Vinsamlegast athugið að þetta efni er eldra en 7 ára.
Gunnar Bragi Sveinsson landbúnaðarráðherra.
Gunnar Bragi Sveinsson landbúnaðarráðherra.
Fréttir 15. apríl 2016

Búvörusamningarnir eitt af stóru málum ríkisstjórnarinnar

Höfundur: Vilmundur Hansen

Bændur samþykktu samningana í Búnaðarþingi í febrúar síðastliðinn. Gunnar Bragi Sveinsson landbúnaðarráðherra segir samningana vera eitt af þeim stóru málum sem ríkisstjórnin vill afgreiða fyrir kosningar í haust.

Ólíklegt er að samningarnir fari í gegnum þingið í óbreyttri mynd nái stjórnarandstaðan meirihluta á þingi eftir kosningar í haust.

Mannahrókeringar og ný ríkisstjórn

Sigurður Ingi Jóhannsson, fyrrverandi landbúnaðarráðherra, tók við embætti forsætisráðherra í kjölfar mótmæla vegna Wintris-málsins svokallaða og afsagnar Sigmundar Davíðs Gunnlaugssonar. Samhliða því var Gunnar Bragi Sveinsson settur ráðherra sjávarútvegs- og landbúnaðarmála og Lilja Alfreðsdóttir ráðin sem utanríkisráðherra.

Aðdragandi ráðherraskiptanna var umfjöllun Kastljóss um tengsl Sigmundar Davíðs Gunnlaugssonar, Bjarna Benediktssonar fjármálaráðherra og Ólafar Nordal innanríkisráðherra við skráð aflandsfélög hjá fyrirtækinu Mossack Fonseca á Panama. Alda mótmæla fylgdi í kjölfarið þar sem þess var krafist að ríkisstjórnin segði af sér. Í framhaldi af því var mynduð ný ríkisstjórn undir forsæti Sigurðar Inga.

Ráðherrar nýju ríkisstjórnarinnar eru allir þeir sömu og í síðustu stjórn að því undanskildu að Sigmundur Davíð er ekki lengur ráðherra, Sigurður Ingi er forsætisráðherra, Gunnar Bragi er sjávarútvegs- og landbúnaðarmála og Lilja Alfreðsdóttir er sest í ráðherrastól utanríkismála.

Áhersla á samþykkt búvörusamninganna

Gunnar Bragi Sveinsson landbúnaðarráðherra sagði í stuttu samtali við Bændablaðið að hann teldi yfirgnæfandi líkur á að búvörusamningarnir næðu í gegnum þingið áður en að þing yrði rofið og efnt til kosninga í haust.

„Búvörusamningarnir eru eitt af stóru áherslumálum ríkisstjórnarinnar. Bændur eru búnir að samþykkja samningana og ég sé ekki annað en að samþykkt þeirra muni ganga eftir í þinginu. Að minnsta kosti munum við leggja áherslu á að svo verði.“

Gunnar segist ekki vilja segja neitt til um framgang annarra mála tengjast landbúnaði og matvælaframleiðslu. „Við erum ekki enn búin að ganga frá áherslulistanum og vitanlega munu einhver mál sem ekki verða talin bráðnauðsynleg detta út en ég get ekki enn sagt hvaða mál það eru.“

Fánamálið svokallaða sem snýr að upprunamerkingum matvæla var afgreitt úr nefnd 12. apríl að sögn Gunnars og því góður gangur á því að hans sögn. Miðað við það má telja góðar líkur á að fánamálið, sem verið hefur í umræðunni í fjölda ára, verði loks afgreitt á Alþingi.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...