Vinsamlegast athugið að þetta efni er eldra en 5 ára.
Sauðfjársæðingar og hrútafundir
Mynd / RML
Á faglegum nótum 28. nóvember 2018

Sauðfjársæðingar og hrútafundir

Höfundur: Eyþór Einarsson ábyrgðarmaður í sauðfjárrækt, ee@rml.is
Ný hrútaskrá mun brátt líta dagsins ljós. Það rit hefur að geyma upplýsingar um þann hrútaflota sem sæðingastöðvarnar bjóða í vetur.  Þar er að finna öflugt lið úrvalshrúta,  gamlar hetjur í bland við framtíðar stjörnur.  Á stöðvunum verða í vetur 44 hrútar.  Af þeim eru 28 hyrndir, 12 kollóttir, 2 feldfjárhrútar og 2 forystuhrútar. Í heildina komu inn 16 nýir hrútar í haust.  
 
 
Kynbótamat það sem fylgir hrútunum er byggt á nýjustu gögnum fyrir hvern eiginleika.  Mat á mjólkurlagni er því byggt á uppgjöri skýrslurhaldsins frá haustinu 2017.  Frjósemismatið byggir á niðurstöðum frá því í vor og skrokkgæðamatið er glóðvolgt en það tekur tillit til gagna frá nýliðnu hausti.  Þeir stöðvahrútar sem nú standa efstir í kynbótamati fyrir holdfyllingarmat með 123 stig eru þeir Durtur 16-994 frá Hesti og Dúlli 17-813 frá Miðdalsgröf sem er nýr hrútur á stöð.  Ef horft er til einkunnar fyrir skrokkgæði, þar sem gerð og fita hafa jafnt vægi eru þrír hrútar sem  eru efstir með 117 stig.  Það eru Fáfnir 16-995 frá Mýrum 2, Mávur 15-990 frá Mávahlíð og Tvistur 14-988 frá Hríshóli.  Fyrir frjósemi dætra stendur Klettur 13-962 frá Borgarfelli á toppnum  með 120 stig og fyrir mjólkurlagni er Blær 11-979 frá Kambi/Gróustöðum hæstur með 123 stig.  Nánar má skoða þetta í hrútaskrá eða inn í Fjárvís.is.  
 
 
Hrútaskrá og hrútafundir
 
Útgáfu hrútaskrár verður að vanda fylgt eftir með hrútafundum búnaðarsambandanna um allt land.  Þeir fundir hafa verið fjölsóttir og vonandi verða þeir það áfram.  Yfirlit yfir fundina má sjá í meðfylgjandi töflu. Áætlað er að fyrstu fundir verði haldnir miðvikudaginn 21. nóvember.  Hvet ég sauðfjárbændur til að gefa ekkert eftir í kynbótastarfinu þótt á móti blási í greininni.
 
Bændur verði duglegir að prófa 
 
Það er ekki síður áríðandi nú en stundum áður, að framleiðslugripirnir hafi virkilega getu til að skila miklum og verðmætum afurðum. Mælt er með að bændur noti í bland gömlu höfðingja stöðvanna, sem flestir eru mikið reyndir úrvalsgripir og þá nýju spennandi hrúta sem nú hafa bæst við. En mikilvægt er fyrir ræktunarstarfið að bændur séu duglegir að prófa sem flesta af nýju hrútunum þannig að þeir fái sem jafnasta og besta notkun.
„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...