Vinsamlegast athugið að þetta efni er eldra en 4 ára.
Afríska svínapestin hefur borist milli landa, m.a. með villisvínum og flutningi á hráu kjöti.
Afríska svínapestin hefur borist milli landa, m.a. með villisvínum og flutningi á hráu kjöti.
Fréttir 11. febrúar 2020

Afríska svínapestin finnst nú í níu ríkjum Evrópusambandsins

Höfundur: Hörður Kristjánsson
Afríska svínapestin (ASF) heldur áfram að breiðast um ríki Evrópu­sambandsins samkvæmt upplýsingum  Matvæla­öryggis­stofnunar Evrópu (EFSA). 
 
Greint var frá nýrri úttekt EFSA fimmtudaginn 30. janúar. Í skýrslunni, sem fjallar um tímabilið nóvember 2018 til október 2019, kom í ljós að sjúkdómurinn hafði  hægt og rólega verið að flytjast yfir ESB-löndin, aðallega í suðvesturátt. Alls hefur smitið borist til níu landa innan ESB. Þar má nefna Pólland, Lettland, Litháen, Eistland, Slóvakíu, Belgíu, Rúmeníu, Búlgaríu og Ungverjaland.
 
Í skýrslunni kom hins vegar einnig í ljós að Tékkland er nú opinberlega laust við ASF-veiruna, þó að sjúkdómurinn hafi verið staðfestur í nágrannalandinu Slóvakíu sem var hluti af gömlu Tékkóslóvakíu. 
 
Tíðni sjúkdómsins reynist vera mjög mismunandi milli aðildarríkjanna. Margir þættir virðast hafa áhrif á það, eins og fjöldi alisvína, landfræðilegar aðstæður og hegðun villisvínastofnsins á viðkomandi svæðum. 
 
Samkvæmt skýrslunni eru „bakgarðsræktendur“ svína í mesta áhættuhópnum. Svín sem fólk er að ala upp í bakgarðinum hjá sér eða á túnum eru ekki í afmörkuðu og stýrðu umhverfi eins og er á svínabúunum. Því eru svínin óútreiknanlegri og erfiðara að koma í veg fyrir að þau smitist t.d. af villtum svínum. 
 
Í skýrslunni er bent á leiðir til að forðast smit. Þær ráðleggingar fela m.a. í sér að setja upp varnagirðingar og auka eftirlit með villisvínum. Slíkar ráðstafanir hafa gefið góðan árangur eins og í Belgíu. 
 
Enn sem komið er hafa ekki verið til nein bóluefni gegn ASF-vírusnum, en það kann að standa til bóta.
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...