Frá Menningarveislunni 2017.
01. júní 2019

Menningarveisla Sólheima sett

Menningarveisla Sólheima 2019 verður sett við Grænu könunna á Sólheimum 1. júní klukkan 13:00. 

Strax eftir setningu göngum við inn og skoðum samsýningu vinnustofa Sólheima.

Þar hittum við líka talandi Páfagaukinn hana Emmu.

Börn fá sykurlausan ís í brauðformi í tilefni dagsins.

„HVAÐ HEF ÉG GERT“  Við mælum með því að gestir leggi leið sína í Sesseljuhús og skoði afleiðingar og mögulegar lausnir gegn hnattrænni hlýnun.  Nýtt:  Tiny home verkefnið og skýrsla um stöðu Sólheima, miðað við markmið Sameinuðu þjóðanna um sjálfbæra þróun.

Fyrstu tónleikar sumarsins í Sólheimakirkju klukkan 14:00

Að venju verða það íbúar Sólheima sem taka lagið með gestum.   Hallbjörn Rúnarsson kannar hvort leitin af sumrinu hafi borið árangur og fær til sín leikara úr Sólheimaleikhúsinu,  það hafa allir eitthvað um veðrið að segja. 

Klukkan 15:00 verður hægt að kaupa sér góðar veitingar í kaffihúsinu Grænu Könnunni.

Þetta verður í fjórtánda skiptið sem Menningarveisla Sólheima er haldin.

Þá bjóðu við gestum að koma heim og kynnast okkur og þeim gildum sem við stöndum fyrir og störfu eftir: Kærleikur, virðing, sköpunargleði og fagmennska.  Við leggjum metnað í að sem flestir finni sig hjá okkur og njóti með okkur

Við erum hluti af verkefninu Borg í sveit og bjóðum alla hjartanlega velkomna.. 

Verslunin Vala, kaffihúsið Grænan kannan og sýningar;

Opið frá klukkan 12:00-18:00 alla daga í sumar.

Á döfinni