29. nóvember 2017 - 01. desember 2017

Sauðfjársæðingar

Námskeið fyrir alla sauðfjárbændur og þá sem hafa áhuga á að starfa eða starfa við sauðfjársæðingar.

Fjallað er örstutt um sögu sauðfjársæðinga. Æxlunarfærum sauðkinda er lýst og greint er frá helstu atriðum varðandi æxlunarlíffræði þeirra. Fjallað er um sæðingar, hvernig best er að standa að þeim, hvenær rétti sæðingatíminn er og í hverju samstilling gangmála er fólgin.

Kennd er meðferð sæðis og verklag við sæðingar er kennt í fjárhúsi. Einnig er rætt um smitvarnir. Ætlast er til þess að nemendur geti sætt ær og sagt til um það hvernig bestum árangri verður náð.

Haldið í samstarfi við Búnaðarsamtök Vesturlands, Búnaðarfélag Eyjafjarðar og Búnaðarsamband Suðurlands.

Kennari: Þorsteinn Ólafsson dýralæknir.
Tími: Boðið verður upp á þrjú námskeið:
I: Mið. 29. nóv, kl. 13:00-18:00 hjá LbhÍ á Hvanneyri og Hesti í Borgarfirði.
II: Fim. 30. nóv, kl. 13:00-18:00 á Akureyri.
III: Fös, 1. des, kl. 13:00-18:00 á Stóra Ármóti á Suðurlandi.
Verð: 16.900kr

Á döfinni