Vinsamlegast athugið að þetta efni er eldra en 5 ára.
Sjaldan hef ég skemmt mér svona vel í prufuakstri.
Sjaldan hef ég skemmt mér svona vel í prufuakstri.
Mynd / HLJ
Á faglegum nótum 5. september 2018

Skemmtilegt leiktæki með frábæra aksturseiginleika

Höfundur: Hjörtur L. Jónsson - liklegur@internet.is
Einu sinni á ári leyfi ég mér að taka leiktæki og prófa mér og öðrum til skemmtunar og skrifa um þau hér í blaðinu. Mér var boðið í prufuakstur á grindarbíl sem oftast gengur undir nafninu „buggybíll“ og heitir Arctic Cat Textron Off Road.
 
Prufuaksturinn fór fram í æfingabraut Vélhjólaíþrótta­klúbbsins undir Draugahlíð þar sem ég hitti sölumann Arcticsport og var ákveðið að byrja í lítilli og þröngri braut sem ætluð er fyrir byrjendur í motocrossíþróttinni.
 
Í fyrstu fór ég rólega af stað og tók lítið á bílnum, en smám saman jók ég hraðann. Það var hreint með ólíkindum hvað bíllinn var stöðugur í ósléttri brautinni og þrátt fyrir að ég teldi mig vera kominn að þolmörkum bílsins í hraða var hann enn stöðugur og haggaðist ekki í holunum og stýrði öruggt út úr öllum beygjum.
 
Aldrei keyrt nokkurt ökutæki með aðra eins fjöðrun
 
Aldrei hef ég ekið öðru eins snilldartæki, fjöðrunin er alveg mögnuð enda hönnuð af kappakstursmanninum Robby Gordon, sem er goðsögn í eyðimerkurkeppnum á borð við Dakar og Baja. 
Bæði fram og aftur­fjöðrun eru yfir 45 cm á hvert hjól og afturfjöðrunin minnir einna helst á aftur­gaffal á mótor­­hjóli sem erfitt er að lýsa í orðum á prenti. Bíllinn er á 15 tommu felgum og eru dekkin há og mjó sem gefa góða fjöðrun í viðbót við langa fjöðrun bílsins.
 
Vélarstærð, drif og hleðslugeta
  • Vélin er 1000 cc. og er gefin upp 125 hestöfl, en í bekk hefur þessi vél verið mæld á bilinu 136  til 138 hestöfl. 
  • Bíllinn er reimdrifinn (svipað og vélsleðar) og getur reimin enst allt að 200.000 km, drifið og öxlar út í hjól eru hönnuð til að þola kraftaukningu upp í 270 hestöfl.
  • Hámarksburður bílsins er 331 kg, en aftan á bílnum er lítil farang­urs­­geymsla sem má bera 136 kg.
  • Verðið á bílnum er 3.990.000.
 
Ég var greinilega huglaus í mínum akstri miðað við akstur sölumannsins
 
Að loknum mínum prufuakstri tók sölumaður Arcticsport, Guðmundur Bragason, nokkra hringi á bílnum svo að ég gæti tekið myndir af bílnum. Miðað við akstur hans var greinilegt að ég er of huglaus í að beita bílnum að þolmörkum, að horfa á akstur hans í brautinni er greinilegt að með meiri kjark og þor er hægt að keyra þennan bíl töluvert hraðar en mitt hjarta hefur þor til.
 
Allar nánari upplýsingar um bílinn má nálgast hjá Guðmundi, sölumanni Articsport, eða á vefslóðinni www.arcticsport.is.

3 myndir:

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...