Vinsamlegast athugið að þetta efni er eldra en 6 ára.
Andvökunætur kúabænda úr sögunni?
Á faglegum nótum 10. maí 2017

Andvökunætur kúabænda úr sögunni?

Höfundur: Erla Hjördís Gunnarsdóttir
Fyrir nokkru kom á markað hérlendis burðarboði, eða skynjari, sem settur er á hala kýrinnar og nemur samdrátt og sendir bónda beint í síma skilaboð um klukkustund áður en að burði kemur. 
 
Hægt er að nota einn nema fyrir allt að 30 kýr, við lok burðar er hann færður á næstu og svo framvegis og hægt er að tengja boðin í tvo farsíma. 
 
Moocall-tækið er sniðug nýjung fyrir kúabændur sem geta fylgst vel með burði hjá sínum kúm og fá skilaboð í símann um leið og tækið nemur aukna samdrætti kýrinnar. 
 
„Moocall var kynnt á EuroTier síðastliðið haust og Fóðurblandan fékk í kjölfarið einkaumboð á Íslandi fyrir þessa frábæru nýjung fyrir bændur og búalið sem hefur farið mjög hratt um kúaheiminn allan. Í stuttu máli er þetta skynjari sem nemur aukna hreyfingu og lætur síðan vita með því að senda SMS textaskilaboð og tölvupósta. Það er 12 mánaða ábyrgð á tækinu og handhægt app sem hægt er að tengjast og fá tilkynningar í gegnum,“ útskýrir Pétur Pétursson, sölustjóri Fóðurblöndunnar. 
 
„Tækið er sett á halann á óbornu kúnni. Um klukkustund fyrir burð lætur Moocall vita þegar kýrin er að fara að bera með því að senda eiganda sínum skilaboð í símann. Moocall skynjar aukna virkni hjá kúnni og sendir skilaboð þegar virknin er búin að vera mikil í um klukkustund. Klukkutíma síðar sendir það svo önnur skilaboð um stöðuga tveggja klukkustunda virkni. Þessi nýjung er mjög góð að því leyti að létta bændum allt eftirlit með burði, spara tíma og fá fleiri kálfa á lífi,“ segir Pétur jafnframt.
 
 Um 20 þúsund nemar seldir
 
Bændur í Evrópu eru mjög hrifnir af þessari nýju tækni sem sparar þeim mikinn tíma og fyrirhöfn. 
 
„Hugmyndin að tækinu kom þegar félagi okkar, Njall Austin, sem er bóndi, missti verðmæta Charolais kýr og kálf vegna erfiðs burðar. Njall hafði velt því fyrir sér að fyrir burð er mikil virkni í hala kýrinnar og fannst hann þurfa að finna upp á einhverju sem gæti fylgst með og tilkynnt fyrirhugaðan burð til bænda. 
 
Eftir fjögurra ára þróunarvinnu á mjólkurbúum var Moocall sett á markað árið 2015. Núna hafa 20 þúsund nemar verið seldir, mest af orðsporinu einu saman, í 36 löndum! Vegna þeirra hefur verið tilkynnt um 125 þúsund árangursríka burði. Við finnum fyrir miklum áhuga á Íslandi og margir notendur orðnir að tækinu þar þó að það hafi verið stutt á markaðnum,“ segir Paul Kenny, sölustjóri Moocall í Evrópu og Ástralíu. 
 
„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...