Hannyrðahornið 12. desember 2018

Algjör draumur

Handverkskúnst
Nýttu þér 30% afsláttinn og prjónaðu þetta dúnmjúka teppi fyrir veturinn. Teppið er prjónað úr tveimur þráðum af Drops Air sem fæst í 20 litbrigðum og 3 nýir litir væntanlegir. 
 
Stærð:  um 100x120 cm
 
Garn: Drops Air fæst í Handverkskúnst
- perlugrár nr 03: 600 gr
 
Prjónar: Hringprjónn (80 cm) nr 10 – eða þá stærð sem þarf til að 9 lykkjur og 12 umferðir í sléttu prjóni verði 10x10 cm. Kaðlaprjónn.
 
Teppi: Stykkið er prjónað fram og til baka á hringprjón með 2 þráðum af Drops Air.
 
Fitjið upp 108 lykkjur á hringprjón nr 10 með 2 þráðum Air. Prjónið 4 umferðir garðaprjón (2 garðar), prjónið síðan frá réttu þannig: 3 lykkjur garðaprjón, A.1 yfir næstu 32 lykkjur, A.2 (= 38 lykkjur), A.4 yfir næstu 32 lykkjur, 3 lykkjur garðaprjón. Þegar A.2 hefur verið prjónað 1 sinni á hæðina eru 120 lykkjur í umferð. Haldið áfram með A.3 (= 50 lykkjur) yfir lykkjur í stað A.2, aðrar lykkjur eru prjónaðar eins og áður. 
 
Prjónið þar til stykkið mælist 120 cm er fækkað um 4 lykkjur jafnt yfir hvern kaðal í A.3 = 108 lykkjur á prjóninum. Prjónið 4 umferðir garðaprjón og fellið af. 
 
Gangið frá endum og þvoið stykkið.
 
Með prjónakveðju, 
mæðgurnar í Handverkskúnst,
www.garn.is.