Vinsamlegast athugið að þetta efni er eldra en 7 ára.
Mörtunga 2
Bóndinn 28. apríl 2016

Mörtunga 2

Rannveig og Mummi tóku við búinu af foreldrum hennar í janúar 2015, þeim Ólafi Oddssyni og Guðríði Jónsdóttur. Búskapur á jörðinni hefur verið í sömu fjölskyldunni í nokkra ættliði. Rannveig er því uppalin í Mörtungu og Mummi kemur frá Reykjavík en var í sveit á Klifmýri á Skarðsströnd á sínum yngri árum. 
 
Rannveig er náttúrufræðingur að mennt og Mummi er með menntun í ævintýraferðamennsku og húsasmíði. Samhliða búskapnum reka þau lítið ferðaþjónustufyrirtæki sem heitir Kind Adventure og bjóðum upp á fjallahjólaferðir.
 
Býli:  Mörtunga 2 á Síðu.
 
Staðsett í sveit: Skaftárhreppi í Vestur-Skaftafellssýslu.
 
Ábúendur: Rannveig Ólafsdóttir og Guðmundur F. Markússon ásamt foreldrum Rannveigar, þeim Ólafi Oddssyni og Guðríði Jónsdóttur.
 
Fjölskyldustærð (og gæludýra): 
Við eigum eina dóttur, Heiðu Guðbjörgu, 8 mánaða gamla. Svo verðum við nú að telja Seppa gamla sem gæludýr enda fær hann að sofa í skóganginum.
 
Stærð jarðar?  Um 10.000 hektarar, óskipt með Mörtungu 1.
 
Gerð bús? Sauðfjárbú.
 
Fjöldi búfjár og tegundir? Um 350 ær, 3 smalahestar auk nokkurra mera, folalda og tryppa, 2 smalahundar, 6 pútur og einn hani.
 
Hvernig gengur hefðbundinn vinnudagur fyrir sig á bænum? 
Annað okkar fer út á morgnana í gegningar, að gefa og líta eftir fénu. Hitt er inni og sinnir Heiðu litlu. Eftir hádegið er tíminn yfirleitt nýttur í að dytta að hinu og þessu, og svo er fénu gefið aftur fyrir kvöldmat. Nú, svo er þetta breytilegt eftir árstíðum hvað er verið að garfa og á sumrin bætast hjólaferðirnar við. 
 
Skemmtilegustu/leiðinlegustu bústörfin? Flest bústörf eru skemmtileg enda fjölbreytni mikil. Skemmtilegastar eru þó líklega smalamennskurnar, fátt betra en að vera á fjöllum í góðu veðri. Þá er líka oft mikið af ættingjum komnir til að hjálpa og hafa gaman. Ekkert er sérstaklega leiðinlegt en skítmokstur getur verið lýjandi til lengdar og að ganga frá rúlluplasti er ekkert frábært heldur.
Hvernig sjáið þið búskapinn fyrir ykkur á jörðinni eftir fimm ár? Þá verðum við búin að byggja við fjárhúsið svo við getum haft allt féð í sama húsi og búin að fjölga lítillega. Endurrækta einhver tún og kannski endurnýja eitthvað af vélum. Hjólaferðirnar verða vonandi orðnar að ágætis aukabúgrein.
 
Hvaða skoðun hafið þið á félagsmálum bænda? Ekki mikla skoðun á því en ábyggilega í ágætis málum. Mættu vera fleiri böll.
 
Hvernig mun íslenskum landbúnaði vegna í framtíðinni? Við höldum að honum muni vegna vel, allavega á meðan að áhugi er til staðar og hér í sveit hefur verið mikil nýliðun síðustu ár, svo það er bjart fram undan.
 
Hvar teljið þið að helstu tækifærin séu í útflutningi íslenskra búvara? Klárlega íslenska lambakjötið og ullin, bæði í formi lopa og gæru. Með réttri markaðssetningu mun þetta slá í gegn.
 
Hvað er alltaf til í ísskápnum? Mjólk, skyr, smjör, síld og allt á pulsuna.
 
Hver er vinsælasti maturinn á heimilinu? Slátur og lambalæri/hryggur er eftirlætismaturinn en SS pulsur eru líklega hvað oftast á boðstólum.
 
Eftirminnilegasta atvikið við bústörfin? Fyrstu dagarnir eftir að við komum heim af fæðingardeildinni og heyskapur var enn í gangi. Ónefndur hrakfallabálkur/frændi Rannveigar var að hjálpa til við að pakka rúllum og tókst að sökkva bæði traktor og pökkunarvél í drullupytt á miðju stykki.

6 myndir:

Heitt poppkorn er hollt sælgæti!
Líf&Starf 10. maí 2022

Heitt poppkorn er hollt sælgæti!

Svo hljóðaði auglýsing er birtist á síðu Morgunblaðsins í júlílok árið 1968 - en...

Lesning fyrir heilabilaða
Líf&Starf 4. maí 2022

Lesning fyrir heilabilaða

Þegar ég setti saman bókina Í húsi afa míns sem kom út fyrir tólf árum, hvarflað...

Fimm hurða farsi leikfélags Hólmavíkur!
Líf&Starf 19. apríl 2022

Fimm hurða farsi leikfélags Hólmavíkur!

Nú hefur leikfélag Hólmavíkur sett upp farsann Bót og betrun eftir Michael Coone...

Ef væri ég gullfiskur!
Líf&Starf 28. mars 2022

Ef væri ég gullfiskur!

Spéfarsinn „Ef væri ég gullfiskur“ eftir Árna Ibsen, í flutningi leikfélags Umf....

Ekki um ykkur! Verk Leikfélags Menntaskólans á Ísafirði
Líf&Starf 16. mars 2022

Ekki um ykkur! Verk Leikfélags Menntaskólans á Ísafirði

Leikfélag Menntaskólans á Ísafirði frumsýndi leikritið „Ekki um ykkur” eftir Gun...

Verndarar láðs & lagar
Líf&Starf 14. mars 2022

Verndarar láðs & lagar

Þegar verndarar láðs og lagar ber á góma er gaman að rekast á þá þar sem maður á...

Flestir gullsmiðir voru bændur
Líf&Starf 28. febrúar 2022

Flestir gullsmiðir voru bændur

Árið 2011 hlaut Dóra Guðbjört Jónsdóttir gullsmiður þakkarviðurkenningu FKA – Fé...

Hann á það skilið? Á hann það skilið?
Líf&Starf 2. febrúar 2022

Hann á það skilið? Á hann það skilið?

Í kaflanum „Misseristalið og tildrög þess“ eftir Þorkel Þorkelsson, í 1. tbl. Sk...