Vinsamlegast athugið að þetta efni er eldra en 7 ára.
Svona munu herbergin líta út.
Svona munu herbergin líta út.
Mynd / HKr.
Líf og starf 27. júní 2016

Herbergjum fjölgað um 27 á Hótel Sögu

Nú stendur yfir lokafrágangur á breytingum á þriðju hæð í norðurálmu Hótel Sögu við Hagatorg í Reykjavík. Þar er verið að búa til 27 ný gistiherbergi sem smíðuð eru inn í 1.000 fermetra fyrrverandi skrifstofurými. 
 
Herbergin verða öll hin glæsilegustu og eftir breytingarnar eykst herbergjafjöldinn úr 209 í 236. Það er JÁVERK á Selfossi sem annast breytingar á hæðinni, en arkitekt er Ögmundur Skarphéðinsson hjá Hornsteinum arkitektum. Verkfræðiráðgjöf hefur verið í höndum VERKÍS. 
 
Gert er ráð fyrir að herbergin verði tekin í notkun fyrri hluta júlímánaðar og liggur þegar fyrir fjöldi bókana. Framkvæmdatíminn við breytingarnar hefur verið mjög knappur, eða einungis um 6 mánuðir.  
Elías Blöndal, framkvæmdastjóri Bændahallarinnar ehf., sem er eigandi hótelbyggingarinnar, segir að framkvæmdir hafi gengið afar vel. Lögð sé mikil áhersla á að skipta við innlenda hönnuði og verktaka og eru allar innréttingar smíðaðar hér á landi. Þá var haft í huga að velja einungis vönduð efni við breytingarnar. Áhersla hefur einnig verið lögð á sjálfbærni, heiðarleika í viðskiptum og samfélagslega ábyrgð.
 
Þá er upprunaleg hönnun Hótel Sögu höfð til hliðsjónar. Meira að segja var leitað í smiðju Halldórs Jónssonar arkitekts, sem teiknaði fyrri áfanga Bændahallarinnar. Hann hannaði nefnilega stólana í bygginguna á sínum tíma og er sú hönnun nú notuð aftur og voru stólarnir að sjálfsögðu smíðaðir á Íslandi. Verða tveir slíkir í hverju herbergi.  
 
Þá verða á herbergjunum  myndir Lothar Grund úr upprunalega bæklingnum sem gerður var um Sögu. Hann gerði einnig stjörnumerkin sem eru í loftinu á Grillinu.  
 
Skipt var um allt gler á hæðinni og var það unnið hjá Samverki glerverksmiðju á Hellu. Er glerið sérstaklega valið með orkusparnað og hljóðvist í huga. Fyrirhugað er að nota sams konar gler þegar gler í öðrum hlutum hótelsins verður endurnýjað. 
 
Áhersla er lögð á heildarsvip hótelsins og gerð stefnumörkun um endurnýjun og viðhald á öðrum herbergjum. Haft hefur verið í huga tenging við söguna og landbúnað. Unnið hefur verið að margvíslegum öðrum verkefnum á hótelinu að undanförnu og fleira er á döfinni. Þar má t.d. nefna:
  • Ný matstofa starfsmanna Bændahallarinnar á 2. hæð, sem tekin var í notkun í byrjun þessa árs.
  • Endurnýjun gluggakerfis og annað viðhald utanhúss.
  • Uppfærsla á öðrum hótelherbergjum.
  • Hugmyndir um endurnýjun 1. hæðar.
  • Hugmyndir um fleiri ný hótelherbergi.
  • Endurnýjun innviða.

6 myndir:

Heitt poppkorn er hollt sælgæti!
Líf&Starf 10. maí 2022

Heitt poppkorn er hollt sælgæti!

Svo hljóðaði auglýsing er birtist á síðu Morgunblaðsins í júlílok árið 1968 - en...

Lesning fyrir heilabilaða
Líf&Starf 4. maí 2022

Lesning fyrir heilabilaða

Þegar ég setti saman bókina Í húsi afa míns sem kom út fyrir tólf árum, hvarflað...

Fimm hurða farsi leikfélags Hólmavíkur!
Líf&Starf 19. apríl 2022

Fimm hurða farsi leikfélags Hólmavíkur!

Nú hefur leikfélag Hólmavíkur sett upp farsann Bót og betrun eftir Michael Coone...

Ef væri ég gullfiskur!
Líf&Starf 28. mars 2022

Ef væri ég gullfiskur!

Spéfarsinn „Ef væri ég gullfiskur“ eftir Árna Ibsen, í flutningi leikfélags Umf....

Ekki um ykkur! Verk Leikfélags Menntaskólans á Ísafirði
Líf&Starf 16. mars 2022

Ekki um ykkur! Verk Leikfélags Menntaskólans á Ísafirði

Leikfélag Menntaskólans á Ísafirði frumsýndi leikritið „Ekki um ykkur” eftir Gun...

Verndarar láðs & lagar
Líf&Starf 14. mars 2022

Verndarar láðs & lagar

Þegar verndarar láðs og lagar ber á góma er gaman að rekast á þá þar sem maður á...

Flestir gullsmiðir voru bændur
Líf&Starf 28. febrúar 2022

Flestir gullsmiðir voru bændur

Árið 2011 hlaut Dóra Guðbjört Jónsdóttir gullsmiður þakkarviðurkenningu FKA – Fé...

Hann á það skilið? Á hann það skilið?
Líf&Starf 2. febrúar 2022

Hann á það skilið? Á hann það skilið?

Í kaflanum „Misseristalið og tildrög þess“ eftir Þorkel Þorkelsson, í 1. tbl. Sk...