Vinsamlegast athugið að þetta efni er eldra en 9 mánaða.
Bandflettisög í viðarvinnslunni í Heiðmörk.
Bandflettisög í viðarvinnslunni í Heiðmörk.
Mynd / Skógræktarfélag Reykjavíkur
Líf og starf 30. maí 2023

Fullvinnsla afurða í Heiðmörk

Höfundur: Ástvaldur Lárusson

Skógræktarfélag Reykjavíkur starfrækir einu viðarvinnsluna á suðvesturhorninu. Starfsmaður hefur verið ráðinn í fullt starf til að vinna timbur úr grisjunarviði. Afurðirnar hafa farið í gólffjalir, bekki, skilti, stíga innréttingar o.fl.

Eftir því sem skógurinn í Heiðmörk eldist stækka trén og afurðirnar verða verðmætari. Sífellt stærra hlutfall viðarins nýtist í framleiðslu dýrari afurða, svo sem borðvið, í stað eldiviðar og kurls. Samtals eru tvö til þrjú ársverk sem fara í grisjun og vinnslu í Heiðmörk. Þetta kemur fram í fréttatilkynningu frá Skógræktarfélagi Reykjavíkur.

Talsverð verðmæti

Í viðarvinnslunni er bæði stórviðarsög og bandflettisög. Stórviðarsögin er notuð til að fletta trjábolum í borðvið. Bandflettisögin hentar fyrir sértækari verkefni, svo sem vinnslu á mjög sverum eða óreglulegum trjábolum.

Að auki við að nota tré úr Heiðmörk hefur vinnslan tekið á móti timbri sem fallið hefur til við grisjun eða vegna framkvæmda á höfuðborgarsvæðinu. Oft er það reyniviður eða alaskaösp. Talsvert verðmæti geta verið í slíku timbri.

Hvergi er flatarmál skógarins minnkað, heldur fellur allt hráefnið til við sjálfbæra grisjun. Skóglendið er víða þétt og nauðsynlegt að grisja til að trén geti vaxið og dafnað. Hæfileg grisjun skapar aukið rými og birtu í skóginum og þar með betri skilyrði til jafnari vaxtar fyrir þau tré sem eftir standa. Vegna þess hve hægt trén vaxa hérlendis hafa þau eiginleika sem gera þau eftirsóknarverð í smíðavið.

Nauðsynlegt að grisja reglulega

Í Heiðmörk eru um 270 hektarar af eldri barrskógum, sem eru að meðaltali 50 ára gamlir. Þá eru 140 hektarar af um það bil helmingi yngri barrskógum og 440 hektarar af blandskógum. Birkiskógar eru á um eitt þúsund hekturum til viðbótar. Víða hefur skógurinn náð þeim aldri að trén eru farin að vaxa nokkuð hratt og nauðsynlegt að sinna grisjun reglulega. Rúmlega fjórir hektarar voru grisjaðir í Heiðmörk í fyrra.

Á annað hundrað rúmmetra af timbri féll til við grisjunina og var meðal annars notað í borðvið, bolvið og eldivið. Nú er verið að vinna efni í timburborð fyrir Perlufestina, göngustíg umhverfis Perluna. Það er stærsta pöntun á vörum Skógræktarfélags Reykjavíkur til þessa – alls 15 kílómetrar af borðviði. Hátt í þrjú þúsund lengdarmetrar af borð- og bolvið voru framleiddir í Heiðmörk á síðasta ári.

Skylt efni: Skógrækt | viðarvinnsla

Mannlíf á Búnaðarþingi
Líf og starf 25. mars 2024

Mannlíf á Búnaðarþingi

Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...

Stjörnuspá 21. mars - 11.  apríl
Líf og starf 21. mars 2024

Stjörnuspá 21. mars - 11. apríl

Vatnsberinn hefur lengi verið að velta því fyrir sér að flytja sig um set og jaf...

Félagsskapur eldri borgara
Líf og starf 19. mars 2024

Félagsskapur eldri borgara

Stofnfundur Félags eldri borgara í Hvalfjarðarsveit var haldinn sunnudaginn 11. ...

Áframhaldandi búseta talin möguleg
Líf og starf 13. mars 2024

Áframhaldandi búseta talin möguleg

Við Langanesströnd sem liggur að botni Bakkaflóa stendur Bakkafjörður ásamt bæði...

Kirkjugarðsklúbburinn
Líf og starf 12. mars 2024

Kirkjugarðsklúbburinn

Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...

Bændamótmæli á Íslandi?
Líf og starf 11. mars 2024

Bændamótmæli á Íslandi?

Mótmæli bænda í Evrópu hafa verið í fréttum undanfarin misseri þar sem þeir vald...

Stjörnuspá 7. mars - 21. mars
Líf og starf 8. mars 2024

Stjörnuspá 7. mars - 21. mars

Vatnsberinn hefur alla burði til þess að koma í framkvæmd þeim hugmyndum sem eru...

Lundi
Líf og starf 6. mars 2024

Lundi

Lundi er algengasti fuglinn okkar og jafnframt einn af okkar einkennisfuglum. Ha...