfur kílómetri. Fagfólk frá hinum ýmsu opinberu stofnunum mætti á fundinn og gerði grein fyrir þeim þáttum sem að þeim snýr, m.a. frá lögreglu og almannavörnum, Landsbjörgu, Veðurstofunni, Landgræðslunni, Veiðimálastofnun og Náttúruhamfaratryggingum Íslands. Ýmsir fulltrúar þessara aðila vinna að því í samvinnu við bændur og heimamenn að leggja mat á afleiðingar skriðufallsins, bæði nú þegar og til lengri tíma litið.

Óvissa um marga þætti

Gunnlaugur segir óvissu ríkjandi hvað marga þætti varðar, það eigi m.a. við um veiði og aðstæður við Hítará, sem verið hefur fengsæl hin síðari ár. Laxastigi í ánni er ónýtur. Þá megi nefna afréttarmálin og eins hvenær öruggt sé að hleypa umferð fólks inn á svæðið í námunda við skriðuna. Landslag er gjörbreytt, stórt moldarflag á svæðinu eftir skriðuna og því megi gera ráð fyrir gríðarlegu moldroki frá henni. Landgræðsla íhugi hvernig bregðast megi við því. Girðingar töpuðust og eins hólf sem bændur í Hítardal geymdu fé sitt á haustin.

„Veiði í Hítará átti að hefjast á sunnudagsmorgun og vitað var af ferðum manna við greni á svæðinu á laugardagskvöld. Það er þvi mikil mildi að skriðan féll á þeim tíma þegar enginn var á þessum slóðum,“ segir Gunnlaugur.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...