Vinsamlegast athugið að þetta efni er eldra en 4 ára.
Alifuglakjötið er langvinsælasta íslenska kjötafurðin með 33,7% markaðshlutdeild
Fréttir 11. júlí 2019

Alifuglakjötið er langvinsælasta íslenska kjötafurðin með 33,7% markaðshlutdeild

Höfundur: Hörður Kristjánsson

Af kjötafurðum sem íslenskir bændur framleiða er alifuglakjötið greinilega langvinsælast með 33,7% hlutdeild í sölu.

Samkvæmt tölum Búnaðarstofu Mast jókst salan á alifuglakjöti um 3,7% í maí 2019 miðað við söluna í maí 2018. Aukningin er þrátt fyrir 1,2% samdrátt í framleiðslu miðað við maí 2018.

Nú í maí seldust rétt tæp 887 tonn af alifuglakjöti. Langmest var selt af kjúklingakjöti í 1. flokki, eða rúm 762 tonn, sem er þó 0,3% samdráttur miðað við maí 2018. Fyrsta flokks kjúklingar vega þó þungt í heildarsölu alifuglakjöts, eða 91,6%.

Samdráttur í 2. flokks kjúklingum og holdahænum

Þá var mikill samdráttur milli ára í sölu á annars flokks kjúklingum í maí, eða -33,6%, en af þeim seldust rúm 27 tonn. Einnig var mikill samdráttur í sölu á holdahænum, eða -54,9%. Það vegur þó ekki mikið í heildarmyndinni þar sem einungis voru að seljast rúm 3,4 tonn af holdahænum, en þær eru ekki nema um 1% af heildarsölu íslensks alifuglakjöts.

42,2% aukning í sölu á kalkúnakjöti

Í alifuglakjötssölunni eru það kalkúnarnir sem eru hástökkvarar maímánaðar. Af þeim jókst salan um 42,2% miðað við sama mánuð í fyrra og seldust rúm 33,2 tonn. Þeir vega þó ekki ýkja þungt í heildarsölu íslensks alifuglakjöts, en eru samt með 3,3% markaðshlutdeild.

Kindakjöt er næstmest selda kjötafurðin í landinu og með 24% hlutdeild í sölu. Rétt á hæla kindakjötsins kemur svínakjöt með 23,4% markaðshlutdeild. Nautgripakjöt er svo í fjórða sæti með 16,5% hlutdeild og hrossakjöt með 2,4%.

Þurfa að keppa við 1.000 tonna innflutning

Heildarsala á íslensku alifuglakjöti í fyrra var rúm 9.804 tonn. Íslenskir alifuglabændur þurfa hins vegar eins og aðrir kjötframleiðendur að keppa við innflutt kjöt.  Í fyrra voru flutt inn rúmlega 1.064 tonn af alifuglakjöti og þar af var kjúklingakjöt tæp 972 tonn.

Óvissa og ótti vegna boðaðra breytinga á innflutningsreglum

Svipuð staða er uppi hjá íslenskum alifuglabændum og svínabændum með tilliti til innflutnings. Hafa bændur lýst ótta sínum vegna nýrra laga og reglugerða varðandi heimildir til að flytja inn hrátt og ófrosið kjöt samkvæmt EES samningi. Breytingarnar eiga að taka gildi í haust. Telja þeir að það geti mögulega skekkt samkeppnisstöðuna verulega íslenskri framleiðslu í óhag. Fróðlegt verður því að fylgjast með framkvæmd væntanlegra lagabreytinga og því hvort boðaðar mótvægisaðgerðir nái að slá á ótta bænda. 

Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...