Vinsamlegast athugið að þetta efni er eldra en 6 ára.
Mitsubishi Pajero með 3,2 lítra 190 hestafla vél.
Mitsubishi Pajero með 3,2 lítra 190 hestafla vél.
Mynd / HLJ
Á faglegum nótum 11. ágúst 2017

Sjö manna Mitsubishi Pajero á 100 ára tilboði

Höfundur: Hjörtur L. Jónsson
Fyrir sléttum fimm árum prófaði ég síðast Mitsubishi Pajero og kostaði hann þá 10.650.000 og var með þriggja ára ábyrgð. Í tilefni af 100 ára afmæli Mitsubishi er Hekla með afmælistilboð á nokkrum bílum frá Mitsubishi og er nú að bjóða Pajero á 7.990.000 krónur og það með fimm ára ábyrgð.
 
Pajero hannaður frá reynslu í rallkeppnum
 
Pajero hefur lítið breyst á þessum fimm árum bæði að innan og utan. Svo sem engin ástæða að breyta miklu þegar allt virkar vel og endist. Í gegnum árin hefur Mitsubishi Pajero tekið miklum breytingum og var mikið til hannaður eftir reynslu Mitsubishi frá keppnum í Dakar rallkeppnunum. Þar á Pajero met sigra bílaframleiðanda í þeim rallkeppnum með yfir 150 dagsigra og 11 sigra í keppninni sjálfri. 
 
Af jeppum í sambærilegum stærðarflokki hefur Mitsubishi Pajero þægilegustu fjöðrun til aksturs á malarvegum af þeim bílum sem ég hef prófað og sá bíll sem maður sér best út úr af jeppum í sama flokki.
 
Að ná varadekkinu niður þarfnast trúlega góðrar æfingar.
 
Eyðslan var 11,2 lítrar
 
Í Pajero er lítil veðurstöð sem sýnir loftþrýsting, hæð yfir sjó og hita í línuriti síðasta klukkutímann. Eflaust gagnast þetta mörgum, en ég hefði heldur viljað sjá blindhorns­vara og veglínulesara í bílnum. 
Í nútímanum eru allir með frekar stóra farsíma, en í þennan bíl vantar sárlega hólf og geymslur fyrir þessi tæki. 
 
Síðan ég prófaði þennan bíl síðast hafa felgurnar stækkað um tommu sem er gott á malbiki, en mínus á malarvegum. 
 
Fyrir fimm árum var vélin uppgefin 200 hestöfl, en er nú uppgefin 190 hestöfl. Uppgefin meðaleyðsla er 9,4 á hundraðið, en eftir um 200 km akstur á meðalhraða upp á 56 km hraða var mín eyðsla 11,2 lítrar á hundraðið.
 
Öflugar bremsur og góð dráttargeta
 
Sjálfskiptingin er stiglaus fimm gíra og í boði er að vera bara með bílinn í afturhjóladrifinu, fjórhjóladrifi, fjórhjóladrifi með hjólin læst að aftan og svo lágt drif sem hægt er að læsa með einum takka. 
 
Bíllinn kemur án króks, en fyrir auka 150.000 kemur krókur með og þá má bíllinn draga kerru sem er allt að 3.500 kg með bremsubúnaði. Bremsurnar eru góðar enda eru diskarnir 17 tommu og loftkældir. 
 
Verði þetta 100 ára tilboð eitthvað áfram á bílnum tel ég að Mitsubishi Pajero sé góð fjárfesting sé verið er að hugsa um bíl til að eiga næstu 7–10 árin. Það er þekkt að bilanatíðni Pajero er í lægri kantinum. 
Allar nánari upplýsingar má nálgast á vefsíðunni www.hekla.is.
 
Sjálfskiptingin er stiglaus og fimm gíra. 
 
Helstu mál og upplýsingar:
 
Hæð 1.910 mm
Breidd 1.875 mm
Lengd 4.900 mm
 

 

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...