Mynd/Skeiða- og Gnúpverjaheppur Úr Gjánni í Þjórsárdal. Verndarsvæði og sérstaða Þjórsárdalsins felst fyrst og fremst í jarðfræðilegri sérstöðu, og fágætu og fögru landslagi. 
Fréttir 13. febrúar 2020

Búið að friðlýsa hluta af Þjórsárdal

Magnús Hlynur Hreiðarsson

Guðmundur Ingi Guðbrandsson umhverfis- og auðlindaráðherra mætti í félagsheimilið Árnes í Skeiða- og Gnúpverjahreppi, ásamt forsvarsönnum sveitarfélagsins fimmtudaginn 30. janúar sl. og undirritaði samning um friðlýsingar svæðis í Þjórsárdal.

Svæðið hefur því verið friðlýst sem landslagsverndarsvæði en innan þess eru Gjáin, Háifoss, Granni og Hjálparfoss, sem eru friðlýst sem sérstök náttúruvætti. Á svæðinu eru mikil tækifæri til náttúruskoðunar, útivistar og sjálfbærrar ferðamennsku en þar eru einnig menningarminjar sem vitna til um mannvistir á fyrri tímum. Svæðið er hið fyrsta sem friðlýst er sem landslagsverndarsvæði samkvæmt lögum um náttúruvernd en unnið hefur verið að friðlýsingunni í rúmt ár,“ segir Kristófer Tómasson ­sveitarstjóri.
 

Erlent