Mynd/MHH Frá afhendingu fullveldisferna í Alþingishúsinu, Katrín Jakobsdóttir forsætisráðherra með nýjar fullveldisfernur, ásamt fulltrúum Mjólkursamsölunnar og afmælisnefndar fullveldis Íslands. Frá vinstri, Ásgerður Höskuldsdóttir, Gréta Björg Jakobsdóttir, Guð
Fréttir 19. nóvember 2018

Forsætisráðherra tók við fyrstu fernunum í Alþingishúsinu

Magnús Hlynur Hreiðarsson
Katrín Jakobsdóttir forsætis­ráðherra tók á dögunum  á móti fyrstu fullveldisfernunum við athöfn í Alþingishúsinu. 
 
Mjólkursamsalan og afmælisnefnd um 100 ára fullveldi Íslands  hafa tekið höndum saman í skemmtilegu verkefni sem snýr að því að færa 100 ára afmæli fullveldis á Íslandi nær íslensku þjóðinni.
 
Ástæðan er sú að nú eru komnar í verslanir sérstakar fullveldisfernur með fullveldismjólk. 
 
Á fernunum prýða sex mismunandi textar og mynd­skreytingar um markverða atburði sem áttu sér stað á árinu 1918. 
 
„Mjólkursamsalan hefur allt frá árinu 1994 beitt sér fyrir eflingu móðurmálsins en mjólkurfernur eru sterkur og skemmtilegur miðill til að koma jákvæðum skilaboðum og fróðleik á framfæri. 
 
Er það von allra sem að verkefninu koma að fernurnar veki áhuga og athygli fólks á öllum aldri“, segir Ragnheiður Jóna Ingimarsdóttir, framkvæmdastjóri afmælisnefndar fullveldisafmælisins.