Vinsamlegast athugið að þetta efni er eldra en 4 ára.
Stóri-Háls
Mynd / Úr einkasafni
Bóndinn 23. janúar 2020

Stóri-Háls

Rúna er fædd og uppalin á Stóra-Hálsi en tók við búinu af afa sínum og ömmu árið 2012. 

Býli: Stóri-Háls. 

Staðsett í sveit:  Stóri-Háls er í neðri Grafningi, bærinn stendur í fjallshlíð norðan við Ingólfsfjall.

Ábúendur: Sigrún Jóna Jónsdóttir (Rúna).

Fjölskyldustærð (og gæludýra): Sigrún Jóna Jónsdóttir, Sæmundur Þorbjörn Sæmundsson og Ásdís Rún Grímsdóttir 12 ára.

Gæludýrin eru: kötturinn Lakkrís, smalahundurinn Komma og hvolpurinn Míla.

Stærð jarðar? Jörðin er um 740 ha þar af eru um 35 ha tún. 

Gerð bús? Sauðfé og hross. Og á sumrin er opið í Sveitagarðinn en það er fjölskyldu-afþreyingargarður sem ég opnaði 2018.

Fjöldi búfjár og tegundir? 280 vetrarfóðraðar kindur, 12 hross, 4 geitur, 13 hænur og 8 kanínur.

Fleiri dýr eru svo í Sveita-garðinum en þá bætist í hópinn kálfar, grísir, endur, kettlingar og fleira.

Hvernig gengur hefðbundinn vinnudagur fyrir sig á bænum? 

Það fer nú eftir árstíðum en núna eru það morgun- og kvöldgjafir í öllum húsum og þess á milli er verið að þjálfa hross, moka snjó þegar hann er að þvælast fyrir og viðhald sem fellur til.

Skemmtilegustu/leiðinlegustu bústörfin? Þetta er allt skemmtilegt, smalamennskur, sauðburður, heyskapur, hrossa-stúss og taka á móti fólki í Sveitagarðinn. Meira að segja gaman að moka skít ef maður gerir það með réttu hugarfari.

Leiðinlegast er þegar skepnurnar veikjast og vélar bila.

Hvernig sjáið þið búskapinn fyrir ykkur á jörðinni eftir fimm ár? Eitthvað svipað nema betra fé og betri hross.

Hvaða skoðun hafið þið á félagsmálum bænda? Það er nauðsynlegt að sem flestir taki þátt svo samstaðan verði meiri, það er gagnslaust að hver tuði í sínu horni.

Hvernig mun íslenskum land-búnaði vegna í framtíðinni? Það er ómögulegt að segja en ég vona að hann styrkist, verði betur metinn og  fólk sjái að það er nauðsynlegt að halda honum gangandi.

Hvar teljið þið að helstu tækifærin séu í útflutningi íslenskra búvara? Það liggja tækifæri í öllu, þetta snýst bara um að finna réttu markaðina en það getur reynst snúið.

Hvað er alltaf til í ísskápnum? Mjólk, rjómi, ostur, skyr.

Hver er vinsælasti maturinn á heimilinu? Kjötsúpa, lambasteik og lambaborgarar.

Eftirminnilegasta atvikið við bústörfin? Úff ... það er alltaf eitthvað klúður sem maður man best eftir, en ég ætla að segja fyrsta rúllan sem ég rúllaði með nýju rúlluvélinni ( ekkert klúður þar). 

Og stærsti dagurinn í Sveita-garðinum en þá komu rúmlega 800 manns á 6 tímum.

Verðmæti til í öllu
Bóndinn 22. mars 2024

Verðmæti til í öllu

Grænegg eiga sér tæplega 70 ára fjölskyldusögu í hænsnarækt auk þess sem Sveinbj...

Allir vegir færir
Bóndinn 8. mars 2024

Allir vegir færir

Steinþór Logi Arnarsson og Eydís Anna Kristófersdóttir, sauðfjárbændur í Stórhol...

Forréttindastarf
Bóndinn 23. febrúar 2024

Forréttindastarf

Hjörvar Ágústsson hrossaræktarbóndi gefur hér lesendum innlit í líf og starf fjö...

Enginn dagur eins
Bóndinn 9. febrúar 2024

Enginn dagur eins

Óli Finnsson er garðyrkjubóndi ásamt Ingu Sigríði Snorradóttur. Þau fluttu árið ...

Horfir fram á veginn
Bóndinn 26. janúar 2024

Horfir fram á veginn

Ísak Jökulsson bóndi rekur búið Ósabakka ehf. í samvinnu við föður sinn, Jökul H...

Draumur varð að veruleika
Bóndinn 12. janúar 2024

Draumur varð að veruleika

Hjónin Eydís Rós Eyglóardóttir og Ingvi Guðni Ingimundarson tóku við búi foreldr...

Vesturkot
Bóndinn 8. nóvember 2023

Vesturkot

Vesturkot er vestasti bærinn á Ólafsvallartorfunni og lengst af hefur verið reki...

Kirkjubær
Bóndinn 17. október 2023

Kirkjubær

Við höfum búið í Kirkjubæ í 8 ár, fluttum beint þangað þegar við útskrifuðumst f...