Vinsamlegast athugið að þetta efni er eldra en 6 ára.
Hrefna skorin um borð í Hrafnreyði. Mynd / VH.
Hrefna skorin um borð í Hrafnreyði. Mynd / VH.
Fréttir 26. október 2017

Einungis 17 hrefnum landað á árinu

Höfundur: Vilmundur Hansen

Hrefnuveiði í Faxaflóa hefur aldrei verið lélegri en síðastliðið sumar og einungis veiddust 17 af þeim 236 dýrum sem má veiða í ár, eða 7% af kvótanum. Líklegt er að hrefnan hafi fært sig á önnur mið vegna aukins makríls í Flóanum.

Gunnar Bergmann, framkvæmda­stjóri IP útgerðar og IP dreifingar ehf., segir að hrefnuveiði á vertíðinni í sumar hafi verið lítil því aðeins 17 dýr hafi veiðst í heildina. Eins og undanfarin ár mátti veiða 236 dýr og á síðasta ári veiddust 46 hrefnur.

„Vertíðin hófst í byrjun júní og stóð ekki nema til loka júlí, eða tvo mánuði. Veiðitímabilið var því stutt, veðrið leiðinlegt og aðstæður á margan hátt erfiðar hjá okkur og við keyrðum því ekki á veiðarnar af sama krafti og undanfarin ár.“

Einungis veitt fyrir innanlandsmarkað

Gunnar segir að hrefnuveiðar hér við land séu einungis fyrir innanlandsmarkað og hrefnukjöt frá í fyrra hafi klárast í vor og hann gerir ráð fyrir að í ár klárist kjötið í kringum áramótin. Eftir að það klárast munum við flytja inn hrefnukjöt frá Noregi eins og við höfum gert tvisvar áður.

Auk Hrafnreyðar KÓ sem IP útgerð gerir út landaði einn bátur, Rokkari KE, nokkrum hrefnum í sumar hjá IP útgerð.

Dræm veiði við Faxaflóa

Gunnar segir að vegna dræms afla í Faxaflóa hafi Hrafnreyður farið einn róður norður fyrir land og veiddi nokkur dýr í Skagafirði.

„Ástandið í Faxaflóa hefur farið versnandi undafarin ár hvað hrefnuveiðar varðar og botninn sló úr í sumar. Bæði var erfiðar að eiga við hrefnuna í sumar og svo er mun minna af hrefnu í Flóanum núna en fyrir fimm eða tíu árum.“

Aðspurður segist Gunnar telja líklegast að um fæðuskort sé að ræða og að klárlega hafi aukinn makríll áhrif þar á.

„Við fundum greinilega fyrir því þegar makríllinn var að koma hér fyrst að hegðunarmunstur hrefnunnar breyttist. Hún virðist ekki, og við sjáum það á magainnihaldi hennar, ekki ráða við að veiða hann.

Makríllinn ryksugar upp ætið frá hrefnunni

Það eru mikil læti í makrílnum og hann er alltaf á ferðinni og hrefnan nær honum einfaldlega ekki nema að takmörkuðu leyti. Makríllinn er líka eins og ryksuga alls staðar þar sem hann kemur og étur allt sem fyrir er þannig að það er lítið eftir handa hrefnunni.“

Gunnar telur að fæðuskorturinn sé meginástæða þess að hrefnu fari fækkandi í Faxaflóa og að hún er farin að sjást á svæðum austur af Grænlandi þar sem hún hefur ekki sést áður.

Skylt efni: veiðar | hrefna

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...