Vinsamlegast athugið að þetta efni er eldra en 6 ára.
Lífrænt vottaðar kindur á Miðhrauni II á Snæfellsnesi.
Lífrænt vottaðar kindur á Miðhrauni II á Snæfellsnesi.
Mynd / smh
Fréttir 27. september 2017

Einungis tvær umsóknir bárust í lífræna aðlögunarstyrki

Höfundur: smh
Tvær umsóknir bárust í sumar til Búnaðarstofu um aðlögunarstyrki fyrir lífrænan landbúnað. 
 
Þær bíða nú afgreiðslu, að sögn Jóns Baldurs Lorange, framkvæmdastjóra Búnaðarstofu Matvælastofnunar. Með nýjum búvörusamningum var bætt verulega við stuðning til aðlögunar að lífrænum landbúnaði. Nú er gert ráð fyrir 35 milljónum til styrkveitinga árlega, en áður nam heildarupphæðin 3,5 milljónum. Markmiðið er að aðstoða framleiðendur við að uppfylla þær kröfur sem gerðar eru í vottaðri lífrænni búvöruframleiðslu og auka framboð lífrænna vara á markaði.
 
Stöðnun í lífrænum landbúnaði á Íslandi
 
Vottað lífrænt land á Íslandi er vel undir tveimur prósentum af nytjalandi og er þar meðtalið land til jurtasöfnunar, sem í sumum tilvikum eru stór svæði. Ísland virðist vera að dragast meira aftur úr löndum í Vestur-Evrópu hvað varðar þróun í lífrænum landbúnaði og framleiðendum með lífræna vottun fækkaði lítillega á árunum 2012 til 2016. Kaupmönnum virðist þó bera saman um að aldrei hafa verið meiri eftirspurn á Íslandi eftir vörum með lífræna vottun.
 
Um 30 milljónir óráðstafað
 
Jón Baldur segir að reglur um aðlögunarstyrkina geri ráð fyrir að hægt sé að styrkja hvern umsækjanda að hámarki um helming af áætluðum kostnaði við aðlögunina. Þó geti stuðningur við hvern og einn aldrei numið meira en 20 prósent af þeirri heildarupphæð sem er til ráðstöfunar á ári. Jón Baldur segir ljóst að þær 35 milljónir sem voru teknar frá til að styrkja aðlögun að lífrænni ræktun muni ekki nýtast á þessu ári eins og til var ætlast.
 
„Það eru vissulega vonbrigði og augljóst að þennan styrkjaflokk verður að kynna betur. Ég tel að um 30 milljónir króna verði óráðstafað á þessu ári, sem framkvæmdanefnd búvörusamninga þarf að taka afstöðu til hvað eigi gera við.“ 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...