Vinsamlegast athugið að þetta efni er eldra en 8 ára.
Hippavesti
Hannyrðahornið 6. maí 2015

Hippavesti

Höfundur: Sigrún Ellen Einarsdóttir
Svona vesti eru mikið í tísku núna og við fengum þessa uppskrift hjá henni Sigrúnu Ellen en hún prjónaði það úr sniðugu garni sem heitir Whistler og er til í 7 litum sjá www.garn.is. Vestið getið þið séð í Fjarðarkaup. 
 
Garn: Whistler
Svart 7 dokkur
 
Prjónar:
Hringprjónn 60 sm, nr 8
Heklunál nr 4
 
Prjónafesta: 12 lykkjur x 10 garðar = 10x10 sm
Ein stærð en vestið er ekki hneppt að framan svo auðvelt er að breyta stærðinni fyrir verðandi eiganda. 
 
Aðferð: Vestið er prjónað með garðaprjóni (þ.e. Allar umferðir slétt) fram og til baka. Bakstykki sér og síðan tvö framstykki sér, stykkin eru síðan prjónuð fallega saman þ.e. axlir og hliðar saumaðar saman. Heklað með fastahekli við ermaop, hálsmál og niður boðunga. Kögur fest neðan á vestið.
 
Bakstykki:
Fitjið upp 74 lykkjur og prjónið slétt fram og til baka þar til stykkið mælist 56 sm eða eins sítt og þið viljið hafa það upp að öxlum athugið að garðaprjónið teygist svo þegar kögrið kemur neðan við það.  Fellið af fyrir hálsmáli 18 lykkjur fyrir miðju. Hver öxl 28 lykkjur prjónuð fyrir sig og tekið úr í annarri hvorri umferð við hálsmálið 1 lykkja samtals tvisvar sinnum = 26 lykkjur á prjóninum. Geymið lykkjurnar á prjóninum og prjónið hitt axlarstykkið.  
 
Framstykki:
Fitjið upp 20 lykkjur og prjónið 1 umferð slétt prjónið nú gatamunstur 1 þannig:
*1 lykkja slétt, slá uppá prjóninn, l lykkja tekin óprjónuð, tvær lykkjur prjónaðar slétt saman* endurtekið frá *-* út umferðina.  
 
Endurtakið þessa umferð þar til stykkið mælist 26 sm, fellið af allar lykkjurnar. Takið upp 38 lykkjur á langhliðinni og prjónið 3 umferðir slétt fram og til baka (garðaprjón).
 
Næst er prjónað munstur 2 þannig: 
Prjónið *1 lykkja slétt, slegið uppá prjóninn 5 sinnum ( það er garninu vafið 5 sinnum um prjóninn)* endurtakið frá *-* út umferðina. Þetta myndar löng bönd . Í næstu umferð er þá prjónuð 1 lykkja slétt og sleppt fram af langa uppslættinum án þess að prjóna hann.
Prjónið garðaprjón 3 umferðir fram og til baka.
 
Prjónið þá munstur 3:
*l lykkja prjónuð slétt slegið upp á prjóninn 2 sinnum og (3 lykkjur verða að einni þannig: takið lykkjur nr 2 og 3 og steypið yfir lykkju nr 1. takið lykkjuna óprjónaða yfir á hægri prjón)* endurtakið frá *-* Það myndast stór göt við þetta . Prjónið fram og til baka garðaprjón 14 sm frá gatamunstrinu. Nú er tekið úr fyrir skáanum fyrir hálsmálið 1 lykkja í 4. hverri umferð þar til 26 lykkjur eru eftir á prjóninum. Geymið stykkið. Hitt framstykkið prjónað eins nema úrtakan við hálsmálið er spegluð.  
 
Frágangur: Prjónið axlarstykkin fallega saman og saumið hliðarnar saman.
Heklið nú með fastahekli við ermaop, boðunga og hálsmál.
 
Kögur:
Mælið og klippið 90 sm löng bönd, leggið þræðina saman tvöfalda og stingið heklunál í gegnum kantinn neðan á sjalinu. Sækið bandið og dragið hálfa leið í gegnum kantinn og þá myndast lykkja. Dragið endann í gegnum lykkjuna og herðið að.  Hafið um það bil 1 cm á milli kögursins.
Prjónakveðja, Sigrún Ellen Einarsdóttir
Heitt poppkorn er hollt sælgæti!
Líf&Starf 10. maí 2022

Heitt poppkorn er hollt sælgæti!

Svo hljóðaði auglýsing er birtist á síðu Morgunblaðsins í júlílok árið 1968 - en...

Lesning fyrir heilabilaða
Líf&Starf 4. maí 2022

Lesning fyrir heilabilaða

Þegar ég setti saman bókina Í húsi afa míns sem kom út fyrir tólf árum, hvarflað...

Fimm hurða farsi leikfélags Hólmavíkur!
Líf&Starf 19. apríl 2022

Fimm hurða farsi leikfélags Hólmavíkur!

Nú hefur leikfélag Hólmavíkur sett upp farsann Bót og betrun eftir Michael Coone...

Ef væri ég gullfiskur!
Líf&Starf 28. mars 2022

Ef væri ég gullfiskur!

Spéfarsinn „Ef væri ég gullfiskur“ eftir Árna Ibsen, í flutningi leikfélags Umf....

Ekki um ykkur! Verk Leikfélags Menntaskólans á Ísafirði
Líf&Starf 16. mars 2022

Ekki um ykkur! Verk Leikfélags Menntaskólans á Ísafirði

Leikfélag Menntaskólans á Ísafirði frumsýndi leikritið „Ekki um ykkur” eftir Gun...

Verndarar láðs & lagar
Líf&Starf 14. mars 2022

Verndarar láðs & lagar

Þegar verndarar láðs og lagar ber á góma er gaman að rekast á þá þar sem maður á...

Flestir gullsmiðir voru bændur
Líf&Starf 28. febrúar 2022

Flestir gullsmiðir voru bændur

Árið 2011 hlaut Dóra Guðbjört Jónsdóttir gullsmiður þakkarviðurkenningu FKA – Fé...

Hann á það skilið? Á hann það skilið?
Líf&Starf 2. febrúar 2022

Hann á það skilið? Á hann það skilið?

Í kaflanum „Misseristalið og tildrög þess“ eftir Þorkel Þorkelsson, í 1. tbl. Sk...