Vinsamlegast athugið að þetta efni er eldra en 7 ára.
Sigrún Agata Árnadóttir við stýrið á dráttarvélinni og tínir upp  baggana af túninu, en Grétar Már Óskarsson og Bárður Kristjánsson hlaða á vagninn.
Sigrún Agata Árnadóttir við stýrið á dráttarvélinni og tínir upp baggana af túninu, en Grétar Már Óskarsson og Bárður Kristjánsson hlaða á vagninn.
Mynd / Óskar P. Friðriksson
Líf og starf 7. september 2016

Rykið dustað af heybaggavélunum

Höfundur: Hörður Kristjánsson
Magnús Pálsson, bóndi á Hvassafelli, er eins og bændur eru flestir, hann slær grasið og pakkar því inn í rúllubagga. Heyið sem hann ætlar sauðfé sínu þurrkar hann og bindur í bagga eins og gert var fyrr á árum. 
 
Í blíðviðrinu í sumar virðist talsvert hafa verið um að bændur fullþurrki heyið á túnum og dragi fram gömlu baggavélarnar. 
 
 „Ég leit við hjá Magnúsi þegar hann var að klára að binda heyið og koma því í hlöðu við fjárhúsið. Ilmurinn var eins og best gerist af nýslegnu grasinu. Ég verð að viðurkenna að ég yngdist um 50 ár þegar ég kom í heyskapinn,“ segir Óskar P. Friðriksson, sem sendi Bændablaðinu nokkrar myndir af heyskapnum. 
 
Afturhvarf til fortíðar
 
„Þetta var allt eins og það var þegar ég var sjálfur í sveit að Steinum á 7. áratug síðustu aldar, nema núna var baggatínsluvél sem sá um að tína upp baggana. 
 
Sama tækni er notuð og þegar ég var í sveitinni í gamla daga og því eðlilegt að fleiri hendur þurfi til verksins en nútímaaðferðir kalla á. Þegar búið er að tína upp baggana af túninu í kerruna er ekið með það í hlöðuna þar sem handtína þarf baggana af kerrunni og raða þeim í hlöðunni, eftir kúnstarinnar reglum.“
 
Ódýrt og þægilegt
 
Magnús Pálsson bóndi segir að heyskapur með þessum tækjum sé mun ódýrari en að pakka öllu inn í plast, þótt handtökin séu ef til vill fleiri. Bæði eru vélarnar einfaldari og ódýrari og í stað þess að pakka rúllum inn í plast, þá þarf ekki annað en snæri utan um baggana. 
 
„Menn eru ekki mikið að hverfa aftur í böggun, en þetta er auðvitað ódýr heyskapur. Böggunin datt að mestu niður fljótlega eftir rúllubyltinguna í sveitum landsins. Ef tækin eru til staðar, þurrkur og húsakostur þá er þetta flottur heyskapur. Tíðarfarið hefur líka verið með ólíkindum. Það er líka mjög þægilegt að vera með baggana fyrir sauðféð.“
 
Magnús segir að slík tæki séu víða til ennþá, m.a. á tveim til þrem bæjum undir Eyjafjöllum.
„Menn eru því enn að hirða hey í einhverjum mæli á þennan hátt. Ég tek svona 1.200 til 1.500 bagga sem dugar mér fyrir þær 50 kindur sem ég er með. Þetta er mjög þægilegt við að eiga og baggarnir meðfærilegir.“ 

11 myndir:

Skylt efni: heybaggar | heybaggavélar

Heitt poppkorn er hollt sælgæti!
Líf&Starf 10. maí 2022

Heitt poppkorn er hollt sælgæti!

Svo hljóðaði auglýsing er birtist á síðu Morgunblaðsins í júlílok árið 1968 - en...

Lesning fyrir heilabilaða
Líf&Starf 4. maí 2022

Lesning fyrir heilabilaða

Þegar ég setti saman bókina Í húsi afa míns sem kom út fyrir tólf árum, hvarflað...

Fimm hurða farsi leikfélags Hólmavíkur!
Líf&Starf 19. apríl 2022

Fimm hurða farsi leikfélags Hólmavíkur!

Nú hefur leikfélag Hólmavíkur sett upp farsann Bót og betrun eftir Michael Coone...

Ef væri ég gullfiskur!
Líf&Starf 28. mars 2022

Ef væri ég gullfiskur!

Spéfarsinn „Ef væri ég gullfiskur“ eftir Árna Ibsen, í flutningi leikfélags Umf....

Ekki um ykkur! Verk Leikfélags Menntaskólans á Ísafirði
Líf&Starf 16. mars 2022

Ekki um ykkur! Verk Leikfélags Menntaskólans á Ísafirði

Leikfélag Menntaskólans á Ísafirði frumsýndi leikritið „Ekki um ykkur” eftir Gun...

Verndarar láðs & lagar
Líf&Starf 14. mars 2022

Verndarar láðs & lagar

Þegar verndarar láðs og lagar ber á góma er gaman að rekast á þá þar sem maður á...

Flestir gullsmiðir voru bændur
Líf&Starf 28. febrúar 2022

Flestir gullsmiðir voru bændur

Árið 2011 hlaut Dóra Guðbjört Jónsdóttir gullsmiður þakkarviðurkenningu FKA – Fé...

Hann á það skilið? Á hann það skilið?
Líf&Starf 2. febrúar 2022

Hann á það skilið? Á hann það skilið?

Í kaflanum „Misseristalið og tildrög þess“ eftir Þorkel Þorkelsson, í 1. tbl. Sk...